Den Bybel met groter neersticheyt ghecorrigeert (Liesveltbijbel 1542)

¶ Hoe dat God straffet Sodoma ende Gomorra om haerder onnoemelijcker oncuysheyts wille, Ende Loth wert gewaerschout ende behouden met sinen twee dochteren, ende sijn huysurouwe in eenen soutsteen verwandelt, hoe Loth in dronckenschape by sinen dochteren sliep, ende met kinde maecte.

Dat .xix. Captttel

[p. *]

1

⁺DIe twee Engelen quamen te Zodoma des auonts, Mer Lot sadt te Zodoma voor die duere, ende doe hijse sach, stont hi op ende hi ginc hen tegen ende neychde zijn aensicht ter eerden, ende seyde,

+ A vers 1

2

Siet mijn Heeren gaet in ten huyse ws knechts, ende blijfter ouer nacht, laet uwe voeten wasschen so stady morgen vroech op, ende reyst uwer wegen, Mer si seyden Neen, mer wi willen ouer nacht opter straten blijuen

3

Doen dwanc hijse seer, ende keerden tot hem in, ende si quamen in sijn huys, ende hi bereyde hen eenen maeltijt, ende bieck ongeheefde koecken ende si aten.

4

⁺Mer eer si gingen te rusten, quamen die mannen vander stadt Sodoma, ⁺ ende omleyden dat huys, ionc ende out, alle dat volc wt allen eynden,

+ B vers 4

+ Luc. xx.

5

ende eyssceden Lot, ende seyden tot hem, waer sijn die mannen die tot v comen sijn desen ^a nacht? laetse wt comen tot ons, dat wise bekennen.

a nacht dat is den auont

6

Lot ginc tot hen voor die duere ende sloot de duere achter hem toe ende seyde,

7

Och lieue broeders doet niet alsulken quaet,

8

Siet ic heb twee dochteren, ende en hebben noch geenen man bekent, die sal ic hier buyten brengen onder v lieden, ende doet met hen wat v belieft, alleen dese mannen Gods en doet niet, want si sijn ingegaen onder die scaye mijns daecs, Mer si seyden, Coemt hier,

9

Doen spraken si, En sidi niet hier in comen als een vreemdelinc? ende wilt nv rechter zijn, Nv wel, wi willen v meer quaets doen, dan haer lieden.

10

Ende si drongen hart op den man Loth, ende als si toeliepen ende wilden die duere op breken, die mannen staken haer hant buyten, ende trocken Lot tot hen int huys ende sloten die duere toe,

11

ende die mannen die voor dye duere vanden huyse waren, werden met blintheden geslagen beyde groot ende cleyn dat si die duere niedt en consten vinden.

12

Ende die mannen spraken tot Loth, hebdy hier in noch yewers eenen behouden sone, ende sonen ende dochteren, ende wie v aengaet in deser stadt, dyen leyt wt der stadt,

13

want wi sullen dese stadt verderuen, om dat haer geroep groot is voor den HERE die ons gesonden heeft haer te bederuen.

14

Doen ginc Lot wt, ende sprac met sinen behouden sonen, die sijn dochteren nemen souden ende seide, ⁺ Staet op ende gaet wt deser plaetsen, want die HERE sal dese stadt verderuen, maer si hieldent voor boerde.

[afbeelding]

+ C vers 14

15

⁺Als nv den dageraet op ginc hieten die Enghelen Lot haesten ende spraken, ⁺ Gaet henen neemt v wijf, ende v twee dochteren die ghi hebt, dat ghi ooc niet en vergaet inder misdaet deser stadt,

+ D vers 15

+ Sa. x.a

16

Als hi nv lanc merde, grepen hem die mannen, ende sijn wijf, ende sijn twee dochteren metter hant om dat die HERE haer sparen wilde ende leyden hem buyten, ende lieten hem buyten voor die stadt.

17

Ende als si hem hadden buyten ghebrocht, seyden si be-hout v siele, ende en siet niet achter v, ooc en staet niet hier in allen desen palen, opten berge behout v, op dat ghi niet en vergaet.

18

Mer Lot sprac tot henlieden Och neen mijn heeren

19

siet, nv v knecht genade vonden heeft voor uwen oogen so maket doch v barmherticheyt groot, die ghi mi gedaen hebt, ⁺ dat ghi mijn siele biden leuen behieldes, ic en can mi niet opten berge behouden. Het mocht mi aencomen een ongeual, ende dat ick storue,

+ E vers 19

20

Siet daer is een stadt bi, daer ic in vlien mach ende is cleyn aldaer sal ic mi behouden mogen si is doch cleyn dat mijn siele leuendich bliue.

21

Doen sprac hi tot hem, siet ic heb v in desen stucke aengesien, dat ic die stadt niet om en sal keeren daer ghi af ghesproken hebbet,

22

Haest v, behout v aldaer want ic en cans niet gedoen, voor ghi en sijt eerst daer in, Daer af is die stadt genoemt Zoar,

23

ende de zonne was op gegaen opter aerde als Loth te Zoar binnen quam

24

Doe liet de Here solfer ende vier regenen vanden Here vanden hemel af op Sodoma ende Gomorra,

25

ende keerde die steden om, ende al dat lantscap ende alle die inwoonders der steden, ende al wat op den lande gewasscen was

26

ende zijn wijf sach om ende wert verandert in eens soutsteens gelikenis,

27

mer Abraam stont vroech op des morgens aen die side daer hi stont voor den HERE, ⁺

+ eze. xvi.f osie. xi.c. amo. iiij. lu. xvij.g

28

ende keerde zijn aensicht tegen Sodoma ende Gomorra, ende al dat omliggende lant, ende aensacht, ende siet daer ginc eenen domp vanden lande, gelijc eenen domp van eenen ouen,

29

want als God die steden in dien palen verdorf, gedacht hi Abraham, ende leyde Lot wt dyen steden die hi omkeerde daer Lot in woonde.

30

Ende Lot troc wt Zoar ende bleef opten berch met beyde zijn dochteren, want hi vreesde te Zoar te bliuen ende bleef also in een speluncke met beide zijn dochteren

[afbeelding]

31

Doen sprac die outste totter ioncster, onse vader is out, ende daer en is gheen man meer opter aerden die ons beslapen mochte nae alder werelt wijse,

32

Soo coemt dan, laet ons onsen vader wijn te drincken geuen ende met hem droncken worden, dat wi saet van onsen vader behouden, ⁺

+ sap. x.a.

33

Also gauen si haren vader wijn te drincken inder seluer nacht, ende die eerste ginc in ende leyde haer bi haren vader, ende hi en werts niet ghewaer, doen si haer leyde, noch doen si op stont.

34

⁺Des morghens sprac dye outste totter ioncster, Siet. Ic heb gisteren bi mijnen vader gelegen, laet ons hem desen nacht ooc wijn te drincken geuen, dat ghy bi hem in gaet ende legget v bi hem dat wi saden van onsen vader mogen behouden,

+ G vers 34

35

Also gauen si haren vader ooc dien nacht wijn te drincken Ende die ioncste stelde haer ooc op, ende leyde haer bi hem, ende hi werdts niet ghewaer doen si haer leyde, noch doen si op stont,

36

Also werden Loths dochteren beyde met kinde van haren vader, ende die outste baerde eenen sone dien hiet si Moab, van dien quamen die Moabiten tot op desen dage.

[p. *]

37

Ende die ioncste barrde ooc eenen sone, doen hiet hi dat kint Ammon, Van dien quamen die kinderen Ammon tot op den dach van heden toe.