Den Bybel met groter neersticheyt ghecorrigeert (Liesveltbijbel 1542)

Die HERE vercondicht den Prophete door een beuel dat die straffinghe der boosen niet achter blijuen en sal, al vertoeft si wat

Dat .ij. Capittel.

1

HIer stae ick op mijn wachte, ende trede op mijn veste, aenschouwe, Ende sie toe wat mi gheseydt worden sal, Ende wat ic antwoorden sal den ghenen dye my berispt.

2

De HERE antwoorde mi ende

[p. *]

sprack. Scrijft dat gesichte ende scildert op een tafele dat hijt snellicken gelesen can, die daer voorbi loopt Te weten also,

3

Dye openbaringe sal noch vervult worden, tot sijnder tijt. Ende sal ten laetsten inden dach comen, ende niet wtblijuen. Ende oftet al vertrecke, So verwacht daer op. Si sal certeynlic comen, ende niet vertrecken.

4

Mer so wie daer teghen staet, des siele en sal niet gelucken. Want die gerechte sal in sijn ghelooue ende betrouwen leuen.