Den Bybel met groter neersticheyt ghecorrigeert (Liesveltbijbel 1542)

Die Apostel straft die sonde des ouerspels, ende hy geeft een maniere hoe datmen alsulken misdaet pijnighen sal Ende die wortel der sonden berespt hi met die versumenisse der straffinghe

Dat .v. Capittel.

1

⁺DAer gaet eenen ghemeynen roep als datter oncuysheit onder v is, ende sulcke oncuysheyt, daer ooc die Hydenen niet af en weten te seggen, also dat yemant sijns vaders wijf hebben soude.

+ A vers 1

2

Ende ghi sijt opgheblasen, ende en hebt daer gheenen rouwe af ghehadt, op dat die ghene dye dat werck ghedaen heeft, van v gedaen worde.

3

Ic ben metten lichame van v, mer metten geest tegenwoordich, ende hebbe dat als tegenwoordich besloten ouer den genen die dat also gedaen hebben in uwer vergaderinge met mijnen geeste, ⁺ metter mogentheyt ons HEREN Ihesu Christi, haer lieden ouer te gheuen den viant

+ Col. ij.

4

tot verderuinge des vleeschs, op dat den geest salich werde inden dach des HEREN Iesu Christi.

⁺ Vwe beroeminge en is niet goet,

+ B vers 4

5

En weet ghi niet, dat een luttel suer deesems, dat gheheel deech versuert?

6

† Daer om purgeert wt den ^a ouden deesem, op dat ghi een nieu deech sijt, ghelijc als ghi ongedeesemt sijt.

a Ouden deesen, dat is der pharizeen leeringe mar. viij b

7

Want wi hebben ooc een paeschlam, dat is Christus voor ons geoffert. Daerom laet ons paeschen houden, niet inden ouden deesem noch in deesen der quaetheyt ende der boosheyt, mer in soeten deech der puerheyt ende der waerheyt. *

8

Ic heb ghescreuen inder epistelen, dat ghi niet te doen en soudt hebben metten oncuyschen,

9

niet en meyne ic dat geheel metten oncuyschen deser werelt, oft metten gyerigen, of metten rouers, oft metten dienaers der afgoden. Wairt also, ghi soudt moeten wt deser werelt gaen

10

Mer nv heb ic v gescreuen, niet te doen te hebben dair mede, ⁺ namelic Ist dat yemant hem een broeder laet heten, ⁺ ende nochtans een ouerspeelder is, oft gierich oft afgoden dient, oft quaet spreker, oft dronckaert, oft roouer, met aldusdanigen en suldi niet eten

+ Ga. v.b

+ C vers 10

11

Want wat gaet mi dat aen te oordeelen vanden ghenen die buyten der kercken sijn Oordeelt ghi niet die gene die binnen sijn?

12

Want die gene die buyten sijn, die sal God oordeelen. Doet dat quaet wech van v seluen