XII. Die ander strijt, ende hoe Bohort ende Walewein gewont worden toter doet.
Opten anderen dach sijn utgevaren
Die van binnen sonder sparen,
Geordineert als gi mocht horen,
6430[regelnummer]
Alsi savons spraken te voren.
Alst die vanden here vernamen
Dattie van binnen op hen quamen,
Doe begonstense harde sere
Ten wapenen te ropene int here;
6435[regelnummer]
Ende die daer ongewapent waren
Wapenden hen doe al sonder sparen.
Ende alsoe wel alse die scaren
Van binnen geordineert waren,
Also waren die van buten tier tide
6440[regelnummer]
Geordineert ane dander side,
Soe dat min her Walewein leidere was
Vander irster scare, alsict las.
Hi was al sijn geselscap doe
In dat vergaderen ember toe.
6445[regelnummer]
Ende als hi geware werd das,
Dat op dander side leitsman was
Bohort vander irstere battalge,
Hine was niet drove, sonder falge,
Want hi was, als iet hebbe vereest,
6450[regelnummer]
Dien hi van doetveden haette meest,
Want hi hadde verstaen, sijt seker des,
Dat Bohort sloech doet sinen broder Gariës.
Alse deen den anderen naken began
Si rechten hare glavien dan.
6455[regelnummer]
Elc van hen tween reet ten anderenward
Al dat gelopen mochte sijn part,
Ende elc anderen daer gerochte,
Dat hem niet gehulpen mochte
No weder scilt no halsberch mede,
6460[regelnummer]
Sine moesten beseffen bede
Dat in harre beider lichamen
Die ysere vanden glavien quamen,
Soe dat wonder sceen wesen
Souden si daer af genesen.
6465[regelnummer]
Ende si vilen oec van haren paerden
Beidegadere daer ter aerden,
Dat haer negeen mochte opstaen:
Dan was geen wonder, sonder waen,
Bedie si waren beide dorsteken
6470[regelnummer]
Dor die scouderen dat dysere bleken.
Hierna sijn tegadere gevallen
Die irste twee batalgen met allen,
Ende vochten met groten gere,
Alse die hen onderhaetten sere.
6475[regelnummer]
Daer mochtmen in corter wilen sien
Sulke hondert man vallen, dat van dien
Geen mochte weder opstaen,
Want daer waerre vele doet, sonder waen,
Ende die andere sere gewont,
6480[regelnummer]
Soe dat dongeval vel tier stont
Op dierste battalge vanden here
Bi enen riddere van groter were
Die daer was inden pleine,
Die dwalsc heet Dele Derefonteine,
6485[regelnummer]
Ende was daer ane Lanceloets side.
| |
Hi dede so groet wonder tier tide
Met wapinen in die battalge,
Dat des conincs liede, sonder falge,
Worden gescoffirt om sijn doen.
6490[regelnummer]
Ende alsi een deel waren gevloen
Die vanden castele lipen tier stont
Daer Bohort ende Walewein lagen gewont,
Ende namense op inden pleine,
Ende souden hebben min her Walewine
6495[regelnummer]
Wech gevord met harre macht,
Want hijt niet te werne hadde cracht;
Maer die vanden here binnen desen
Hebben in sijn bescudden gewesen,
Ende daden daertoe soe vele
6500[regelnummer]
Dattene liten die vanden castele,
Wilden si oft ne wilden mede,
Ende leidene weder op sine stede.
Ende die vanden castele of ander side
Daden soe vele in dien stride,
6505[regelnummer]
Dat si Bohorde drogen al gewont
Inden casteel op sinen scilt ter stont.
Gine saget doe noyt van wiven
No van mannen sulken rouwe driven
Alse die coninginne dreef tier stont,
6510[regelnummer]
Doen si Bohorde sach gewont.
Men ontboet te hant surisiene
Die trinsoen ende dyser ut traken,
Die in Bohorts lichame staken;
6515[regelnummer]
Ende dat hen vresselijc dochte wesen
Nochtan daden si verstaen
Dat si hoepten al sonder waen,
Dat si souden werken an desen
6520[regelnummer]
Dat hi varinge soude sijn genesen
Bi ons heren hulpe van hemelrike.
Die wijch was begonnen tiellike
Ende geduerde toter vespertijt toe,
Nochtan waest inden somer doe.
6525[regelnummer]
Ic wane dat gi noit tere stede
Ne saget, ofte ander man mede,
Soe wreden wijc op enen dach,
No soe fellen alsemen daer sach.
Daer warre vele in beiden siden
6530[regelnummer]
Verslegen ende gewont tien tiden.
Daer was jamber groet gesien
In beiden siden daer gescien;
Want van gevrinden, alsmen mach horen,
Alsi beide waren daer te voren,
6535[regelnummer]
En sachmen nie sule wonder gescien
Alsemen daer onder hen mochte sien.
Die coninc Artur, dart menech sach,
Droech selve wapine op dien dach,
Ende hi deet so wel, sonder waen,
6540[regelnummer]
Dat geen man bat mochte hebben gedaen
Die van sulker oude hadde gesijn.
Nochtan seget die boec, sonder fijn,
Dattere en was an sine side
No out no jonc te dien tide,
6545[regelnummer]
Diet alse wel dede alse hi;
Ende bider doget daer die si
An hem versagen, dadent so wel
Sine liede daer in dat nijtspel,
Dattie vanden castele, sonder waen,
En hadde niet gesijn Lanceloet
Ende Hestor, di bi harre doget groet,
Al vechtende ende al slaende,
Die vanden castele hilden staende.
6555[regelnummer]
Soe lange geduerde die strijt,
Dat desen tween ridders tier tijt
Gene wapine bleven geheel
Alsi wederkeerden inden casteel.
Ene dinc halp sere desen tween,
6560[regelnummer]
Dat was dat si waren al in een
Deen biden anderen al dien dach,
Ende slogen menegen groten slach,
Die een an die rechtere side,
Die andere an die luchtere tier tide,
6565[regelnummer]
So dat soe waer dat deen vacht
Dander halp hem met sire macht.
Op desen selven tijt, alsict las,
Daer die wijch alrefelst was,
Ende die meeste anst ende noet,
6570[regelnummer]
Daer was gemoet doe Lanceloet
Inden strijt van coninc Arture.
Lanceloet reet daer tier ure
Vechtende wech ende weder,
Ende dragende al ter neder
6575[regelnummer]
Dat in sinen gemoet quam.
Alse die coninc dat vernam,
Dat wonder dat Lanceloet daer dede,
Pensdi ende seide te hem selven mede:
‘Levet dese man lange, hi sal
6580[regelnummer]
Onneren allene mine man al.’
Die coninc hadde getrect sijn swaerd
Ende liep Lancelote op metter vard;
Want hi was van groter coenhede,
Ende gewillech ende starc mede.
6585[regelnummer]
Maer Lanceloet ne gereidem niet
Jegen den coninc te varne iet.
Hi decte heme ende verdroech
Die slage die de coninc op hem sloech;
Hi minde den coninc soe sere,
6590[regelnummer]
Dat hi ne mochte in genen kere
Dat in sijn herte vinden,
Dat hi hem wilde onderwinden
Iet te doene jegen den coninc.
Die coninc hief tswaerd na die dinc
6595[regelnummer]
Ende sloech enen groten slach metter vard,
Ende geraeete daer soe Lanceloets part,
Dat hi sijn part sloech ontwee
Mids dor den hals, min no mee,
Soe dat Lanceloet met allen
6600[regelnummer]
Neder ter eerden moeste vallen;
Maer Lanceloet en hadde, sonder sage,
Gene dere van dien slage,
Want die coninc en geraecten niet.
Tirsten dat Hestor dit versiet,
6605[regelnummer]
Ende sinen broder alsoe vernam,
Hine was niet en lettel gram.
Hi sorgede sere te dier stont
Dat sijn broder ware gewont.
Hi liet lopen na dese dinc
6610[regelnummer]
Daer op Arture den coninc,
Ende gaf hem daer sulc enen slach,
Dat hi ne horde no ne sach.
Ende Hestor, die wel vroet was das,
Dat dit die coninc Artur was,
6615[regelnummer]
Ende dine haette sere optien dach,
Hi verhaelde enen anderen slach
Eer die coninc conde omsien,
Ende slogene soe sere mettien,
Dat hi ter eerden moeste vallen
6620[regelnummer]
Bi Lancelote neder daer met allen;
Ende vore Lanceloets voete oec lach.
Alse Hestor den coninc ter eerden sach
Hi seide tote Lancelote dese dinc:
‘Live here, nu gaet toten coninc
6625[regelnummer]
Ende slaet hem thoeft af, dan sal
Onse orloge daermet inden al.’
- ‘Ay Hestor,’ sprac doe Lanceloet,
‘Oft God wille, die ons geboet,
6630[regelnummer]
Niet mesdoen jegen den coninc;
Soe vele eren ende goeds, sonder waen,
Menechwerf, en sal gevallen niet
Dat hem bi mi enech quaet gesciet;
6635[regelnummer]
Maer ic wille bescudden hem
| |
In allen steden, waer dat ic bem.
Ende ne penst in u herte niet
Sinen lichame te mesdone iet
Alse lange als icker ben bi;
6640[regelnummer]
Het ware verlorne pine; bedi
Ic segt u over waer hier nu,
Ic soudene bescermen jegen u
Ende jegen andere liede oec mede,
Hier ende in elker stede.’
6645[regelnummer]
Mettesen selven worden Lanceloet
Bescudde den coninc vander doet.
Ende Lanceloet halp metter vrrd
Den coninc weder op sijn part.
Alse die coninc kerde vanden stride,
6650[regelnummer]
Die geduert hadde lange tide,
Ende die vresselijc hadde gewesen,
Die coninc quam int here binnen desen.
Hi seide doe, daer sijt al horden toe
Die daer waren met hem doe:
6655[regelnummer]
‘Hebdi niet gesien hoe heden Lanceloet
Doer mi heeft gedaen hovescheit groet,
Die mins te boven was, sonder waen,
Dat hi mi wel mochte te doet slaen,
Ende ne wilde noit doen ane mi
6660[regelnummer]
Sine hande daer? Dat sagedi.
Ic secge dat hire bi hevet leden
Van godertierheit ende van hovescheden
Alle die ridders die ic oyt sach,
Ende daer ic af horde doen gewach.
6665[regelnummer]
Godweet, ic wilde wel bi desen
Dat dit orloge en hadde gewesen
Tuscen ons begonnen noit eer;
Bedie hi hevet ons vele meer
Verwonnen desen dach heden
6670[regelnummer]
Bi sire groter goedertierheden,
Dan al die werelt soude mogen
Bi crachte ende bi orlogen.’
Die coninc Artur sprac dese word,
Alsoe alse gise hebt gehort,
6675[regelnummer]
Onder sinen hemeliken raet.
Als min her Walewein dat verstaet,
Die gewont lach, ende dit vernam,
Hi werd hier omme sere gram. -
Ende alse die van binnen vernamen,
6680[regelnummer]
Dat Lanceloet ende die sine quamen
Men ontwapende Lancelote thant.
Alsi was ontwapent men vant
Dat hi an sinen live tien stonden
Hadde vele cleine wonden,
6685[regelnummer]
Menegen hurd, menege steke,
Daer een ander af soude sijn tongereke.
Ende Hestor hadde, sonder waen,
Mengen swaerdslach optien dach ontfaen.
Alsi ontwapent waren nadien
6690[regelnummer]
Gingen si te hant Bohorde besien
Daer hi gewont lach tien stonden.
Si vrachden hem om sine wonden,
Ende sinen meester oec na desen,
Oft hi iet mochte gewesen?
6695[regelnummer]
Die meester seide hem al bloet,
Die wonde ware sere groet,
Maer hi hopede dat hi saen
Soude mogen riden ende gaen. -
Dus lach die coninc meer dan twee maent
6700[regelnummer]
Vor die Joyosegaerde, alsment waent;
Deden den here oplope vele,
Soe dattere omme moesten sterven
6705[regelnummer]
Van haren ridders een groet deel,
Bedie om die waren inden casteel
Niet ne hadden in hare scaren
Alse vele ridders alse buten waren.
|
|
Auteursrechtvrij