Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–¶ Nyemant en verlate hem op sine goede gheluckighe daghen, noch op sine cracht, Nyemant en verachte Gods bermherticheyt ende lancmoedicheyt. | |
1Ga naar margenoot+EN wilt niet staen na ongerechtighe besittinghen, ende en segt niet, ick sal noch langhe leuen. Want het en sal niet vorderen inder tijt der wraken, ende der Ga naar margenoota versoeckinge. | |
2En volcht die begeerlijcheden ws herten niet in uwer stercheyt, noch en segt niet. | |
3Hoe mocht ic, ende wie sal mi onderworpen om mijnder wercken wille, | |
4want God sal wrekende wreken. En segt niet, ic heb ghesondicht, ende wat is my droeflicx gebuert, Want die alderhoochste is een lijdtsaem wedergelder, | |
5Vander vergeuen sonden en wilt niet sonder vreese sijn, noch en doet die een sonde op dander niet, ende segt, Ga naar margenoot+ Die bermherticheydt des HEREN is groot, | |
6Hi sal der menichfuldicheyt mijnder sonden ontfermen, | |
7Want die ontfermherticheyt ende die gramscap gaen haestelic van hem, ende sijn gramscap en is niet tegen die sondaren. | |
8En vertraecht niet totten HERE te keeren, ende en vertreckes niet van dage te dage, | |
9Want sine gramschap sal onuersiens comen, | |
10ende hi sal v inder tijt der wraken vernielen. En wilt niet alte begeerich sijn in onrechtueerdige rijcdommen, want si en sullen v niet vorderen, inden dach der straffinghe ende der wraken. | |
11En weyffelt niet met allen winden, ende en gaet niet in alle weghen, Want also doet die sondaer die een dubbel tonge heeft. | |
12Sijt vast inden wech des HEEREN, weest vast in v verstant, ende blijft bi uwen woorden, | |
13ende dat woort des vreets ende der gherechticheyt volghe v na. Sijt saechtmoedich om Gods woort te horen, op dat ghijt verstaet, ende met wijsheyt sult ghi warachtighe antwoorde voortbrengen. Weest snel int hooren, ende traech ende lancsaem int antwoorden. | |
14Ga naar margenoot+Ist dat ghi verstant hebt, so antwoort uwen naesten, Mer is dat niet, so si v hant op uwen mont, op dat ghi niet gheuanghen en wort, in een onbeleeft woort, ende wort also beschaemt, | |
15Eere ende glorie is in eens wijs mans redene, Mer die tonge des onuersichtigens, is sijn bederffenisse | |
16En wort geen looftuyter oft pluymstrijcker geheeten in uwen leuen, ende en wort niet gheuaen midts uwer tonghen, ende wort also bescaemt, | |
17Want ouer den dief is bescaemtheidt, ende wercken des berous, ende den tweetongigen is die alderquaetste besceldinghe, | |
18Mer den flatterder is hate ende vyantscap, ende smaet. Rechtueerdicht den cleinen, ende den grooten euen ghelijck. |
|