Den Bybel met groter neersticheyt ghecorrigeert (Liesveltbijbel 1542)

¶ Vanden wijue die in ouerspel begrepen, van Ihesus verlost wert. Ende hoe Iesus seyde, ic ben dat licht der werelt. Wie wt God is die hoort dat woordt Gods. Ende hoe die Ioden spraken tot Iesum, ghi sijt een Samaritaen ende hebt den duuel binnen, ende hoe si hem steenen wouden, ende hi hem van haer verborch.

Dat .viij. Capittel.

[afbeelding]

1

⁺† IEsus ginc aenden olijfberch,

+ A vers 1

2

ende smorgens vroech quam hi weder inden tempel, ende al dat volc quam tot hem, ende hy sadt ende leerdese.

3

Die scriftgeleerden ende dye pharizeen brachten een wijf tot hem in ouerspel beuonden,

4

ende si steldense daer openbaer ende seyden tot hem, Meester dat wijf is beuonden in ouerspel.

5

Moyses heeft ons in die wet geboden, ⁺ sodanige te steenigen, Wat segt ghi?

+ Leuiti. xxi.d

6

Dat seiden si om hem te tempteren, op dat si een sake tot hem mochten hebben. Maer Iesus booch hem neder ende screef metten vinger op die aerde.

7

Als si nv dus bleuen vragende, so rechte hi hem op, ende seide tot hen lieden, Wie onder v sonder sonde is die werp den eersten steen op haer.

8

Ende hi booch hem weder neder ende screef op die aerde.

9

⁺Doen si dat hoorden gingen si deen na den anderen wt, vanden outsten aen, ende lieten Iesum alleen, ende dat wijf voor hem staen.

+ B vers 9

10

Iesus rechte hem op, ende doen hi nyemandt en sach, dan dat wijf, so seyde hi tot haer, Wijf waer sijn uwe beschuldigers? En heeft v nyemant verdoemt?

11

Sy sprac HERE nyemant. Iesus seyde So en verdoeme ic v ooc niet. Gaet henen, ende en sondicht niet meer. *

12

Doen sprac Iesus weder tot hen lieden ende seyde † Ic ben dat licht der werelt, wie mi na volcht, dye en sal nyet in duysternissen wandelen, maar hy sal dat

[afbeelding]

licht des leuens hebben,

13

⁺Doen seyden dye pharizeen tot hem, Ghi tuycht van v seluen, v getuygenisse en is niet warachtich,

+ C vers 13

14

Iesus antwoorde ende seyde tot haer, Ist dat ick van my seluen getuygenisse gheue, soo is mijn ghetuyghenisse warachtich, want ick weet van waer dat ick gecomen ben, ende waer ic henen gae, mer ghy en weet nyet van waer ick come, ende waer ick henen gae.

15

Ghi oordeelt na den vleessche, ick en oordeele nyemant,

16

maer al ordeele ick, mijn oordeel is recht want ick en ben nyet alleen, maer ic ende dye vader die mi ghesonden heeft,

17

Ooc staet in v wedt ghescreuen dat tweer menschen ghetuygenisse warachtich si, ⁺

+ Deute xvij.

18

Ic bent die daer ghetuyghe van mi seluen, ende die vader die mi gesonden heeft, die getuycht oock van my.

19

Doen seyden si tot hem, waer is v vader? Iesus antwoorde, ghy en kendt noch my noch mijnen vadere. Waert dat ghy mi kende, so kende ghy mijnen vader oock.

20

Dese woorden sprack Iesus aen dye Gods kiste leerende inden tempel, Ende nyemant en taste hem aen want zijn vre en was niet gecomen. *

21

Doen seyde Iesus weder tot haer. † Ick gha wech ende ghy sult my soecken, ende ghi sult in v sonden steruen. Daer ick henen gae, daer en moecht ghi niet comen,

22

Doen seyden dye Ioden, Wil hy hem seluen dan dooden? dat hi seyt, daer ic henen gae, daer en moechdy nyet comen?

23

⁺Ende hi seide tot haer, Ghi zijt van beneden, ick ben van bouen, Ghi zijt van deser ^a werelt ic en ben nyet van deser werelt,

+ D vers 23

a Werelt wordet hier genomen voor die gene die in Christo nyet herboren en sijn, door den gheest.

24

Daerom soe heb ic v gheseyt, dat ghi in v sonden steruen sult, Want ist dat ghi niet en ghelooft dat ict ben, soo suldy in v sonden steruen. Doen seyden si tot hem,

25

Wie sijt ghi dan? Ende Iesus seide tot haer, recht dat selue, dat ic met v spreke.

26

Ic hebbe veel van v te spreken ende te oordeelen, mer die mi gesonden heeft, die is warachtich, ende so wat ick van hem gehoort hebbe, dat spreke ick voor dye werelt.

27

Maer si en verstonden niet, dat hi haer vanden vader seyde.

28

Doen seyde Iesus tot haer, Wanneer ghi des menschen sone ^b verhogen sult, dan sult ghi bekennen dat ict ben ende nyet van my seluen en doe, maer so mi mijn vader gheleert heeft, soe spreke ic.

b verhogen dats int cruis oprechten op dye gelijckenisse des serpents inder woestijnen

29

Ende die mi gesonden heeft, die is met mi, die vader en laet mi nyet alleen, want ic doe altijt dat hem behaget,

30

Doen hi sodanige dingen sprack, so gheloofden der vele in hem. *

31

† Doen seyde Iesus totten Ioden dye hem ghelooft hadden, ist dat ghi aen mijn woorden blijft, soo sijt ghi mijn oprechte discipulen,

32

ende ghi sult dye waerheyt bekennen, ende die waerheit sal v vry maken

33

Doen antwoorden si hem, Wy zijn Abrahams saet, wy en zijn noyt yemants knechten gheweest, hoe segdy dan, ghi sult vry werden?

34

⁺Iesus antwoorde ende seide, ⁺ Voorwaer voorwaer ick segghe v, wie sonde doet die is der sonden knecht

+ E vers 34

+ ij.pe. ij.d

35

Mer dye knecht en blijft nyet eewelic int huys, dye

[p. *]

sone blijft eewelic.

36

Ist dat v nv die sone vry maect, so sidy te rechte vry.

37

Ick weet wel dat ghy Abrahams saet sijt. Maer ghi soect mi te dooden, want mijne redene vaet ghi nyet onder v,

38

⁺Ic spreke so wat ic van mijnen vader ghesien hebbe, ende ghi doet so wat ghi van uwen vader ghesien hebt.

+ F vers 38

39

Si antwoorden ende seyden tot hem. Abraham is onse vader. Iesus seyde tot haer. Waert ghy Abrahams kinderen, so soudy Abrahams wercken doen.

40

Mer nv soeckt ghi mi te dooden, een alsulcken mensche, die v die waerheyt geseyt hebbe, dye ic van Gode ghehoort hebbe, dat en heeft Abraham niet gedaen,

41

Ghi doet ws vaders wercken. Doen seyden si, Wy en sijn niet onechtelijck gheboren, Wi hebben eenen vader God.

42

Iesus seyde tot haer, waer God v vader, so soudy my beminnen. Want ick ben wtgeghaen, ende gecomen van God. Want ick en ben nyet van my seluen ghecomen, maer hi heeft my ghesonden,

43

waerom en kendy dan mijn sprake nyet? want ghi en moecht ymmer mijn woorden nyedt hooren.

44

Ghi sijt vanden vader den duuel, ende ghy wilt na ws vaders lust doen. Die selue is een moordenaer van begin, ⁺ ende hi en is niet staende gebleuen inder waerheit want dye waerheit en is nyedt in hem. Wanneer hi die loeghen spreect, so spreect hi van zijn eygen, want hi is een logenaer, ende een vader der seluer.

+ i.Io. iij b

45

Maer ic, want ic v die waerheyt segge, so en geloofdi mi niet. *

46

† Wye onder v, can my eender sonden bedraghen? Ist dat ic v dye waerheyt segge, waerom en gelooft ghi my dan nyet?

47

Dye van God is, dye hoort Gods woorden. Daerom en hoort ghijse nyet, want ghi en sijt nyet van God.

48

Doen antwoorden die Ioden ende seyden tot hem, En seggen wi nyet recht, dat ghi een Samaritaen zijt, ende hebt den duuel? Iesus antwoorde,

49

Ic en heb ghenen duyuel, mer ic eer mijnen vader ende ghi hebt my oneere ghedaen.

50

Ic en soecke mijnen prijs nyet, mer daer is een die hem soect ende oordeelt.

51

⁺† Voorwaer voorwaer segghe ic v, ist dat yemandt mijn woort hout, dye en sal den doot niedt sien inder eewicheyt.

+ G vers 51

52

Doen seyden die Ioden tot hem, Nv bekennen wi dat ghi den duuel hebt, Abraham is gestoruen ende die Propheten, ende ghi segt, Ist dat yemant mijn woort hout, die en sal den doot niet smaken inder eewicheyt,

53

Sijt ghi meerder dan onse vader Abraham die welcke gestoruen is. Ende die Propheten zijn gestoruen, wat maect ghy dan van v seluen?

54

Iesus antwoorde, Ist dat ic my seluen prijse, soe en is mijnen prijs nyet Maer het is mijn vadere dye my prijst, den welcken ghy segt hi si v God,

55

ende ghy en kent hem nyet,

56

maer ic kenne hem, waert dat ic seyde, ick en kens nyet, so werde ic een logenaer, gelijck als ghi zijt. Mer ic kenne hem, ende houde zijn woort. Abraham v vader wort vrolijc dat hi mijnen dach sien soude, ende hy sach hem, ende verblijde hem.

57

Doen seyden die Ioden tot hem, ghy en zijt noch gheen vijftich iaer oudt, ende hebt Abraham ghesien?

58

Iesus seyde tot haer, Voorwaer voorwaer ic segghe v, eer Abraham wert, ben ic,

59

Doen namen si steenen op, om dat sise op hem worpen souden. Maer Iesus verborch hem, ende ginc wt den tempel.