Den Bybel met groter neersticheyt ghecorrigeert (Liesveltbijbel 1542)

[p. *]

¶ Dat Euangelie van sinte Matheus

vander gheboorte ons HEREN Iesu Christi. Hoe Ioseph Maria troude. Die Engel dye openbaert Ioseph inden slaep, dye Marien laten wilde.

Dat .I. Capittel

[afbeelding]

1

⁺DIt is dat boeck der geboorten Iesu Cristi, des soons ^a Dauids, des soons Abrahams.

+ A vers 1

a Hoe Cristus geheeten is die sone Dauids. Gene. xxix.a. ge. xxi a

2

Abraham heeft voortgebracht Isaac. Isaac heeft voortghebracht Iacob. Iacob heeft voortgebracht Iudas ende zijn broeders.

3

Iudas heeft voortghebracht Phares ende Saram van Thamar, Phares heeft voortghebracht Hezron.

Hezron heeft voortghebracht Aram

4

Aram heeft voortgebracht Aminadab.

Aminadab heeft voortgebracht Naasson.

Naasson heeft voortgebracht Salmon ⁺

+ ij.pa. ij.a

5

Salmon heeft voortghebracht Boos van Rachab

Boos heeft voortghebracht Obed van Ruth.

Obed heeft voortghebracht Iesse

6

Iesse heeft voortghebracht Dauid den Coninck.

Dauid die Coninck heeft voortgebracht Salomon,

van die Vrias huysurouwe gheweest was.

7

⁺Salomon heeft voortghebracht Roboam.

Roboam heeft voortgebracht Abias

Abias heeft voortghebracht Assa.

+ B vers 7

8

Assa heeft voortgebracht Iosaphat.

Iosaphat heeft voortghebracht Ioram

Ioram heeft voortghebracht Osias.

9

Osias heeft voortghebracht Ioathan.

Ioathan heeft voortghebracht Achas.

Achas heeft voortgebracht Ezechias.

10

Ezechias heeft voortgebracht Manasses.

Manasses heeft voortbracht Amon.

Amon heeft voortghebracht Iosias

11

Iosias heeft voortgebracht Iechonias ende sijn broeders, inden tijt der geuanckenissen van Babylonien.

12

Ende na der Babylonischer geuanckenissen so heeft Iechonias voortgebracht Salathiel

Salathiel heeft voortghebracht Zorobabel

13

Zorobabel heeft voortghebracht Abiud

Abiud heeft voortgebracht Eliachim.

Eliachim heeft voortgebracht Azor

14

Azor heeft voortgebracht Sadoch.

Sadoch heeft voortgebracht Achim.

Achim heeft voortgebracht Eliud

15

Eliud heeft voortgebracht Eleazar

Eleazar heeft voortgebracht Mathan.

Mathan heeft voortghebracht Iacob

16

Iacob heeft voortgebracht Ioseph den man Marie, van welcker geboren is Iesus, die genaemt wort ^b Cristus *

b Cristus dat is gesalft. ij.reg. I. In Cristo is den pant der godlijcker beloften, door welcken pant dye ghenade gods ons belooft is Lu. i. ij a

17

Ende also sijn alle die geslachten van Abraham tot Dauid veerthien geslachten, ende van Dauid totter Babylonischer geuanckenissen veerthien gheslachten, ende vander Babiloniscer geuanckenissen tot Cristum veerthien gheslachten. Ende die geboorte Cristi was aldus.

18

† Als Maria sijn moeder te huwelijc ghegeuen was Ioseph, ⁺ eer si te samen vergadert waren, so wert beuonden dat si ontfanghen hadde vanden heyligen geest,

+ C vers 18

19

ende Ioseph haer man (wandt hy rechtueerdich was) en wouse niet beschamen, maer hi dachtse heymelijck te verlaten.

20

Ende doen Ioseph dit dachte, siet, so openbaerde hem die Engel des HEREN in sinen droom, seggende Ioseph Dauids sone, en vreest niet Marien v huysurouwe by v te nemen, want dat in haer ontfangen is, dat is vanden heyligen geest,

21

Ende si sal eenen sone baren, ende ghi sult sinen naem Ihesus heeten, ⁺ want hi sal sijn volc salich maken van haren sonden.

+ D vers 21

22

Ende dit is al gheschiet, ⁺ om dat veruult soude worden dat vanden HERE door den propheet ghesproken was, seggende,

+ esa. viij c

23

Siet een maget sal ontfanghen ende baren eenen sone, ende si sullen sinen naem heeten ^c Emanuel, Dwelc so vele luydende is, als God met ons.

c Christus wort genoemt Emanuel om dat hi hem den menscen toe gheuoecht heeft, ende is ons broedere gheworden. Hebr. ij.

24

Ende Ioseph gewect sijnde wt sinen slaep, dede gelijc die engel des HEREN beuolen hadde, Ende hi nam sijn huysurouwe tot hem,

25

ende hy en bekende haer noyt, tot dat si baerde haren eersten gheborenen sone Ende hi noemde sinen naem Iesus.