Den Bybel met groter neersticheyt ghecorrigeert (Liesveltbijbel 1542)

¶ Hoe dat Hiram die Coninc, Dauidem den Coninc hout sant Ende hoe veel huysurouwen dat Dauid nam Ende hoe die Philistinen tegen hem streden, ende hoe hise verwint.

Dat .xv. Capittel.

1

⁺ENde Hiram dye coninc tot Tyro, seynde boden tot Dauid, ende cederen houte, ⁺ metsers, ende timmerlieden, dat si hem een huys souden timmeren.

+ A vers 1

+ ij.re. vi a

2

Ende Dauid merckte dat hem dye HERE tot eenen coninc ouer Israel beuesticht had, want zijn conincrijc steech op om zijns volcx Israhels wille,

3

Ende Dauid nam noch meer wiuen tot Ierusalem, ende wan noch meer sonen ende dochteren,

4

ende dye hem te Ierusalem geboren worden, hieten also

5

Samua Sobab, Nathan, Salomon,

6

Iebehar, Elisua, Elipalet,

7

Noga, Nepheg, Iaphia,

8

Elizamma, Bael, Iada, Eliphaleth

9

Ende doen die Philisteen hoorden, dat Dauid tot eenen coninc ghesalft was ouer geheele Israel, trocken si alle op, om Dauiden te soecken, ⁺ Doen dat Dauid hoorde, trock hi wt tegen hen, Ende dye Philisteen quamen ende daelden neder inden gronde of broecke Rephaim,

+ B vers 9

10

Dauid vraechde God ende sprac. Sal ick op trecken teghen die Philisteen, ende wildise in mijne hant gheuen? Die HEE seyde tot hem. Trect op ic hebse in uwen handen ghegeuen,

11

Ende doen si op trocken tot BaalPrazim, so sloechse Dauid aldaer. Ende Dauid sprack God heeft mijne vyanden door mijne handt ghedeelt, so hem dat water deelt. Daer af hieten si die plaetse BaalPrasim,

12

Ende si lieten hare Goden aldaer. Doe hietse Dauid met vier verbernen

13

⁺Maer die Philisteen maecten hen weder op, ende deden hen neder inden gronde oft dale,

+ C vers 13

14

Ende Dauid vraechde Gode noch eens, Ende God sprac tot hem, Ghi en sult niet op trecken achter hem, mer wijct van hen dat ghi aen hen coemt tegen die peerboomen ouer

15

Als ghi dat ruysscen bouen op die peerboomen sult hooren gaen, so vaert daer wt totten strijde, ⁺ Want God is daer voor v wtgetrocken, om der Philisteen heyr te slaen,

+ D vers 15

16

Ende Dauid dede dat hem God beuolen had, ende si sloegen dat heyr der Philisteen van Gibeon aen, tot Gaser toe.

17

Ende Dauids name brac wt in allen landen, Ende die HERE liet sine vreese ouer alle heydenen comen.