Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–
Auteursrechtelijk beschermdHoe Ioannes dat doopsel der penitencien predicte, ende leerden Ende hoe si meynden dat Iesus Iosephs sone was, ende vanden gheslachten der vaderen achterwaerts tot Adam toe. | |
1Ga naar margenoot+ENde inden vijfthiensten iare des keyserdoms Tyberius, doen Pontius Pylatus rechter was in Iudea, ende Herodes prince in Galilea, ende Philippus zijn broeder was een vanden viervorsten van Iturea, ende in dat conincrijc Traconitis, ende Lisanias heere van Abilene, | |
2doen Annas ende Cayphas Princen der Priesteren waren, doen is geschiet dat beuel Gods tot Ioannem Zacharias sone, in die woestijne. | |
3Ende hi quam in alle die eynden der Iordanen, Ga naar margenoot+ ende predicte dat doopsel der penitentien tot vergiffenisse der sonden, | |
4als gescreuen staet inden boec der sermonen Esaias des propheten, die daer seyt, Het is een roepende stemme inder woestinen, bereyt den wech des HEREN, ende maect recht sijn toepaden. | |
5Alle dalen sullen vol werden, ende alle bergen ende houelen sullen vernedert worden, Ende wat crom is sal recht worden, ende wat oneffen is, sal slecht worden, | |
6ende alle vlees sal die salicheyt Gods sien. * | |
7Ga naar margenoot+† Doen sprac hi totten volcke die wt gingen, om gedoopt te worden van hem? Ghi aderen geslachte, wie heeft v daer te kennen gegeuen dat ghi ontloopen sult den toecomenden thoorne, | |
8Siet toe, doet waerdige vruchten der penitentien, en neemt niet voor v te seggen, wi hebben Abraham tot eenen vader, Want ic segghe v God can Abraham wt desen steenen kinderen verwecken. | |
9Die bijle is nv aen die wortel des booms gesedt Daerom, Ga naar margenoot+ alle boom die niet goede vrucht en brengt, dye sal afgehouden, ende in dat vier geworpen worden. | |
10Ende dat volc vraechde hem, Wat sullen wi dan doen? | |
11Hi antwoorde ende seyde tot haer, Wie twee rocken heeft, die geue den genen die geenen en heeft, Ga naar margenoot+ Ende wye spijse heeft die doe ooc also. | |
12Ende die openbaer sondaren quamen oock om ghedoopt te worden, ende seyden tot hem, Meester, wat sullen wi dan doen? | |
13Hi sprac tot haer, Ouereyscht den luyden niet met uwer hanteringe. | |
14Doen vraechden hem ooc dye ruyteren, seggende, Wat sullen wi dan doen? Ende hy seyde tot haer. Doet nyemant gewelt oft onrecht, ende laet v genoegen met v soudye. | |
15Ende als dat volc waende, ende dachten alle in haer herten van Ioannes dat hi misschien Cristus ware, | |
16Ioannes antwoorde, ende sprac tot haer allen, Ick doope v met water, mer daer sal na mi een stercker comen dan ic, dien ic niet weerdich en ben, te ontbinden dye riemen sijnder scoenen, die sal v doopen metten heyligen geest, ende metten viere, | |
17wiens wayere is in sijn hant ende hi sal reynigen sinen vloer, Ga naar margenoot+ ende sal vergaderen dye tarwe in sijn schuere, mer dat caf sal hi verbernen metten eewigen viere, | |
19Ende Herodes Tetrarcha, als hi ghestraft werdt van hem, om Herodias sijns broeders wijf, ende om allen den quade dat Herodes dede, | |
20ende bouen alle dit sette hi Iohannem geuangen. | |
21Ende het gesciede, als alle dat volc gedoopt wert ende Iesus ooc gedoopt was, ende badt, dat haer die hemelen op deden, | |
22ende die heylige gheest quam neder in lichamelijcker gedaente op hem als een duyue, ende een stemme quam wt den hemel ende sprac. Ga naar margenoot+ Ghi sijt mijn beminde sone, in dien ic mi wel behaget hebbe. | |
23Ende Iesus was bi dertich iaren oudt, doen hy begost, ende hy wert gehouden voor een sone Iosephs, welcke was een sone Eli. | |
24die was een sone Matat die was een sone Leui die was een sone Melchi die was een sone Ianna die was een sone Ioseph | |
25die was een soon Matatias die was een sone Amos die was een sone Nahum die was een sone Esli die was een sone Nange | |
26die was een sone Maath die was een soon Matatias die was een Sone Semei die was een sone Ioseph die was een sone Iuda | |
27die was een sone Iohanna die was een sone Resya | |
[pagina *]
| |
die was een soon Zorobabel die was een sone Salatiel die was een sone Neri | |
28die was een sone Melchi die was een sone Addi die was een sone Cosam die was een soon Elmadam die was een sone Her | |
29die was een sone Ieso die was een sone Elieser die was een sone Ioram die was een sone Matta die was een sone Leui | |
30die was een sone Symeon die was een sone Iuda die was een sone Ioseph die was een sone Ionam die was een sone Eliak | |
31die was een sone Melcha die was een sone Menan die was een sone Matatan die was een sone Nathan die was een sone Dauid | |
32die was een sone Iesse die was een sone Obeth die was een sone Boos die was een sone Salmon die was een sone Naasson | |
33die was een soon Aminadab die was een sone Aram die was een sone Esron. die was een sone Phares die was een sone Iuda | |
34die was een sone Iacob die was een sone Isaac die was een sone Abraham, die was een sone Thara die was een sone Nachor, | |
35die was een sone Saruch die was een sone Heber die was een sone Sala | |
36die was een sone Caynan die was een sone Arpharat die was een sone Sem die was een sone Noe die was een sone Lamech | |
37die was een soon Mathusa die was een sone Enoch die was een sone Iared die was een soon Malaliel die was een sone Caynan | |
38die was een sone Enos die was een sone Seth die was een sone Adam Adam die was Gods |
|