Den Bybel met groter neersticheyt ghecorrigeert (Liesveltbijbel 1542)

¶ Voor alle sonden sal hem die mensche wachten, van ondersceyt der wijsen ende der dwasen.

Dat .xxi. Capittel

1

⁺SOne hebdy gesondicht, so en sondicht niet meer, mer bidt ooc vanden voorledenen, dat si v verlaten werden.

+ A vers 1

2

Vliet die sonden, als vander slangen aensicht, ende ist dat ghi tot die gaet, si sullen v ontfaen ⁺

+ lu xv. a Psal. xl

3

Haer tanden zijn leeuwen tanden, doodende der menschen siele.

4

Des menscen ongerechticheit is als een swaert, aen beiden siden scerp, haerder wonden en is gheen ghesontheyt,

5

kijuingen ende onrechten sullen dat goet vernielen ende dat huys dat te veel rijc is, sal te niete werden gebracht mits houeerdicheyt, also sal des houeerdigen goet wt werden gewortelt.

6

Die biddinge des armen, sal wt den monde totten ooren comen, ende dat oordeel sal hen haestelic toecomen.

7

⁺Die de berispinge haet, is een teeken eens godloosens, maer die God vreest, sal tot sijnder herten werden bekeert.

+ B vers 7

8

Een machtige wert van verre bekent, wt zijnder tongen, ende een wijse weet, dat hi van hem valt.

9

Die sijn huys tymmert met ander lieden cost, dye is als die steen vergadert inden winter.

10

Die vergaderinge der godlosen, is als vergaderde stoppelen, ende haer voleyndinghe is een vlamme des viers.

11

Den wech der godloser is beset met steenen, ende in haer eynden sijn der hellen duysternissen ende pijnen.

12

Die die gerechticheyt bewaert, sal hare verstant behouden,

13

die voleyndinge der vreesen Gods, is wijsheyt.

14

Die niet wijs en is, en sal niet geleert werden int goet,

15

Mer die onwijse die oueruloeyt int quade, ende daer bitterheit is, daer en is gheen verstant,

16

Die kennisse des wijsen sal oueruloeyen, als een oueruloedinghe, ende sinen raet is als een fonteyne des leuens.

17

Dat herte des ^a sotten is als een gebroken vat, ende en sal geene wijsheytihouden.

a Dye Sotte is die ongeloouighe, die Gods woordt nyet en achten.

18

So wat wijse woort een wijse hoort datsal hi prijsen, ende hi salt tot hemwaerts werpen. Die oncuyssche heuet gehoort, ende het sal hem mishagen, ende hi salt ^b achter sinen rugge werpen.

b achter rugghe werpen is verachten ende geen gade slaen Esaie. xxxviij

19

Des sottens vertellinge is als een pac inden wech, maer in eens wijsen lippe werdt gratie geuonden,

20

den mont des voorsichtigen wert inder ghemeynten ghesocht, ende si sullen zijn woorden in hare herten dencken.

21

Gelijc een verdoruen huys, also is den sotten die wijsheyt, ende die wijsheyt der onwijser, zijn doncker woorden.

22

Die leeringe is den sotten als boeyen aen zijn voeten, ende als banden der handen, aen der rechter hant.

23

Een sot

[p. *]

verhoocht zijn stemme int lachen, mer een wijs man en sal nauwelick stillick lachen.

24

Die leeringe is den voorsichtigen een gulden cyeragie, ende als een arm vercieringe in sinen rechten arm, Des sotten voet, is lichtelicker in zijns naesten huys, ende een besocht mensche, sal bescaemt worden van des machtighen persone.

25

Een sotte siet vande venstere in huys,

26

mer een verstandige sal buyten staen. Een dwaes mensch luystert voor die dore, ende die voorsichtighe sal van buyten staen,

27

Want het is een dwaesheydt te luysteren ouer die dore, maer een wijs man soude daer van seer beschaemt sijn.

28

Die lippen der onuersichtiger sullen sotte dingen vertellen, maer der voorsichtiger woorden, sullen gewegen worden in een wage

29

Inder sotten ^c mont is haer herte, ende inder wijser herte is haren mont.

c Dat herte inden mont hebben is onwijslick spreken voort gepeis mer den mont int herte hebben is desen contrarie.

30

Als die godloose den duyuel vloect, so vloect hi zijn siele.

31

Een clappaert sal zijn siele besmetten, ende sal in allen gehaet worden. Een swijgende, ende een welghesinde sal gheeert worden.