Den Bybel met groter neersticheyt ghecorrigeert (Liesveltbijbel 1542)

¶ Van sinte Ioannes doopsel inder Iordanen, ende Cristus doopsel, hoe haer die hemelen openden, ende Ioannes den gheest Gods op Iesum sach dalen.

Dat .iij. Capittel

1

⁺IN dien daghen is Ioannes dye dooper ghecomen prekende, in dye woestijne des Iootschen landts,

+ A vers 1

2

segghende, Betert v, ⁺ dat rijck der hemelen is nae by ghecomen,

+ Ioan. i.d eza. xl.a luc. iij.a

3

ende dese Ioannes is die gene, daer den Propheet Esayas af gesproken heeft,

[afbeelding]

seggende, Daer is een roepende stemme inder woestijnen, bereyt den HEERE den wech, ende maket sijn toepaden recht.

4

Ende dese Ioannes hadde sijn cleedt van kemelen hayr, ende eenen leyren gordel om sijn lendenen, ende sijn spijse waren sprinchanen, ende wilden honich, ⁺

+ mar. i.a.

5

Doen is tot hem wtghegaen die stadt van Ierusalem, alle dat lant van Iudeen, ende alle dat lant ontrent der Iordanen,

6

ende si werden van hem in die Iordane gedoopt, bekennende haer sonden.

7

⁺† Ende doen hi sach veel Pharizeen ende Saduceen tot sinen doopsel comen, so sprac hi tot haer lieden, Ghi aderen gheslachten, Wie heeft v te kennen ghegeuen te ontulieden den toecomenden toren?

+ B vers 7

8

Hierom doet oprechte vruchten des berous,

9

ende en denckt niet dat ghy in v seluen soudt willen segghen, Wy hebben Abraham tot eenen vader. Ick segghe v, dat God machtich is Abraham wt dese steenen kinderen te verwecken,

10

Ende die bijle is nv aen die wortel der boomen gestelt, ⁺ hierom sal elcken boom die gheen goede vrucht voort en brengt, afghehouden ende int vier gheworpen worden.

+ Luc. iij b

11

Ick doope v met water tot berouwe, ⁺ maer hi die na mi comen sal, die is stercker dan ick, wiens schoenen ic niet weerdich en ben te draghen, die sal doopen metten heylighen gheest, ende met vier,

+ mar. i.a. Luc. iij c Ioan. i.d

12

Ende hi heeft sinen wan in sijn hant, Ende hi sal sinen dorschuloer suueren, ende sijn ^a tarwe sal hi in sine schuere vergaderen, mer dat caf sal hi metten eewighen viere verbranden. *

[afbeelding]

a door die tarwe ende caf, verstaet hy goede ende die quade

13

† Doen quam Iesus wt Galileen aen die Iordane tot Ioannem, op dat hi van hem ghedoopt soude worden,

14

ende Ioannes weygerde hem, ende sprac. ⁺ Ick behoefde wel van v ghedoopt te worden, ende coemt ghi tot mi?

+ C vers 14

15

Ende Iesus antwoorde ende sprac, Latet nv also geschieden, want also betamet ons, op dat wi alle ^b gerechticheyt volbringhen mogen. Doen liet hijt gheschien.

b Gherechticheyt dat is hier officie of oordinantie. psa xvij

16

Iesus ghedoopt sijnde, clam terstont wt den water, ende siet die hemelen sijn bouen hem gheopent, ende Ioannes sach den gheest Gods neder dalen ghelijc een duyue, ende op hem comen.

17

Ende siet daer quam een stemme

[p. *]

wten hemel, ⁺ seggende. Dese is mijn beminde sone in welcken ick een welbehaghen hebbe. *

+ Ioan. i.d Matth xvij.a