Leysen-boeck der catholycken daerinne vergadert zyn wt verscheyden boecken veelderhande leysenen himni ende geestelycke liedekens

Een out Leyse, ende die gaet op

Puer nobis nascitur.

Waer is die dochter van Zyon.
Ick soudese so blijde maken,
Ick soude haer een bootschap doen

[p. 73]

 

Van alsoo groote saken.

 

Doemen al de Werelt beschreef,

 

Doe ginck een Maghet sware

 

Te Bethlehem daer zy doe bleef,

 

Ende ontfinck haer kint al dare.

 

Aen glas al schijnter doore

 

Ten breeckt niet vander Sonnen,

 

Dus heeft die Ionckvrou na een voore

 

Ionckvrou, een kint ghewonnen.

 

Aen duysternis is ons verclaer,

 

Een licht is ons geresen:

 

Een Maghet heeft een kint ghebaert

 

Dat dunckt ons wonder wesen.

 

Nu is hy teder ende cranck,

 

Een Maghet sal hem voeden.

 

Wy moghent hem alle wel weten danck

 

Van zijnder grooter armoeden.

 

Hy toondt zijn goedertierenheyt

 

Noyt en was hy verbolghen:

 

Hy drijft soo grooten ootmoedicheyt,

 

Wy en connen hem niet naervolghen.

 

Maria nam hem op haren schoot

 

Sy custen aen zijnen monde,

 

Die minne hadde zy alsoo groot

 

Tot hem in alle stonde.

 

O Heere, lof moet u altoos zijn,

 

Wilt ons dan gheleyden

 

Met die weerde Moeder dijn,

 

Als wy alle van hier scheyden.