Den Bybel met groter neersticheyt ghecorrigeert (Liesveltbijbel 1542)

¶ Vanden prophete Nathan ende den coninck Dauid. Van sinen sone Salomon.

Dat .xlvij. Capittel

1

⁺NA desen so stont op Nathan de propheet in Dauids dagen,

+ A vers 1

2

ende als smeyr versceyden vanden vleessce, also is Dauid vanden kinderen Israel verscheyden,

3

Hi speelde metten leeuwen, als met lammeren, ende inden beyren dede hi gelijc inden lammeren der schapen

4

En sloech hi in sijnder ioncheit den ruese niet doot? ende nam den lachter wech vanden volcke, ⁺

+ Ie. vij.

5

In op te heffen sijn hant, worp hi den ouermoet Golie af in eenen steen der slingeren,

6

daer hi den almachtigen God aenriep, ende hi ghaf hem stercte in sijnder rechter hant,

[p. *]

eenen stercken man wech te doen, ende den ^a hoorne sijns volcx te verhogen.

a Hoorne inder scriftueren, dat is hoocheyt, glorie, stercte, ende maiesteyt, als staet inden xvij. psalme.

7

Also glorificeerde hi hem in thien duysenden, ende loofde hem in die lofsegginghe des HEREN, in dien dat hi hem die croone der glorien gaf.

8

Want hi vernielde die vianden aen alle siden ende hi wtwortelde Philistijm die wedersakers, tot op den dach van heden.

9

Hi wreef haren hoorne te stucken tot inder eewicheit.

10

In allen sinen wercken heeft hi den alderhoochsten ghelooft, ende eer toe ghescreuen.

11

⁺Hi loofde den HERE van al sijnder herten, ende hi beminde hem, die hem gemaect heeft, ende gaf hem macht tegen den outaer, ende in haren geluyt maecte hy soeten sanc.

+ B vers 11

12

Ende op die hoge tijden, heeft hi cieraet gheordineert, totter voleyndinge des leuens toe, op dat si den naem des HEREN souden louen, ende si vroech Gods heylicheit souden verbreyden.

13

⁺Die HERE heeft sijn sonden gesuyuert, ende heeft sinen hoorne verhoocht inder eewicheit. Ende hy heeft hem dat verbont des rijcx gegeuen, ende den stoel der glorien in Israel.

+ C vers 13

14

Na hem stont op een wijs sone, met name Salomon, om dien worp hi alle machticheyt der vianden neder. Salomon regneerde inden dagen des vredes,

15

den welcken God alle vianden onderworp, op dat hi een huys in sinen name soude stichten, ende soude heylicheyt bereyden inder eewicheit

16

⁺Also hi geleert was in sijnder ioncheyt, Ende hi is met wijsheyt veruult als een riuiere, ende sijn siele ontdecte dat lant,

+ D vers 16

17

ende hi heeft veruult die raetselen in gelijckenisse, ende sinen name is verre totten eylanden vermaert,

18

ende hi wert bemint om zijns vreets wille.

19

Die landen sijn verwondert, in sijn liedekens ende bispraken, in zijn gelijckenissen ende wtleggingen, ende vanden name des HEREN Gods, wiens toenaem is God Israhels,

20

Hi heeft gout vergadert als latoen, ende hi vergaderde dat siluer als loot.

21

Ende hi wert in ongeordineerde liefde geneycht, tot den wiuen, ende hi werdt van sinen eyghen vleessche verwonnen.

22

Hy gaf een smette in sijnder glorien, ende hi ontheilichde zijn saet, om gramscap in te brengen op sinen kinderen, ende hi leet na zijn bliscap, op dat hi een in tween gedeelt soude maken,

23

ende wt Ephraim een ongetrou afuallich rijc worden.

24

Mer God en sal sijn ontfermherticheyt niet laten, ⁺ ende hi en sal niet scoren noch wtwisscen sijn wercken,

+ ij.re. xi.

25

noch hi en sal die neuen sijns wtuercorenens niet verliesen vanden stamme.

26

Ende een saet dat van hem quam ende hem lief hadde, dat en heeft God niet heel verdaen, mer heuet noch een nacomelinc ende oor in Iacob gegeuen, ende wt Dauid een wortel.

27

Ende Salomon hadde een eynde met sinen vaderen.

28

Ende hi liet na hem achter van sinen sade des volcx sotheit, ende eenen die geen verstant en had, te weten Roboam, die dat volc midts sinen rade afkeerde,

29

ende Ierobeam den sone Nabath, die Israel dede sondigen, ende gaf Ephraim den wech te sondighen,

30

dat hare sonden ende misdaden te veel werden, dat si ten lesten wt den lande verdreuen werden,

31

Ia alle scalcheyt heeft hi ghesocht, tot dat die wrake ouer haer quam.