Leysen-boeck der catholycken daerinne vergadert zyn wt verscheyden boecken veelderhande leysenen himni ende geestelycke liedekens
(1605)–Anoniem Leysen-boeck der catholijcken–
AuteursrechtvrijOp die wijse: Die nachtegael die sang een liedt, dat leerden ick.In onsen feest. Toch vrolijck weest
Wie dat ghy zijt
Heel onbedeest, verweckt u gheest
Tot vreuchden u vlijt
Wilt doch deser tijden, druck mijden
Tot danckbaerheyt, v hert bereyt
Wilt u met ons verblijden.
Want Gods goetheyt, is wtghespreyt
Ghebleken claer
Na ons verbreyt, heeft hy bereyt
Der maechden schaer
Zijn graci is warachtich, seer crachtich
Die mensch is niet, die plant of giet
Sijn geest maect ons hier crachtich.
Veel maechden cleyn, heeft hy certeyn
Verweckt den moet
Te leven reyn, met ons ghemeyn
Sonder eygen goet
Wel hier die na hem spooren en hooren
Die na zijn raet, voor eyghen baet
Onderdanicheyt hebben wtcvercooren
Ghy maechden fier, maeckt goeden cier
Al zijt ghy cranck
Door swortels tier, den wijn geeft fier
Den dore ranck
Wilt nae Gods begheeren, verneeren
Stenet op zijn macht, dach ende nacht
Gheen vyant sal v deeren.
| |
[pagina 155]
| |
Als ghy hier lijdt, des vyants strijt
Door vleys ghewelt
Als u verblijdt, des werelts nijt
Bespot en quelt
Wilt dan zijn passie weghen, te deghen
Sijn wonden root zijn bitter doot
Wat vyant mach daer teghen.
Altijt ghedenckt, als u hier crenckt
Den arbeyt swaer
Wat hulp hier brengt // wat glorie schenct
V Bruydegom daer
Laet u dan niet berouwen, zijns trouwen
Wat hy toeseyt, in eeuwicheyt
Hy salt v seecker houwen.
Wat ghy versmaet, of oock laet
Om zijnen min
In salighen staet, sal boven maet
V zijn ghewin
Oock maechdom hier verschoven, sal boven
Met nieuwen sanck, van soet gheclanck
Het Lammeken altijt loven.
O Prince Heer // ons maechden teer
Gheeft goeden spoet
Omt brenghen neer // tot uwer eer
Hier onder de voet
Die vyant met al sijn cluchten, En vruchten
Het goet begin // verheucht ons sin
Maer teyndt // doet ons hier suchten.
|
|