Leysen-boeck der catholycken daerinne vergadert zyn wt verscheyden boecken veelderhande leysenen himni ende geestelycke liedekens


Een Liedeken ghemaeckt op de Sequentie Veni Sancte Spiritus Nv compt o trooster heylige gheest Maeckt onse herten onbevreest En vanden hemel nederdaelt En ons met uwe licht deurstraelt Compt der armen vader Vroet Compt gever aller gaven goet Compt licht der herten metter spoet Consolator optime Compt alder beste Trooster fijn Der zielen gast en medecijn, En soete refrigerie In onser noots miserie,
[pagina 108]
Inden arbeyt zy dy rust Vercoeling die ons hitte blust In weenen, troost en s’hetsen lust. O Lux beatissima. O Aldersalichste licht claer, Vervult uwer gelooviger schaer Herten van binnen, en gedacht Want sonder u Godtlicke cracht Gheen dinck heeft te schijnen macht Tis anders niet dan duyster nacht Niet sonder smet noch sond’ geacht. Lava quod est Sordidum. Wascht suyvers al dat is besmet Begiet dat drooch is, en dorr’ net, Gheneest dat in ons is gewont Dat stijf is buygen doet t’herstont Verwarmpt datter is bevaen Met coude groot en die daer gaen In dooling, leydt ter rechter baen. Da tuis fidelibus. Gheeft uwen gelovigen te gaer Die u betrouwen sonder vaer V seven heylige gaven schoon, Gheeft ons der deuchden cracht en loon Gheeft een eyndt der zalicheydt Geeft eewige vruecht en vroolickheydt Twelck d’wtvercoorenen is bereydt.