Den Bybel met groter neersticheyt ghecorrigeert (Liesveltbijbel 1542)

Dauid vliet tot Nobe, tot den Priester Ahimelech, Hi eet vanden thoonbrooden, ende daer na coemt hi totten Coninc Achis

Dat .xxi. Capittel.

1

⁺DAuid quam tot Nobe, totten priester Ahimelech, ende Ahimelech ontsette oft versloech hem, doen hi Dauiden tegen ghinck ende sprac tot hem. Waerom coemt ghi alleen, ⁺ ende en is gheen man met v?

+ A vers 1

+ Die stat Amona wert gesticht

2

Dauid sprac tot Ahimelech den priester, die Coninc heeft mi een sake beuolen, ende sprac tot mi. En laet niemant weten waerom ic v gesonden hebbe, ende wat ic v beuolen heb, want ic heb ooc mijnen knapen hier oft derwaerts besceyden,

3

hebdi nv wat onder uwe hant een broot oft vijf, die gheuet mi in mijnder hant, oft wat ghi vint

4

⁺Die priester antwoorde ende sprac, Ic en heb geen gemeyn broot onder mijn handen, mer heilich broot waert dat hen die knapen van wijuen alleen onthouden hadden. Dauid antwoorde den priester, ende sprack tot hem,

+ B vers 4

5

die wijuen sijn ons drie dagen ontrocken gheweest doen ic wt troc, ende der knapen instrument was heilich Mer desen wech is onheilich, mer hi sal heden gheheylicht werden aenden instrumente.

6

Doen gaf hem dye priester vanden geheylichden om datter gheen ander broot en was, dan die thoonbrooden diemen voor den HEERE op hief, op datmen ander versch broot op leggen soude in dien dage, doe hi die wech nam

7

⁺In dien dage was een man daer inne besloten voor den HERE wt den knechten Saul, geheeten Doeg een Edomijt, die machtichste onder den herderen Sauls.

+ C vers 7

8

Ende Dauid sprac tot Ahimelech, en is hier onder v hant niet een spiesse oft sweert? Ic en hebbe mijn sweert noch mijn wapen niet met mi genomen want die sake des conincx was haestich. Die priester sprac,

9

dat sweert des Philisteeus Goliath, dien ghi sloecht inden Eycgront, dat is hier gewonden in eenen

[p. *]

mantel achter den lijfroc, wildy dat so nemet wech want hier en is anders geen dan dat. Dauid sprack, sijns gelijc en is niet, gheuet mi

10

Ende Dauid maecte hem op, ende vloot voor Saul ende quam tot Achis den coninc tot Gath,

11

Maer Achis knechten spraken tot hem, dat is Dauid, des lants coninc daer si aenden reye af songen ende spraken, Saul sloech M. mer Dauid .x.M.

12

Ende Dauid nam die reden ter herten, ende vreesde seer voor Achis den Coninc tot Gath,

13

ende hi verstelde sijn gelaet voor hem, ende viel onder haren handen, ende stiet hem aen die duere der poorten, ende sinen zeeuer vloeyde hem inden baert,

14

doen sprac Achis tot sinen knechten, Siet, ghi siet dat die man ontsinnich is, waerom hebt ghi hem tot mi gebracht? heb ic der ontsinniger te luttel, dat ghi desen hier brocht? dat hi voor mi soude rasen? Soude die in mijn huys comen?