XXI. Hoe Mordret hem gereit jegen den coninc Arture te stridene.
Alse Mordret vor Lonnen sat,
Dattie tor in velen delen
10300[regelnummer]
Gearget was vanden magnelen
Ende vanden [engienen], daermenne mede
Assalgierde in meneger stede,
Soe dat si niet en hadden mogen
10305[regelnummer]
In gere maniren, no geherden;
Maer dat si hen so wel werden.
Ende alse die wile dat Mordret lach
Vore dien tor, hi ontboet alden dach
In Scollant te desen doene
10310[regelnummer]
Ende in Vrislant die hoge baroene,
Ende in anderen landen mede,
Heidene ende ander liede gerede.
Ende alsi tot hem quamen daernaer
Hi gaf hen so grote gichten daer,
10315[regelnummer]
Dat hen allen wonderde daer af
Dat hi hen so grote gichten gaf;
Ende gewanse alle gemeinlike
In deser maniren vrodelike,
Dat si hem willen in staden staen
10320[regelnummer]
Allegadere, ende seiden, sonder waen,
Sine begavene om gene dinc;
Al quame Artur selve die coninc
Ende hine in orlogenne sette,
Si souden daer hulpen Mordrette.
10325[regelnummer]
Dus brachte Mordret al die lande an
Dat si an hem vielen dan,
Ende hi hiltse an hem embertoe,
Dies hi wel di macht [hadde], verstaet hoe:
Bedie alse die coninc vor uten lande
10330[regelnummer]
Hi liet Mordrette al in hande
Sinen scat in elker stede,
Daer hi sinen wille met dede;
Ende al die liede brachten hem ende gaven
Van haren gode, van harre haven,
10335[regelnummer]
Dat hen wel bestaet dochte ter stonden
| |
Om die miltheit die si daer an vonden.
Een bode quam tot hem op een dach,
Aldaer hi vore den tor lach,
Ende seide hem in rade: ‘Ic bringe u
10340[regelnummer]
Selke wonderlike niemare nu:
Die coninc Artur es nu te hant
Geankert hier ane dit lant
Met algader sire mogenthede.
Wildi sijns ontbeiden hier ter stede,
10345[regelnummer]
Gi sultene binnen tween dagen sien,
Ende gine moget niet falgiren van dien,
Gine moet vechten jegen den coninc,
Want hine comt om geen ander dinc.
Nu besiet wat u te done staet;
10350[regelnummer]
En hebdi genen goden raet,
Gi moget hebben verlies varinge.’
Alse Mordret horde dese dinge
Hi werd daeraf temayert sere,
Want bi ontsach den coninc ende sijn here,
10355[regelnummer]
Ende hi hadde grote vrese mede
Van sire ongetrouwechede,
Dat si hem sere deren mach:
Dat was dat hi meest ontsach.
Hi beriet hem met dengenen doe
10360[regelnummer]
Daer hi meest trouwen hadde toe,
Wat hi mochte doen metter dinc
Diemen hem seide vanden coninc?
Si seiden: ‘Here, nadien dat staet
En wet[ewi ge]nen anderen raet,
Jeg........ ende doet ontbieden
Want al die liede hebbent u
Opgedragen ende van u ontfaen,
10370[regelnummer]
Ende gi hebbet oec, sonder waen.
Lange gehouden ende geweest here.
Ende en wilt hi hem niet doen ten kere,
Ende dit lant rumen metter spoet,
Gi hebt meer liede dan hi doet,
10375[regelnummer]
Gi sult vechten jegen hem, sekerlike.
Ende wetet dat wel gewaerlike,
Sine liede en selen, sonder waen,
Jegen die uwe niet mogen staen,
Nadat si sijn vermoit ende cranc,
10380[regelnummer]
Ende die onse versch ende gerust lane;
Ende wine hebben in langen dagen
Eer gi henen sceet van desen doene:
10385[regelnummer]
Ic wane dat haer raet van desen
Gelijc den onsen sal wesen.’
Mordret ontboet die barone bi namen,
Dat si alle te heme quamen,
Die in Lonne waren tier stont;
10390[regelnummer]
Ende hi seide ende maecte hen cont
Dattie coninc Artur op hem quam
Met al sire macht, sere gram;
Ende hi soude wesen, sonder sage,
Te Lonnen binnen derden dage.
10395[regelnummer]
Doe antwerden hem die barone:
‘Wat hebdi daermede te doene?
Al comt hi op u, so come dan.
Gi hebt meer liede ende man,
Vard ut jegen hem sekerlike:
10400[regelnummer]
Wi seelne alle gemeinlike
Wederstaen ende setten in daventure
Oft wi selen u behouden dlant
Dat wi u hebben gedregen in hant,
10405[regelnummer]
Ende niet falgiren in genen dagen
Dat wi wapine mogen dragen.’
Alse Mordret dat hadde verstaen,
Dat si an dorloge wilden gaen,
Hi was blide in vele maniere,
10410[regelnummer]
Ende beval te wapinen sciere
Sine liede ende sine man;
Daer ne dochte geen letten an.
Ende hi seide tot hen na desen:
‘Sekerlike, ic wille wel wesen
10415[regelnummer]
Daer die coninc es al nu te hant,
Eer hi scade dede int lant.’
Die niemare doe van derre vard,
Om te porne ten conincward,
Liep alt lant dore hastelike;
10420[regelnummer]
Ende si gereiden hen gemeinlike
Om te vaerne met groter were
Jegen den coninc ende sijn here,
Ende porden alle van Lonnen
Des anderdages metter sonnen;
10425[regelnummer]
Ende si vonden dat si wel hadden dan
In haer here .xl. dusent man.
Nu swigewi van deser sake
|
|
Auteursrechtvrij