Lantsloot vander Haghedochte (editie cd-rom Middelnederlands)
(1987)–Anoniem Lanceloet–
[Folio A1ra]
| |
Sijn name was merlijn
Dar ghi of [h]ebt ghehort algad[er]
Achter sinen ouder vader
¶ Alst so v[ort] was gheuaren
5[regelnummer]
Dat mer[lij]n quam te .xij. iaren
Begonde [h]i slachten ende tieren
Na sijns vader manieren
Ende .i. deel na siere moeder
Hi was wiser ende vroeder
10[regelnummer]
Van allen dinghen die souden ghescien
Dan iemen diemen hadde ghesien
Ende oec in [al] sijn doen
Men voerden den coninc vterpandragoen
[E]nde al[st] quam dar naer
15[regelnummer]
Jnne weet ouer hoe menech iaer
Dat die hertoghe starf
Tintageel ende bedarf
Bi verranesse van vterpandragoene
Ende bi merlins doene
20[regelnummer]
¶ Om dat yguerne die coninghinne
Droech vterpandragoens minne
Doe ghinc hem merlin bekeren
Darmen vele an mochte leren
Jnt foreest ende in den wouden
25[regelnummer]
Dar in ghinc hi hem onthouden
Hi was bedriegher ende loos
Dat was sine zede altoos
Want sine nature keerde algader
Na den duuel sinen vader
30[regelnummer]
Ende hi conste meer liste
Dan enech man doe wiste
Mar hi was loos ende onghetrowe
¶ Jn clene bartanien was .i. ioncfrowe
Die ymeine was ghenant
35[regelnummer]
En was ghene scoenre int lant
Si minde zere merline
Ende hi hare dat was anschine
Dicke wile quam hi te hare
Ende nam hars goeden ware
40[regelnummer]
Beide bi daghe ende bi nachte
Ende si hilt hare wel in die wachte
¶ Ende si vraghede hem wi hi ware
Ende merlijn seidet hare
[Doe] seide die ioncfrou dat si soude
45[regelnummer]
[Doen al] da[t] hi woude
[I]n dien dat hi hare vroet make
Van ere dinc van ere sake
Ende wise van siere behendichede
Merlijn diet gherne dede
50[regelnummer]
Want hi die ioncfrowe minde
So dat hem dochte dat hi ontsinde
¶ Wat wildi dat ic v wise dan
| |
[Folio 1rb]
| |
Sprac merlin die uele can
¶ Jc segt v sprac die ioncfrowe
55[regelnummer]
Wat ic v bidde op trouwe
Dat ghi mi wijst die waerhede
Hoe men mach sluten ene stede
Met worden die hebben sulke cracht
Sonder slotel ende ander macht
60[regelnummer]
Datse niemen ontsluten moghe
Sonder die gone diere toe doghe
Ende die de selue wort can
Js het wijf ofte man
Ende hoemen mach beduellen
65[regelnummer]
Enen man ende met slape uellen
Dat hi ontwaken niene mach
No ouer nacht no ouer dach
Toter wilen dat ment ondoet
Des moeti mi maken vroet
70[regelnummer]
Ende hoe wildi weten dat
Sprac merlin dar hi sat
Minne seit si ic segt v algader
Jc wilt doen dur minen vader
Gheuielt dat ic vwen wille dade
75[regelnummer]
Weder vroe ofte spade
Ent dan mijn vader wiste
Bi enegherande liste
Hi soude mi scire nemen tleuen
Bidien moet di mi raet gheuen
80[regelnummer]
Hoe dat ics mi mach verweren
Ende scuwen het mochte mi deren
Ende nemet wel ware des
Dattet gherechte trowe es
Ende dat gi mi niene lieghet
85[regelnummer]
Met vwen worden ende bedrieget
Dadijt oec sijt seker dies
Dar an laghe v verlies
Jnne dade nemmer vwen wille
Weder lude ofte stille
90[regelnummer]
¶ Doe wijsdijt hare algader
Te doene slapen haren vader
Ofte enen andren man
Die si woude ende die sies an
Bidien so was hi selue .i. sot
95[regelnummer]
Dat hi leerde har sluten .i. slot
Met worden sonder pine
Was het dore ofte scrine
Was het kerke ofte port
Biden worden diere toe hort
100[regelnummer]
Dit was hare te horne lief
Ende si screeft al in enen brief
Want sie conste selue scriuen
Ende liet hare gheen wort ontbliuen
Ende tallen tiden dat si vernam
| |
[Folio 1va]
| |
105[regelnummer]
Dat merlin tote hare quam
Dede sine slapen metten brieue
Ende hi waende wesen met sinen lieue
Mar en mochte niet ghescien
Si wachte hare so wel van dien
110[regelnummer]
Dat si behilt hare suuerhede
Ende hi hare anders niet en dede
Dan hi ghinc ende keerde
Biden worden die hi hare leerde
Waneer dat hi van hare sciet
115[regelnummer]
Ende sine dane gaen liet
Waendhi seker sijn van desen
Dat hi met hare hadde ghewesen
Ende omme dat hi tierde .i. luttelkijn
Nader vrowe die moeder sijn
120[regelnummer]
So sliep hi als .i. ander doet
Mar ghi moghets wel sijn vroet
Had hi ghetiert algader
Na den duuel sinen vader
Sone mochte hi slapen niet
125[regelnummer]
Want gheen duuel slapens pliet
¶ So langhe leerde si ende vernam
An hem doe hi tote har quam
Dat sine sloet in ene haghe
Binnen der uren van enen daghe
130[regelnummer]
Met crachte van worden
Die ten woude behorden
Dat strecte an cornvaelge
Dar so bleef hi sonder faelge
So dat niemen van hem ne wiste
135[regelnummer]
Meer bi enegherande liste
Want dat wout was harde groot
Dar sine met worden in besloot
Tusschen cornvalge ende sorloos
Ne vantmen niet dan wout altoos
140[regelnummer]
Die ghene diene dus besloot
Jn den foreeste dat was groot
Dat was die lantslote brochte
Ghedraghen in die haghedochte
Ende si hilten so werdelike
145[regelnummer]
Dat men in gheen coningrike
Vonden ne hadde gheen kint
Van allen dinghen bet ghemint
Entie vrowe was allene niet
Dar ghi of horet d[i]t bediet
150[regelnummer]
Si hadde vrowen ende ioncfrowen
Die lantslote dicke bescouwen
Ende teersten dat hi quam so vort
Dedemenre alser toe behort
Hem hebben .i. vroeden maghethoghe
155[regelnummer]
Die hem scieten leerde metten boghe
Ende menegherande ander spel
| |
[Folio 1vb]
| |
Dat hi vernam ende leerde wel
Men leerde hem doen ende laten
Ende spreken oec te maten
160[regelnummer]
Ende alrehande houesschede
Ende menegherande scone zede
Dar hi hem mede scone gheliet
Ende niemen en wiste hoe hi hiet
Dene hieten scone vondelinc
165[regelnummer]
Ende dander conincs kint
Mar die ioncfrou diene dar brochte
Ende diere an leide al har ghedochte
Ende in haren sin vercoos
Si hieten scone wise altoos
170[regelnummer]
Dus was lantsloot daer
Metter ioncfrou .iij. iaer
Ende wes meer dan .i. ander dede
Binnen .v. iaren in enegher stede
Dat kint was so ouer scone
175[regelnummer]
Het mochte met rechte draghen crone
Die ioncfrowe diene hadde te houden
Si bedroech hare al in wouden
Ende in groten foreesten
Aldus segghen ons die walsche ieesten
180[regelnummer]
Ende die haghedochte was el niet
Dar ghi of hebt ghehort tbediet
Dan al gader touerien
Salmen der rechter waerheit lien
Beneden den berghe .i. luttelkijn
185[regelnummer]
Dar die coninc ban sinen fijn
Hadde ghenomen doe hi bleef doot
Dar stont een ghesate groot
Van husen ende van zalen
Die wel rikelijc mochten betalen
190[regelnummer]
Dat was der ioncfrowen al
Beneden berghe in een dal
Dar die haghedochte stoet
Nv verstaet ic maecs v vroet
Dar liep .i. scone riuiere
195[regelnummer]
Vol van vische meneghertiere
Mochtemer vinden die si sochte
Ende diere an leide sijn ghedochte
Der ioncfrowen woninghen ende har ghesaten
Stonden so bendelike vtermaten
200[regelnummer]
Menne mochte v lichte niet ghedieden
Dar si woende ende hare lieden
Biwilen alst har goet dochte
Ende sies anders niet ghedochte
¶ Dus bleef lantsloot in haerre hoeden
205[regelnummer]
Ende bediede altoos in goeden
Hier latic staen te deser vre
Van lantslote die auenture
Hoe claudas coninc boerds kindre venc
[4 dubbelbladen ontbreken?]
| |
[Folio A2ra]
| |
Van der coninghinne van benewijc
210[regelnummer]
Ende van gaunes so ghelijc
Die in den closter waren begheuen
Ende leiden .i. swaer leuen
Alse ten conincliken closter staet
Nv hort hoe dese redene gaet
215[regelnummer]
Hoe .i. monic den coninginnen maecte cont
Dat hare kindre leueden ende waren gesont
Die auenture die hier comt in
Seghet ons no meer no min
Dan dattie coninghinne van benewijc
220[regelnummer]
Ende har suster also ghelijc
Leiden .i. salich leuen
Ten closter dar si waren begheuen
Hem bequam wel die stede
Ende al die voere mede
225[regelnummer]
Van den clostre ende van den vrouwen
Ende dienden gode met trouwen
Die closter die wart cortelike
Biden .ij. coninghinnen rike
Want meneghe vrowe begaf har daer
230[regelnummer]
Eer quam tenden dat iaer
Dier in brochten groten scat
Dur gode ende omme dat
Datter die vrowen waren begheuen
Ende leiden een salich leuen
235[regelnummer]
Die coninghinne van benewijc
Si ghinc elker daghelijc
Dar toe ende andre nonnen mede
Opten berch ter zeluer stede
Dar har man doot bleef
240[regelnummer]
Dar si dicke rouwe dreef
Ende alsi keerde van der stede
Ghinc si ter haghedochten mede
Dar si har kint verloos
Des so plach si altoos
245[regelnummer]
Ende seide menech scone ghebede
Dat god dur sijn omoedichede
Die ziele moeste betalen
Ende in hemelrike halen
Want si waende dat hi ware doot
250[regelnummer]
Har scone sone lantsloot
¶ Nv moghedi horen wat si plach
Emmer opten maendach
Dede si misse singhen twe
Ter zeluer stede no min no meer
255[regelnummer]
Dar har man begrauen lach
Dat was opten maendach
Ouer hem ende ouer har kint
Dat si sere hade ghemint
¶ Tenen stonden was si ghegaen
260[regelnummer]
Optie haghedochte staen
| |
[Folio 2rb]
| |
Dar si haren rouwe dreef
Ende ene langhe wile bleef
Dus doghede si meneghe pine
¶ Een monic van swarter ordine
265[regelnummer]
Quam dar ghereden ter stede
Dar si dede har ghebede
Hi had ene svarte couele an
Hem volghede achter .i. ionc man
Doe hi sach hare onghedout
270[regelnummer]
Hadhijs wonder menechfout
Dattie coninghine dreef
Die cume in haren sinne bleef
Hi groetse met sconen worden
Ende alle die hare toe behorden
275[regelnummer]
Hi besachse meer allene
Dan al dandre ghemene
Dur dat si hem dochte so scone
Ende wert van groten lone
¶ Doe sprac si weder so si eerst mach
280[regelnummer]
Here seit si salighen dach
Gheue v god ende onse vrouwe
¶ Hi vraechde har wes si den rouwe
Dreue also menechfout
Entie grote onghedout
285[regelnummer]
Also began hise doe claghen
Het was .i. man van ouden daghen
Hi hadde gheweest ridder goet
Dar te voren alst hem so stoet
Dat hi der wapine mochte pleghen
290[regelnummer]
Ende alse hise hadde ghedreghen
So langhe dat hi was .i. out man
Doe begaf hi hem vort an
Tenen closter van sinte augustine
Hi doghede dur gode grote pine
295[regelnummer]
Hi hadde die armsceden groot
Al waren si van vleessche bloot
Ende dartoe alle sine lede
Jnt ansichte ende te menegher stede
Mochtemen scouwen liteikijn
300[regelnummer]
Dar hi ghewont hadde ghesijn
Die goede man die daer was comen
Alse hi wel hadde vernomen
Den rouwe ende dat seer
Dat si dreef in lanc so meer
305[regelnummer]
Van benewijc die coninghinne
¶ Doe sprac hi met soeten sinne
Vrouwe seit hi en sittet niet
Dat ghi der voeren pliet
Sijt wijf ofte man
310[regelnummer]
Die hem begheuet ende keerter an
Hi moet doen vte siere herte
Allen rouwe ende alle smerte
| |
[Folio 2va]
| |
En ware allene om sine sonden
So langhe dat hi heft onderuonde[n]
315[regelnummer]
¶ Die coninghinne dat si hem seide
Al vut enduut die waerheide
Hoe si hadde haren man verloren
Bi ongheualle daer te voren
Dar omme dreef si niet .i. twint
320[regelnummer]
Het was algader om har kint
Dat si verloos sine wiste hoe
Om sulke sake droeuet soe
Dat telde si den goeden man
Dar si uele mercte an
325[regelnummer]
Bi al dien dat hare dochte
Dat hi wel goet man wesen mochte
Vrouwe seide doe die goede man
Een deel hebdiere recht an
Alte vele hadde si verloren
330[regelnummer]
An vrenden die hare toe horen
Ghine sijt allene niet
Daers den meneghen an messciet
Diere scade of hebben ghenomen
Mar sider dattet dus es comen
335[regelnummer]
Moetijt helen ende verdraghen
Wat holper omme langhe clagen
Want die ordine wille
Datmen verdraghet ende svighet stille
Van ouder saken die gheuel
340[regelnummer]
Ende houden die ordine wel
Ende sijt des seker ende ghewes
Dat v kint noch leuende es
Ende harde wel te ghemake
Van alrehande sake
345[regelnummer]
Ende also scone van siere ouden
Alse of ghine selue hadt gehouden
¶ Alse dit die coninghinne horde
Versuchte si metten worde
.vij. warue al in een
350[regelnummer]
Van bliscepen eer si ghefeen
Ende alsi doe te talen quam
Van der bliscap die si vernam
Leide si doe har hande te gader
Te gode wart onsen vader
355[regelnummer]
Ende si seide edel here
Jc bid v dur die gods ere
Dat ghi mi segt die waerhede
Bi vwer rechter kerstinede
Ofte lantsloot noch leuet
360[regelnummer]
Dar mijn herte omme heuet
Sulc droefheit ende sulc seer
Jnne mochten vertellen nemmermeer
¶ Vrouwe seit hi sijt onvervaert
Jnne hebbe die waerheit niet ghespart
| |
[Folio 2vb]
| |
365[regelnummer]
Jc weet wel dat v leuet
Ende alle sinen wille heuet
Van des den daghe toe behort
Jc hebbe gheweten ende verhort
An diene daghelijcs sien
370[regelnummer]
Ende gheselscap met hem plien
¶ Ay here seit si waer ist dan
Vraechde si den goeden man
Mocht ict sien of spreken
Dat mi doet mijn herte breken
375[regelnummer]
Mijn scone kint lantsloot
So ware mine bliscap groot
Jof van verren darwart sien
Mochtet mi also ghescien
Ay here helpt mi daer toe
380[regelnummer]
Dur vwe doghet of ghi weet hoe
Dat bat si hem menech warf
Dur onsen here die noit verstarf
Wat dat si bat ende verspoen
¶ Hi seide hine mochts niet doen
385[regelnummer]
Si mochte wel seker sijn dar of
Want hi verlore sijn ghelof
Mar ic ben wel seker das
Dat hi in groter bliscap was
So uele hijs mi ondecte
390[regelnummer]
Ende vormi vertrecte
Dat ic die rechte wareit weet
Om te stelpene v leet
Ende om te coelne vwen rouwe
So bringhics v nimare vrowe
395[regelnummer]
¶ Ay here sprac die coninghinne
Segt mj dur die gods minne
Of hi es in siere viande lant
Of wiene heuet in die hant
¶ Vrouwe seit hi neen hi niet
400[regelnummer]
Hi troest se wel ende behiet
Hi es sinen vianden verre
Ghine durftes niet sijn erre
Ouer hem hebben si ghene macht
Hi es dar toe te wel ghewacht
405[regelnummer]
Ende behoet van sinen vrient
Die hem daghelix dient
¶ Des was die vrouwe verhuecht
Ende bat hem dur sine duecht
Dat hi in den closter quame
410[regelnummer]
Ende saghe ende vername
Hare voere ende hare sede
Ende haren closter mede
Of hi iet kende van den vrouwen
Des maende sine bi siere trouwen
415[regelnummer]
Die goede man was sciere beraden
Ende seide dat hijt gherne dade
[1 blad + 6 katernen + 2 bladen ontbreken?]
| |
[Folio B3ra]
| |
Behout hem god sine ghesonde
Ende porren in corter stonde
En dade hem noot of ander sake
420[regelnummer]
¶ Des was die ioncfrou te gemake
Doe siet hem seggen horde
Si nam orlof metten worde
An den ridder ende voer vort
Van hare latic staen die wort
425[regelnummer]
¶ Die ridder ne lette niet
Doe die ioncfrowe van hem sciet
Ende voer wech dat hi mochte
Alse die auenture sochte
Ende quam ghereden bet opten dach
430[regelnummer]
Dur .i. wout dar sijn wech lach
¶ Dar quam iegen hem in sijn ghemoet
Beide tors ende te voet
Liede bi groten scaren
In die middelt quam gheuaren
435[regelnummer]
Een groot die hadde brocht
An sijns paerts stert geknocht
Enen man met ere line
Dien hi dede grote pine
Want sine oghen waren verbonden
440[regelnummer]
Ende sine hande te dien stonden
Ghelijc dat menne doden wilde
¶ Die ridder metten witten scilde
Quam ghereden die dat sach
Hem dochte dat hi op ghenen dach
445[regelnummer]
Ghenen scoenren ne hadde gesien
Met sinen ogen dan dien
[22 verzen ontbreken]
| |
[Folio B3rb]
| |
Arturs wijf van minen goede
Desen laster ende dese armoede
Diemen mj doet alse gi siet
450[regelnummer]
Inne hebs verdient niet
Nochtan salmen mj doden saen
Ware die maeltijt ghedaen
Metten ridder den gi hier siet
Hine wils mj verdragen niet
455[regelnummer]
Doe seide die witte ridder saen
Here het is domheit gedaen
Na dien dat hi loghent des
Ende hi der coninghinnen man es
Ghine daet hem vonnesse daer of
460[regelnummer]
Hebben. inder coninghinnen hof
Van des dat gi op hem wilt staden
¶ En holpe niet dat sies mj baden
Sprac die ridder diene hadde geuaen
Ic sal hem thouet of slaen
465[regelnummer]
Inne lietes niet dur man die leuet
No kerstendoem ontfaen heuet
No dat ic hem ander vonnesse doe
Dan in mijn hof ic seg v hoe
Hi heft mj lasterlike ghevoert
470[regelnummer]
Ende mijn vrouwe mijn wijf verhoert
Des heuet si har lijf verloren
Ende hi sals hebben sulken toren
Eer hi van mj sal sceiden
Hem sullen alle wijf verleiden
475[regelnummer]
Ic salne noch tauont doden
Inne lates mj niet verbloden
[22 verzen ontbreken]
| |
[Folio B3va]
| |
Dar die line an was geknocht
Dar die gevanghene mede was brocht
¶ Doe stac hi tsuert in sine scede
480[regelnummer]
Si vinghen te haren speren bede
Ghene ridders ende staken
Alse die gerne souden gheraken
¶ Die grote ridder miste al
¶ Entie witte hadde sulc gheual
485[regelnummer]
Dat hi den groten ridder stac
Sijn spere ne booch no ne brac
Dore entore den lichame
Hi viel al wast hem ombequame
Ter erden ende sijn herte brac
490[regelnummer]
Die steke dede hem sulc ongemac
Dat hi starf sulc was sijn gheual
Sine liede waren ontwapent al
Sine waenden hebben gheen ruwaert
Nv waren si so sere vervaert
495[regelnummer]
Alsi den ridder saghen hem derde
Sine sochten neghenen verde
Si ghingen vlien bi groten scaren
Darwart dat si comen waren
Har here bleef ter erden doot
500[regelnummer]
Dur dat hi was so groot
Hi hadde becoft sine ommate
¶ Die witte ridder reet siere strate
Metten ghenen die was gevaen
¶ Nv hopet hi dat hi sal ontgaen
505[regelnummer]
Ende dancte den ridder sere
Diepelike der groter ere
[22 verzen ontbreken]
| |
[Folio B3vb]
| |
Op dien dach was ghesciet
Ende vragede den ridder hoe hi hiet
Dat hine hare noemen mochte
510[regelnummer]
Die dat wonder dur hare wrochte
Die witte ridder antworde gaf
Ende seide dat hi optien dach
Niet ne mach weten sinen name
Mar oft hem els bequame
515[regelnummer]
Dat hi ter vrouwen varen wilde
So segt hare teiken van minen scilde
Dar bi sal sine bekennen
Ende die ridders vander binnen
¶ Hi seide here dat loue ic wel
520[regelnummer]
Ic dancs v ende nieman el
Naest gode dat ic ben ontgaen
Van hem die mj hadde geuaen
¶ Si scieden doe met deser tale
Die gone voer neder in enen dale
525[regelnummer]
Dar hi sach enen casteel staende
Dar hi toeuerlaet bewaende
¶ Die witte ridder voer van daer
Ende quam cortelike dar naer
Dar hi ene porte vant
530[regelnummer]
Staende in .i. plein lant
Voren an ene scone zale
¶ Dar stont ene ioncfrowe die wale
Sanc. ende scone was
In die porte vor tpalas
535[regelnummer]
Dit heuet die ridder gehort
Die dar quam ende reet vort
[22 verzen en 13 bladen ontbreken?]
| |
[Folio C4ra]
| |
Dat hi des nachts ware sijn gast
In enen casteel goet ende vast
Si souden des morghens riden
540[regelnummer]
Wilde hi dien nacht met hem onbiden
Ter steden daer hi hem behiet
Doene wilde hijs ontsegghen niet
Si voeren ter herbergen beide
Die witte in sanders gheleide
545[regelnummer]
Entie sciltknapen entie ioncfrouwe
Dien nacht waren si sonder rouwe
Met bliscepen ende met spele
Alle te samene in die zele
¶ Hier ne seghet die auenture niet
550[regelnummer]
Van dat hem meer es ghesciet
Op dese wile noch op dese vre
Hier kere ic weder te arture
Nv suldi horen op dese vre
Hoe galet ontseide arture
555[regelnummer]
Die coninc ende sine lieden
Eer si van den foreeste scieden
Hadden si venisoens genoech
Dat ment op somers vor hem droech
Ende keerden weder altemale
560[regelnummer]
Tot [carde]loot in die zale
¶ Teersten dattie coninc sat
Ouer taflen ende hi at
Quam .i. ridder in gheuaren
Dar des conincs liede waren
565[regelnummer]
Die gewapent was ter core
Hi beette vor die borch dore
Ende quam ghegaen vor den coninc
Dar die menege ten etene vinc
Van diere saten in die zale
570[regelnummer]
¶ Die ridder begonste sine tale
Vor den coninc ende seide
Al sonder enech ander gheleide
Here mj heuet hier ghesant
Die beste die leuet in enech lant
575[regelnummer]
Ende meerre eren es ghewone
Dat es der scoenre gaiande sone
Sine doghet die es groot
Selue hiet hi galioot
Hi onbiedet v dat gi v lant
580[regelnummer]
Houden moet van siere hant
[A]lso v[err]e alset gaet
Hier toe nes anders gheen raet
Ende [e]s nv [co]ninc ne gheen
In ertrike nietmer een
585[regelnummer]
[H]ine moet hem wesen onderdaen
[E]nde van hem sijn goet ontfaen
Of verliesent altemale
Wildi volghen siere tale
| |
[Folio 4rb]
| |
Ende houden sijn ghebod
590[regelnummer]
Hine leuet niet sonder god
Dien hi vor v sal eren
Wildi v te hem bekeren
Dit onbiet hi v ende doet vraghen
Hine wil niet crone draghen
595[regelnummer]
Vor hijt al beduonghen heuet
Dat in al die werelt leuet
Doe seide die coninc inne weet
Van mj wordet hem onghereet
Te vorderne al sinen wille
600[regelnummer]
Hier of mach hi wel suighen stille
Inne achte niet van sinen ghebode
Mijn lant houde ic van gode
Ende van el ne ghenen man
Ic salt beurien vort an
605[regelnummer]
Inne achte op hem niet .i. aes
Hi was dul ende duaes
Dat hi v harwart heuet ghesent
Omme alsulc .i. couent
¶ Here seide hi dats mj leet
610[regelnummer]
Ic ben wel seker ende weet
Dat gi sult v lant verliesen
Ende lichte meerren scade kiesen
An vwe man an vwe vrient
Ic rade v dat gi minen here dient
615[regelnummer]
Ende weset hem onderdaen
Artur ne wilds niet verstaen
¶ Doe seide die gone so wil ic al
Segghen datmen mj beual
Mijn here onbiet v dat hi sal
620[regelnummer]
Hetne beneme hem ongeual
Comen binnen vwen lande
Beide met roue ende met brande
Hine laet v enen casteel niet staen
Ende mach hi v seluen ghevaen
625[regelnummer]
Ghi sijt verloren tallen daghen
Dit so moghediere an beiagen
Dit wetic wel also helpe mj god
Dat gi ontsegt sijn ghebod
Mijn here sal hier comen snemen
630[regelnummer]
Ende v die coninghinne nemen
Want men heuet hem dicke gheseit
Dat in al kerstenheit
Ne es also scone wijf
Bidien begheret hi hare lijf
635[regelnummer]
Doe seide die coninc vrient laet staen
V baraet ic sal ontgaen
Vwen here ende sijn dreghen
Inne wane niet dat ic sal sijn so veghen
Dat hi mj sal moghen deren
640[regelnummer]
Ic sal mj wel iegen hem verweren
| |
[Folio 4va]
| |
Mijn lant wort hem onghereet
Wonne hijt ooc het ware mj leet
Met desen corten si hare tale
¶ Die ridder keerde vter zale
645[regelnummer]
Die de botscap hadde ghedaen
Hi sat op sijn ors saen
Hi was ghereden wel ter cure
Ay seide hi quade auenture
Est here dat v nv naect
650[regelnummer]
Met desen hi hem dane maect
Ende voer van diere steden
Tote tween riddren die sijns onbeden
Doe vragede die coninc waleweine
Ende minen here yweine
655[regelnummer]
Of si kenden galiote
Hi vraghets meneghen ghenote
¶ Sie seiden alle rechte vort
Dat siere tale of hadden gehort
Mar sine kendene niet
660[regelnummer]
Noch den ridder die dane sciet
Sine wisten wie hi mochte sijn
¶ Doe seide her galgantijn
Hi hadde menech lant dur reden
Ende wiste van vele zeden
665[regelnummer]
Hi hadde galiote ghesien
Ende was wel seker van dien
Dat hi langer ende scoenre ware
Beide van hude ende van hare
Dan enech ridder diemen vant
670[regelnummer]
Ende verwender in enech lant
Wel ghemint van sinen lieden
Men mochter wonder of bedieden
Hi heuet meer ghewonnen binnen sinen liue
Dan ieman die nv van wiue
675[regelnummer]
Jn ertrike es gheboren
Des wane ic seker sijn te voren
Hi es houesch ende goedertiere
Sijn ghelaet ende sine maniere
Es eens anders ridders wert
680[regelnummer]
Des ghenes die v lant begert
Ende wes bode hier was comen
Jc hebt dicke wel vernomen
Mar daer omme ne seg ict niet
Dat ic wil dat ghine ontsiet
685[regelnummer]
Noch dat hi macht iegen v heuet
Of enech man die nv leuet
Bi den here die ons gheboot
Mi ware lieuer ware ic doot
Dan v die laster soude ghescien
690[regelnummer]
Dat gi beduonghen waert van dien
Dar v botscap of es comen
Ende niemare of hebt vernomen
| |
[Folio 4vb]
| |
Met desen leiden si die tale
Neder ende sueghen altemale
695[regelnummer]
Van deser sake van deser dinc
¶ Doe seide die here die coninc
Hi wilde des ander dages varen
Metten ghenen die daer waren
Jaghen in dat foreest
700[regelnummer]
Dar hi bewaende wildes meest
Alse hi misse hadde gehort
Alst comen ware so vort
Die nacht waren si te samen daer
Des hem die dach verbaerde claer
705[regelnummer]
¶ Doe stont op die coninc
Omme te volbrenghene sine dinc
Dar hi hem te voren of vermat
Dat hi varen soude vter stat
Omme te iaghene in dat wout
710[regelnummer]
Si ghereiden hem ionc ende out
Die metten coninc te ridene plagen
Tallen stonden alse hi voer iaghen
¶ Die coninc horde des morghens vroe
Misse ende menech man dar toe
715[regelnummer]
Doe voeren si ter iacht waert
Van desen latic staen die vaert
Hoe si van der borch scieden
Die coninc artur ende sine lieden
¶ Dese tale so latic
720[regelnummer]
Jc sal v tellen van hem .i. stic
Die de vergaderinghe verwan
Hort hier van den seluen man
Hoe lantsloots ors int water ran
Ende hoe .ij. ruesen verwan
725[regelnummer]
Alse die ridder met siere cracht
Hadde verwonnen ende onderbracht
Die vergaderinge algader
Dancte hijs gode onsen vader
Dat hi sijns moeste pleghen
730[regelnummer]
Ende hi tes ridders huus hadde ghelegen
Met eren ende met minnen
Die vore diere coninghinnen
Sculdich te bliuene was
Wilde hi niet vergheten das
735[regelnummer]
Hine stont op des morgens vroe
Ende ghereide hem dartoe
Met sinen wapinen met sinen ghegaren
Hi nam orlof an diere waren
Alse die te lettene niene begherde
740[regelnummer]
Ende volgede sinen werde
Daer hine leden wilde
Mar die ridder milde
Liet sine sciltknechte daer
Ende die ioncfrowe die blont haer
[1 dubbelblad ontbreekt]
| |
[Folio C5ra]
| |
745[regelnummer]
Hoet metten ridder was comen
Ende dat hem ghepense hadde benomen
Sine herte ende sinen sin
Altemale meer no min
Omme siere vrouwen der coninghinnen
750[regelnummer]
¶ Doe ledese her ywein daer binnen
Dar die coninghinne lach
Tere venstren ende vut sach
Hi seide hare ende dede verstaen
Dattene dani[u]net hadde gevaen
755[regelnummer]
Den ridder die daer te voren
Nalics hadde sijn lijf verloren
In dat water datter liep
Ende daer sie an gode omme riep
Doe sprac arturs wijf die vrouwe
760[regelnummer]
Here dani[u]net bi vwer trouwe
Hoe quamedi ne helets niet
An den ridder dien men hier siet
¶ Vrouwe antworde dani[u]net
Hine keerde ter were niet .i. let
765[regelnummer]
Teerste dat ickene hadde bestaen
Liet hi hem sonder were vaen
Alse .i. versaghet man
¶ Doe seide ywein [ic bevelene dan]
Her daniunet tuwer [ghenaden]
770[regelnummer]
Mi ware leet quame hi [te scaden]
Ende gi hem dadet [meerre toren]
Dan hi hadde [verdient hier voren]
Doe hi in dat water [lach]
¶ Die vrouwe [mercte ende besach]
775[regelnummer]
Den ridder ende hi [dochte hare]
Die scoenste die[n] si nie ware
Met haren oghen hadde ghesien
¶ Die vrouwe [.... mettien]
Den ridder [dien brochte daer]
780[regelnummer]
Si maendene [of hi wiste waer]
Dattie ridder [was gheboren]
Ende of hine [iet kende daer te voren]
Die [dulle ridder sprac neen ic niet]
Anders [dan ghiere alle siet]
785[regelnummer]
Alse die [witte ridder horde]
Der vrouwen [sprake ende worde]
Kende [hise bi hare tale]
Hi sloech [sijn houet op altemale]
Ende besachse [met groten ghere]
790[regelnummer]
Hi hadde vor hem brocht [sijn] spere
Ende hi helt dwers [vor] sijn herte
Die van minnen [doghet smerte]
Dur siere vrouwen [der coninghinnen]
Dat hi was al [tenden sinnen]
795[regelnummer]
Dat hi dat [spere vallen liet]
Ter erden nochtan ne [mercte his] niet
| |
[Folio 5rb]
| |
Vte siere hant wel ghereet
Ende tyser van haren clede sneet
Een groot stuc dat vor hem lach
800[regelnummer]
¶ Doe seide ywein doe hi dat sach
Vrouwe dese ridder is tongemake
Dats openbare bi eneger sake
Datne weti[c wat] hem es ghesciet
Dat hi hem aldus vanghen liet
805[regelnummer]
Den alre blodesten die nv leuet
Entie ne ghenen sin ne heuet
Ende dat hi sijn spere liet vallen
Dus ter erden vor ons allen
Dat dede hem emmer suaer verdriet
810[regelnummer]
[Noch ne] sprac hi iegen v niet
Ic sal hem vragen wie hi es
Wil hi mi berechten des
¶ Bi der trouwen die gi sijt sculdich mj
Sprac her ywein wie si di
815[regelnummer]
Ic soudt weten harde gerne
Mine staets niet wel tonberne
Die ridder sach al omme hem
Ende hi antworde here ic ben
Een ridder dat mogedi wel sien
820[regelnummer]
Mijn her ywein sprac mettien
Tote hem dien hi sach vor hem staen
Ende seide nv sidi hier gheuaen
Mar ic heb v in mijn gheleiden
Waneer dat gi van hier wilt sceiden
825[regelnummer]
Ghi moget varen daert v voeghet
Oft v hier niet ne ghenoeget
Daer gi ghebiet vwer straten
Ghine duruet dur hem niet laten
Die v hier brochte gheuaen
830[regelnummer]
Mar wi souden gherne verstaen
Ic entie ghene die hier sijn inne
Ende mijn vrouwe die coninghinne
Wane gi sijt ende waer gi vaert
Ende hoe dat gi gheheten waert
835[regelnummer]
Voeghet v ende waert v wille
¶ Entie andre sueech al stille
Hine sprac noch mar .i. wort
Ic ne mach v niet berechten vort
Dit was al dat hi daer seide
840[regelnummer]
¶ Mijn her ywein sprac sonder beide
Vrouwe ic hebbene in mijn gheleiden
Wildi ic latene hene sceiden
Iegen den ghenen diene hier brochte
¶ Die vrouwe loech ende dochte
845[regelnummer]
Si soudene versoenen wel
Die meneghe helter omme sijn spel
Ende loegher omme sere
Dat die ridder was vten kere
| |
[Folio 5va]
| |
Bi al dat si consten verstaen
850[regelnummer]
¶ Mijn her ywein lede wech saen
Den ridder den graet neder
Ende gaf hem sijn spere weder
Hi wijsde hem waer hi sach
Die brugge die ouer twater lach
855[regelnummer]
Dar hi te voren ouer leet
Hi seide dattie ridder reet
Al die rechte herstrate voren
Dien hi waende hebben verloren
Tenden woude dat daer lach
860[regelnummer]
Ende dat men[n]e daer riden sach
Doe scieden si bi deser sake
Die ridder was sere tongemake
Van minnen ende hadde therte suaer
Dur des wille dat hi was so naer
865[regelnummer]
Siere vrouwen der coninghinne
Met pinen leuede hi in sinen sinne
So sere hadde hi sijn sins vergheten
Nv was hi weder op gheseten
Optat ors dat hi liet staen
870[regelnummer]
Doe hi in die borch quam gegaen
Tenden ander bruggen voet
Hi voer wech met groter spoet
Ten woude wart sonder sparen
Daer sijn werd was in gheuaren
875[regelnummer]
¶ Ende her ywein ghenc altehant
Ter herbergen daer hi vant
Staende sijn ouer scone paert
Hi sat op ende volgede ter vaert
Den ridder die daer voer voren
880[regelnummer]
Mijn her ywein reet sonder sporen
Ende volgede den ridder milde
Omme dat hi weten wilde
Warwart hi varen soude
¶ Dander quam binden woude
885[regelnummer]
Die daer sinen wert sochte
Toter wilen dat hem dochte
Op enen berch staen .i. spere
Dat gehelpich was ter were
Met enen blakenden ponioene
890[regelnummer]
¶ Doe voer darwart die ridder coene
Omme te wetene niemare
Wes dat spere ware
Ende wiet opten berch brochte
Het was die ridder dien hi sochte
895[regelnummer]
¶ Hi quam iegen sinen gast weder
Ghedalet den berch neder
Doe sie quamen te gemoete
Daerne was ander ghiene groete
Dan si hem fellike onder saghen
900[regelnummer]
¶ Die wert begonste den ridder vragen
| |
[Folio 5vb]
| |
Waer omme hi hem volgede daer
Ende hem comen durste so naer
¶ Doe sprac die ridder [onuer]uaert
Ic wil vwe wapine ende v paert
905[regelnummer]
Dat es dat ic an v beghere
¶ Ende die andre verrechte sine spere
Ende seide dat hi hem niet ne gaue
Een penewart van siere haue
¶ Si trecten achter haestelike
910[regelnummer]
Ende omme haelden [.......]telike
¶ Die wert stac sinen gast so
Dat hi sijns speres wart onvro
Ende het alte stucken brac
Ende die ridder den waert weder stac
915[regelnummer]
Ende gheraectene so wel
Dat hi van den orse vel
Ende keerde die voete opwaert
¶ Die goede ridder nam dat paert
Dat hi vor hem staende sach
920[regelnummer]
Ende brocht sinen wert d[ae]r hi lach
Hi hiet hem dat hiere op sate
Die fel was sere vtermate
Hi gaf hem goeden orl[of]
Ende keerde weder in sijn hof
925[regelnummer]
Wacht v vort van quaden zeden
Ende van alre dorperheden
Oppe dat latic v varen
Ic sal v leuen nv hier sparen
Doe seide die ridder diere lach
930[regelnummer]
Bi al dat god gheleesten mach
Aldus ne sciede ic van v heden
Ware ic also wel alse gi ghereden
Ic soude v doden of gi mj
Of gi sijt van herten vri
935[regelnummer]
So betet neder nv ter erden
Laet ons becorten metten suerden
Dien strijt die wi hebben bestaen
Of gi sult mj [.....] ontgaen
Nemmermeer [ne beja]gedi lof
940[regelnummer]
Doe bete hi t[er] erden of
Jegen den ghenen die daer lach
¶ Ende hi spranc op alse hi dat sach
¶ Si trecten die suerde bede
Met haesticheden vter scede
945[regelnummer]
Alse die ghene die vechten wilden
Si deckeden hem met haren scilden
Si ondersloeghen hem ende staken
Lange wile eer si meer spraken
Met suaerden die waren scarp
950[regelnummer]
Harlijc sinen scilt warp
Dicke wile vor sijn ansichte
Ende ondersloeghen hem ghedichte
[8 bladen ontbreken?]
| |
[Folio D6ra]
| |
Doe ment mj verstanden dede
Noch moester .i. ander wesen mede
955[regelnummer]
Die arsatre sonder ersatrie
¶ Doe seide die ghene bi sente marie
Doe hi arturs tale verstoet
Hier of sal ic v maken vroet
Bet dan hijt v heuet ghespellet
960[regelnummer]
Dien gi den droom van eersten vertellet
Des sijt here al onueruaert
God selue dats die liebaert
Ende die v berechte van dien
Hi waendene int water hebben ghesien
965[regelnummer]
Nietmeer ne moghe wi wesen
Buter werelt ende ghenesen
Dan die visch nacht no dach
Vten watre wesen mach
Die v dit te voren brochte
970[regelnummer]
Dat hem die liebart int water dochte
Hi was besondicht sekerlike
Hi haddene wel in hemelrike
Gehesien. ne waren die sonden
Dar hi mede was ghebonden
975[regelnummer]
¶ Bidien ware .i. man van sonden
Claerlike wel onbonden
Hi soude harde uele sien
Des hem nv niet mach ghescien
Sijt seker des si waren in sonden
980[regelnummer]
Die clerke die v dit onbonden
Nochtan waren si van sinne vroet
Sijt seker des die diet verstoet
Alne wisten si niet wat spellede
Wantse hare sonden beduellede
985[regelnummer]
¶ Die liebaert spellet god
Sekerlike sonder spod
Dat wil ic v gheleesten
Die liebaert es here bouen allen be[e]sten
Also es god van hemelrike
990[regelnummer]
Here bouen al ertrike
¶ Nv heb ic v here coninc gheseit
Van den liebaerde die waerheit
Wat hi spellet ende wat hi es
Des sijt seker ende ghewes
995[regelnummer]
Doe vragede echter die coninc
Ay here berecht mj van ere dinc
Dat v lone sente marie
Wat die ersatre sonder ersatrie
Bediet. here dur vwe omoet
1000[regelnummer]
Jc souts gerne wesen vroet
¶ Doe antworde hi den coninc
Ay here dits ene vremde dinc
Te meer dat ic v besie
Alse uele te dulre dinct gi mie
| |
[Folio 6rb]
| |
1005[regelnummer]
Dat gi dit niet ne verstaet
Ghi hebt harde kranken raet
Ghi mochtet verstaen wel ende horen
Bi den exemple van hier te voren
Dat ic v van den liebaert seide
1010[regelnummer]
Die auenturen onderuolgen hem beide
Mar ic heb v so uele berecht
Jc sal v des bet bevroeden echt
Niet dur vwen wille allene
Mar dur die werelt al ghemene
1015[regelnummer]
Dat siere op merken sullen
Beide die vroeden entie dullen
¶ Die aersatre bediet god mede
Want men vint in ghene stede
Ersatre sonder salue ne ghene
1020[regelnummer]
Sonder onsen here god allene
Ende alle die ersaters die leuen
God onse here heuet hem ghegeuen
Den sin daer si bi werken
Die ons allen moete ghesterken
1025[regelnummer]
Ende dat si kennen alle saken
Dar men salue of mach maken
Ende die stene also ghelike
Die men vint in ertrike
Dar cracht an leghet groot of clene
1030[regelnummer]
Dat es bi onsen here allene
Al consten si den licham ghenesen
Het moeste al bi gode wesen
Dar si die v[r]oetscap nemen an
Mar ic seg v dat nieman can
1035[regelnummer]
Die ziele ghenesen van haren sonden
Dat siere of wert ontbonden
Ende suuer ende rene
Sonder onse here god allene
Hi mach onbinden ende ghenesen
1040[regelnummer]
Hier bi so mach god wel wesen
Ersater sonder ersatrien
¶ Doe seide die coninc ic wils wel lyen
Dat gi segt dat es waer
¶ Echt sprac die goede man daer naer
1045[regelnummer]
Wanneer dat .i. man steruet
Entie licham bederuet
Berouwet hem sine misdaet
Eer die ziele vten lichame gaet
Ende onsen here gode minnet
1050[regelnummer]
Met goeder herten ende kinnet
Al ware hi die besondichste die leuet
In dien dat hi berounesse heuet
Ende te bichten gaet
Fraeilike van siere misdaet
1055[regelnummer]
God brenct die ziele te siere hant
Ende bescermet se iegen den viant
| |
[Folio 6va]
| |
Hine doeter anders niet an
Hi gheselt wel enen man
Ende die ziele also ghelike
1060[regelnummer]
Ende brinct te sinen hemelrike
Sonder salue ende stene
Ende andre arsatrie ne ghene
Mar die hier ersatrien plien
Alsi ene wonde hebben besien
1065[regelnummer]
Of ander euel dat dert den man
Si moeten dat cruut soeken dan
Dar si den man bi ghenesen
Sal hi gheganset wesen
Ende also hiere al heuet toe gedaen
1070[regelnummer]
Wat dat hi can verstaen
Datten sieken coemt te baten
Wilne hem die doot niet laten
¶ Sie nemet wel den lichame
Est hem lief of bequame
1075[regelnummer]
Die ersatre ne macht niet weren
Sine salue ne diet niet .ij. peren
¶ Die gone moet sijn lijf begheuen
Mar god lanct den man sijn leuen
Ende geuet hem ghesonde
1080[regelnummer]
Ende doetene leuen tote[r] stonde
Dat hi hemelrike verdient
Het doet goet wesen gods vrient
Nv heb ic v here coninc vertellet
Wat des [.ij.] saken spellet
1085[regelnummer]
Die ersatre entie [liebaert]
Dar gi so of waert vervaert
Doe seide die coninc god lone v here
Ghi be[rec]ht mj no min no mere
Dan alle waerhede
1090[regelnummer]
Dat god dur sine omoedichede
Vwe ziele moete betalen
Ende te sinen rike halen
Hoe gerne soudic sien
Dat gi mj berecht van dien
1095[regelnummer]
Wat die bloeme spellet
Ghi hebt mj uele ghetellet
Dat ic kenne ende het is waer
Sprac die coninc inne quam nie daer
Dat ic enege bloeme sach
1100[regelnummer]
Die manne raet gheuen mach
Want sine connen niet spreken
Bi wat saken bi wat treken
Mach wesen die raet van der bloemen
Inne horde noit noemen
1105[regelnummer]
¶ Doe antworde die goede man
Jc sals v berechten dan
Hoe bloeme mach gheuen raet
Want het al an die bloeme staet
| |
[Folio 6vb]
| |
Dat ic hebbe gheseit en[de] seggen sa[l]
1110[regelnummer]
Die bloeme si beslutet al
Ersatre ende liebaert
Jc ben te segghene onveruaert
H[o]e die bloeme spreken can
D[a]r leghet uele dogeden an
1115[regelnummer]
Alse gi hier moget scouwen
Die bloeme draghet crone bouen allen vrouwen
Ende bouen alle die nv leuen
Ende onder gode best raet can geuen
Van hare quam die vrucht allene
1120[regelnummer]
Daer alle dinc groot ende clene
Bi leuet ende es onthouden
Si es met rechte bloeme ghescouden
Si voet ziele ende lichame
Van hem daert hare es bequame
1125[regelnummer]
Ende dies hier verdienen can
Es het wijf ofte man
Sal ic v der wareit lyen
Ende die voede in der preierien
Hem .v.m. tere scaren
1130[regelnummer]
¶ Daer die .xij. manden waren
Vervollet van den relieue
Dit vintmen noch ghescreuen in brieue
S[al] ic v die wareit bedieden
H[ets] die vrucht dar die israelsche lieden
1135[regelnummer]
Bi waren onthou[d]en .xv. iaer
In die woestine dat was waer
D[ar si] leueden te diere vre
A[ldu]s seget die scrifture
B[i d]er heliger ingle spise
1140[regelnummer]
In der maniere in der wise
Leueden si ende waren daer
In der woestine .xv. iaer
Het was die vrucht daer ioseph die vrie
Die was van den lande van abaromatie
1145[regelnummer]
Waren onthouden ende sine ghesellen
Sal ic v die wareit tellen
Optie wile dat si vernamen
Ende van premissione quamen
Jn dat vremde lant
1150[regelnummer]
Daer se god hadde ghesant
Bi siere bede bi siere macht
Want hi hadde wel die cracht
Het es die bloeme daer die kerke
Bi es gheleert ende scone gewerke
1155[regelnummer]
Het es die bloeme sijt seker das
Daer god of gheboren was
D[ie em]mermeer sal gheduren
J[egen] gewonte van naturen
S[i] es der werelt toeuerlaet
1160[regelnummer]
Ende mach verdingen onse mesdaet
[7 bladen + 3 katernen + 3 bladen ontbreken?]
| |
[Folio E7ra]
| |
Des hi es ghenesen ende ghesont
Siene wilde niet om .M. pont
Dat hi noch bedorue
Ende van sinen wonden storue
1165[regelnummer]
Ende si die ioncfrouwe mede
Late daer ter seluer stede
Des si niemare heft vernomen
Of har lief sal weder comen
Ende iaet malichte in corten tiden
1170[regelnummer]
Dar hare herte of sal verbliden
Dit louede die vrouwe van rostoc wel
Doe quam op .i. rosside snel
Een knape in ghereden
Met groter haesticheden
1175[regelnummer]
Hi brochte enen scilt
Die hem an den hals hilt
Ende was dur steken ende dur houwen
Te meneger stede dat mochtmen scouwen
Hine brochte niet die helft daer
1180[regelnummer]
Mar in somiger stede was hi claer
So dat si some waren vroet
Wat teikene daer ane stoet
[30 verzen ontbreken]
| |
[Folio E7rb]
| |
Ende mijn here gaf hem die sine
Noch ist an desen scilt an scine
1185[regelnummer]
Dattene mijn here walewein droech
Dit es liteiken genoech
Hi es te meneger stede dur houwen
Ende dur steken als men mach scouwen
Alse daer in den camp gheuel
1190[regelnummer]
Noch mogedijt hier an merken wel
¶ Dese redene ende dese tale
Verstonden si allegader wale
Die gone die daer behorden
¶ Die vrouwe van rostoc was van worden
1195[regelnummer]
Ende van hare seluen so ontsteken
Sine mochte .i. wort niet spreken
¶ Ende teerst dat si was becomen
Sprac si god moete mj verdoemen
Of ic nemmermeer verblide
1200[regelnummer]
Toter wilen ende toter tide
Vor dat ic den ridder sal sien
Ende seker wesen van dien
Dat hijt es ende niemn el
Die miere herten voecht so wel
1205[regelnummer]
[...............]
[29 verzen ontbreken]
| |
[Folio E7va]
| |
Dat het was walewein die here
Die mj behilt in mine ere
Twi ne hadde hijt mj met alre cracht
Ouer dach ende ouer nacht
1210[regelnummer]
Onboden ende laten weten
Des ne sal ic niet vergeten
Die bode wilde keren weder
Ouer hoge ende ouer neder
Ne wilde hi daer niet langer dagen
1215[regelnummer]
¶ Doe dede hem die coninc vragen
Of hi den scilt daer wilde laten
¶ Here seide hi god moete mj verwaten
Of ickene hier liete om enige haue
Al vondic man die se mj gaue
1220[regelnummer]
Mijn here heuet mj so beuolen
¶ Bernen moetic al te colen
Sprac van rostoc die vrouwe
Dur die ere ende dur die trouwe
Die mj die here heft gedaen
1225[regelnummer]
Of mj sijn scilt sal ontgaen
Dien hi droech te siere side
Si dedene neme ende was blide
[...............]
[29 verzen ontbreken]
| |
[Folio E7vb]
| |
Dien nach dat was sijn gedochte
1230[regelnummer]
Ende daer lach hi harde sochte
Ende hadde aet ende dranc
Dar was gepijnt om sinen danc
¶ Des morgens doe hi dane voer
Bemaendene die abt ende besuoer
1235[regelnummer]
Of hi daer omme betren quame
Hi hadde verstaen sinen name
Dat hi daer blidelike in vare
Ende hi den closter niet ne spare
¶ Hi beualse altemale
1240[regelnummer]
Gode ende porrede metter tale
Van daer voer hi also vort
Dat hi quam bi ere port
Die hiet cabenijn
Dar bi lach tconincrike fijn
1245[regelnummer]
Dat arture behorde meest
Daer bi stont .i. scone foreest
Ende ene riuiere diep ende wijt
Eer hi hadde gevaren iet lange tijt
Quam ene ioncfrouwe in har gemoet
1250[regelnummer]
Dier har leuen wale stoet
[30 verzen + 5 bladen + 29 verzen ontbreken?]
| |
[Folio F8ra]
| |
[...............]
¶ Doe trac her walewein tswerd
Ende dander lach alse die niet ne begerd
Op te stane hem was so wee
1255[regelnummer]
Hem dochte hine mochte nietmee
Want hi hadde sinen arm te broken
¶ Ende seide gi sijt wel gewroken
Edel ridder ic beghere genaden
Ghi moget mj van den liue scaden
1260[regelnummer]
Begerdijs ende ist v wille
Al sloegedi mj ic lage stille
Mi es te moede so onsochte
Al wildic vechten inne mochte
Doe seide her walewein ic late v leuen
1265[regelnummer]
Wildi mj vwe trouwe geuen
Te vaerne dar ic v hete
Ende verlate v deser vete
Dats te arturs houe ter coninginnen
So mogedi hene sceiden met minnen
1270[regelnummer]
Anders nemic v tleuen
¶ So wil ic v mine trouwe geuen
Sprac die ridder die daer lach
Dat ic ne spare niet enen dach
[29 verzen ontbreken]
| |
[Folio F8rb]
| |
T[er ..............]
1275[regelnummer]
Dar hi den camp verwan
Jegen seguradese den starken man
Suldi v leueren gevaen
Ende alse gi dat hebt gedaen
So gaet te haren drussate
1280[regelnummer]
Ende groetene mj vtermate
¶ Dat swerd dat hem hinc beneuen
Dat hem die ioncfrou hadde gegeuen
Dat gaf hi den ridder ende hiet
Of gi daer enigen ridder siet
1285[regelnummer]
Te houe die estor es ghenant
So geuet hem in sine hant
Ende of ghine niewer ne saget
Ic bid v dat gi om hem vraget
Ende segt dat hem die ridder sent
1290[regelnummer]
Dur sinen wille op .i. prosent
Die seguradesse verwan
Daer leghet uele dogeden an
¶ Dit was die ridder die daer lach
Ende die te voren op enen dach
1295[regelnummer]
Tes coninc arturs houe was comen
Ende dien gi mj horet nomen
[29 verzen ontbreken]
| |
[Folio F8va]
| |
[..............] g[h]e[sc]ien
Van des males dat ic ridder ware
Eer ic quame in hare gheuare
1300[regelnummer]
Doen had ic auenture .i. stic
So verre ende so vort dat ic
Bet met hare was gehort
Ende si verstont mine wort
Bet dan si hadde gedaen
1305[regelnummer]
Ende seide wildic anegaen
Ene auenture ende beghinnen
Daer mede mochticse gewinnen
In dien dat icse volbrochte
Die auenture die si ane mj sochte
1310[regelnummer]
Ende ic seide ic waers ghereet
Al te doene dat ic weet
Dat si begerde in houescheden
Doe hiet si mi comen hier ter steden
Hier vergaderen .vij. weghe
1315[regelnummer]
Ende mochtic ghecrigen den zeghe
Jegen alle die gone die hier liden
Entie om auenture riden
Mochtic dat ghelucke ghewinnen
Dan alreerst soude si mj minnen
[29 verzen ontbreken]
| |
[Folio F8vb]
| |
1320[regelnummer]
En[de] g[i..............]
Ende wanen gi brinct desen scilt
Ende waer gi vaert ende wa[t] gi wilt
Si seide ridder gi sijt gaer
Jnne berechts v [d]it iaer
1325[regelnummer]
Van al des gi mj [v]raget
Ende of gi niet sijt versaget
Ridet dane gi mj comen siet
Machlichte gi sullets weten iet
Eer gi dane sciet met minnen
1330[regelnummer]
Ende ic vare ter coninginnen
Arturs wijf op dese stont
¶ Doe seide die ridder diere was gewont
Joncfrowe dur v edelhede
Doet wel ende laet mj varen mede
1335[regelnummer]
Goet gheselscap ende dachcortinge
Behort wel te minen din[g]e
Jc ben gewont ende gram
Mi es lief dat ic an v quam
Nv laet ons varen onder ons beiden
1340[regelnummer]
Tote arturs houe eer wi sceiden
Dat v lieue moete ghescien
¶ Ende si antworde hem met dien
[6 bladen + 5 verzen ontbreken?]
| |
[Folio G9ra]
| |
[...............]
Meer dan hi hem van hem seluen dede
1345[regelnummer]
Dat hi hem behelt lijf ende lede
Want hi seide hi hadde sijn wijf
Vele lieuer dan sijn lijf
Doe seide hestor hi wilde varen
Ende nam orlof an diere waren
1350[regelnummer]
Doe suoer die ridder in diren eden
Eer hine dan liete sceden
Hi verlore eer sijn goet algader
Dat hem verstarf van sinen vader
Eer soude hi weten sinen name
1355[regelnummer]
Ende hi die sine waert hem bequame
Ende ander vrienscap ende andre tale
Souden si delen in die zale
¶ So lange bat hi hem ende besuoer
Dat hi metten ridder voer
1360[regelnummer]
In dien casteel ende alsire quamen
Inne mochte v lichte niet bi namen
Ghenoemen die ere entie werdichede
Die men hestore dede
Beide met daden ende met talen
1365[regelnummer]
Si ghingene alle wel onthalen
¶ Die ridder vragede om hestors name
Dat hine hem seide waert hem bequame
Ende wane hi quame ende wie hi ware
Hi soude gerne weten niemare
1370[regelnummer]
¶ Doe nomede hem hestor algader
Sinen name ende sinen vader
Wie hi was ende hoe hi hiet
Hine wilds hem helen niet
Ende dat hi van logers gheboren ware
1375[regelnummer]
Ende voere hare entare
Om enen ridder dien hi sochte
Ende gerne vonde of hi mochte
¶ Alse hi den riddre hadde gheseit
Des hi hem vragede die wareit
1380[regelnummer]
Vragede hi den werd om die ioncfrouwe
Die hi vant in groten rouwe
Wie si ware ende hoe si hiet
Ende twi si hare so sere mesliet
Ende wes mense wilde voeren van daer
1385[regelnummer]
¶ Doe sprac die werd ic seg v waer
Van deser dinc algader
Bi gode onsen rechten vader
Die ioncfrou es mijn wijf
Jc minse ghelijc mijns selues lijf
[15 verzen ontbreken]
| |
[Folio G9rb]
| |
1390[regelnummer]
[..............] groot
[5 verzen ontbreken]
[..............]e
E[..............]
¶ Die [i]onc[f]rou [........]orde
Sine wilde ne ghenen man kiesen
1395[regelnummer]
No dur winnen no dur verliesen
Die men hare te voren brochte
En ware dat hare dochte
Dat si haren eet behilde
Ende sine te manne hebben wilde
1400[regelnummer]
Dus bleef si te huwene menegen dach
Om dat si nerghent ne sach
Man die hare betame
Ende die hadde sulken name
Also alse har vader hiet
1405[regelnummer]
Eer hi vander werelt sciet
Sint horde si mijns gewagen
Sulken lieden die mj sagen
Ende si gauen mj groten lof
Alne was ic niet werdich der of
1410[regelnummer]
Ende seiden dat ic goet ridder ware
Dus brochten si niemare te hare
Sonder valsch ende loos
So verre dat si mi vercoos
Ende behiet mj hare minne
1415[regelnummer]
Ende ic dede se in minen sinne
Andre scout ne had ic van hare
Als vor hare maghe quam niemare
Dat wi dus droegen ouer een
Ic ende sie onder ons tween
1420[regelnummer]
Si wilden hare nemen algader
Dat hare bestarf van haren vader
[6 verzen ontbreken]
| |
[Folio G9va]
| |
O[..............]
L[..............]
E[..............]
1425[regelnummer]
D[..............]
J[..............]
E[..............]
N[..............]
M[..............]
1430[regelnummer]
V[..............]
D[..............]
Al[s ............]
No[c.............]
Inn[..............]
1435[regelnummer]
Mar [..............]
Waer[b.............]
Ende wi[.............]
Ende sulk[............]
Om sine [........ hi] dede
1440[regelnummer]
¶ Doe dit algader was leden
Ende wi hier quamen ghereden
Waren si blide die wi hier vonden
Si waenden wel ten seluen stonden
Haue ende goet hebben verloren
1445[regelnummer]
Doe brochten si der ioncfrowen te voren
Ende rieden hare dat si mj name
Dat soude wesen hare vrame
¶ Si ghebaerde alst har leet ware
Nochtan liet si verstriden hare
1450[regelnummer]
Ende dede dat men hare riet
Siene liets dur hare maghe niet
¶ Alsie hare dus hadde bekeert
Helden si se ouer gonneert
Die ghene daer si of was gheboren
1455[regelnummer]
Ende onboden hare te voren
Dat si se onteren souden
Ende mj brenghen ter moude
Noch heb ics mj gewacht al
Danc hebbe god ende goet geual
1460[regelnummer]
Ende si die mj stonden te staden
Doe ic bi wilen was verladen
Huden hadden si mj gewacht
Ende quamen hier met harre cracht
Dar ic sat in .i. bat
1465[regelnummer]
Ende ne peinsde niet om dat
Jc was ghequetst dat wisten si wel
Van enen perde dat op mj vel
[5 verzen ontbreken]
| |
[Folio G9vb]
| |
[...............]
Dat sie emmer te homissen gaet
1470[regelnummer]
Wine peinsden om gheen baraet
¶ Doe quamen si met harre lagen
Teersten dat si se saghen
¶ Si riepen helpe ende warens gram
So verre dat mj te voren quam
1475[regelnummer]
Ende ic ne wilde niet langer baden
Ende scoot an mine gewaden
Ende wapende mj met haestichede
Ende .ij. ridders die icker hadde mede
Nv mogedi horen op wat
1480[regelnummer]
Dat mine viande daden dat
Dat si dus mijn wijf vingen
Si wildenre mj mede ghebringen
Ende dan slaen ofte vaen
Eer dat ic hem soude ontgaen
1485[regelnummer]
Dit was al hare ghedochte
Ende ic haeste mj als ic eerst mochte
Ende quam tote hem gevaren
Ende .ij. ridders die met mj waren
¶ Jc begonste op hem vechten
1490[regelnummer]
Ende wilde mijn wijf berechten
Ende si werden hem of si conden
Dit herden wi langhe stonden
Sine mochten mj niet wech bringen
Want inne wildes niet gehingen
1495[regelnummer]
¶ Doe peinsden si enen raet mettien
Ende senden mijn wijf wech met hem drien
Ende vermanden mj so onsochte
Dat ic hare volgen niet ne mochte
Jc moest ghedogen wast quaet of goet
1500[regelnummer]
Doe quamedi here in hare gemoet
Ende namet se hem bi vwer doghet
God die es der werelde voget
Hi lones v met groten lone
Ende spanne vwer zielen crone
1505[regelnummer]
Ten ionxten dage daer god sal doemen
Ende late v te siere genaden coemen
Ende den ridder dien gi dodet daer
Weet dat wel ouer waer
Hi was die beste van desen lande
1510[regelnummer]
Nv heb ic vele meerre viande
Dan ic hadde hier te voren
Dur dat hi heft sijn lijf verloren
Mar sint dat es ghesciet
Wine moghens leuende maken niet
[7 bladen + 2 katernen + 7 bladen ontbreken?]
| |
[Folio H10ra]
| |
1515[regelnummer]
Si waren met bliscepen te gader
Alst kint metten vader
Hoe walewein voer ende hestor mede
Te sorlois in die stede
Hier comt .i. andre redene in
1520[regelnummer]
Nv mogedi horen dit beghin
Doe walewein hadde verwonnen
Ens hem god hadde geionnen
Dien ridder dien hi daer vant
Was .i. bode wech ghesant
1525[regelnummer]
Te sorlois in die stede
¶ Nv mogedi horen wat hiere dede
Hi brochte niemare galiote
Ende sinen gheselle lantslote
Dat dien riddre van der cautsiede
1530[regelnummer]
Sulke auenture ghesciede
Dattene .i. ridder verwan
So dat hi werden moeste sijn man
Anders hadde hi verloren tleuen
Ne hadde hi hem niet op ghegheuen
1535[regelnummer]
¶ Doe vrag[ede] galioot om niemare
Of hi wiste wie hi ware
Die bode seide neen ic niet
[29 verzen ontbreken]
| |
[Folio H10rb]
| |
¶ Dusghedaen was sijn ghedochte
Ende sende wech alse hi eerst mochte
1540[regelnummer]
Enen ridder ten torne waert
Ende bat hem dat hi niet ne spaert
No dur verlies no dur ghewin
Hine vare ten torne no meer no min
Daermen die tolne hilt
1545[regelnummer]
Ende voert spere ende scilt
Ende hout die vsage
Van den torne ende dat passage
Ende hijt ne liete dur ghene noot
Te doene dat hi hem gheboot
1550[regelnummer]
Hi wapende hem ende voer met liste
Dats lantsloot niet ne wiste
Dur dat hem galioot verboot
Ende voer wech m[et haesten] groot
Hi voerde scilt spere ende brant
1555[regelnummer]
Ende quam ten torne daer hi vant
Scone bodscap ende blide
Ende waren versoent van haren stride
¶ Die ridder groete alse hi daer quam
Die hi daer vant ende vernam
1560[regelnummer]
[...............]
[29 verzen ontbreken]
| |
[Folio H10va]
| |
Ende souden keren cortelike
Weder in arturs rike
Die ridder seide hi daet gerne
Des hem niet stonde tonberne
1565[regelnummer]
Ende voer wech in corter stont
Nochtan was hi sere gewont
Ter coninginnen ende seide hare
Die bodscap entie niemare
Die hare walewein onboot
1570[regelnummer]
Beide clene ende groot
¶ Des verhogede die vrouwe
Ende haddes bliscap sonder rouwe
Doe si die niemare hadde gehort
Ende si seit der ioncfrouwen vort
1575[regelnummer]
Die hestor met h[ar]e liet
Doe hi tacht[erst va]n hare sciet
¶ Si was blide van den worde
Doe si van hestore horde
Dat hi was blide ende ghesont
1580[regelnummer]
Dan si was op eneghe stont
So wel behaghets der ioncfrouwen
Want si minde met goeder trouwen
[...............]
[29 verzen ontbreken]
| |
[Folio H10vb]
| |
Hier beghint dese tale
1585[regelnummer]
Galioot verstont wale
Dat lantsloot was tongemake
Dur die dinc dur die sake
Dat hine vacht none tornierde
Ende hi alle daghe vierde
1590[regelnummer]
Ende peinsde hi soudene leden
Daer hi niet ne mochte sceden
Van hem en ware bi sinen wille
Ende soude .i. stic wesen stille
Toter wilen dat hi vername
1595[regelnummer]
Andre niemare ende si hem quame
Nv hadde galioot ene ueste
Die alre scoonste entie beste
Die hi hadde in al sijn lant
Die was lantslote al onbecant
1600[regelnummer]
Daer dedene galioot met hem varen
So dat siere beide waren
Alse lieue ghesellen
¶ Die ueste daer ic v of sal tellen
Sie was in enen busch g[hestae]n
1605[regelnummer]
Ende met watre al omme beuaen
[...............]
[29 verzen + 4 bladen + 38 verzen ontbreken?]
| |
[Folio J11ra]
| |
Wi souden ons metten coninc kere[n]
Ende helpen te siere eren
Eer wi sceiden van den pleine
1610[regelnummer]
Dit ghenoegede waleweine
Ende sinen ghesellen alle
Ende proeueden hare geualle
¶ Si keerden hem iegen arture
¶ Doe traect volc van den mure
1615[regelnummer]
¶ Die coninc was sciere verdreuen
Doene lantsloot hadde begeuen
¶ Ende walewein ende sine ghesellen
Daer wi of spreken ende tellen
Des was [d]ie coninc droeue vterm[aten]
1620[regelnummer]
Hi moeste keren tot vor die zaten
[142 verzen ontbreken]
| |
[Folio J11vb]
| |
[Binnen] der nacht of hise minde
[Si sou]de hem senden so gehinde
[Enen] garsoen diene soude
[Leden] daer hi wesen woude
1625[regelnummer]
[Des w]as die coninc harde vr[o]
[Dat si] ghelouet hem also
[Ende seide] hare dat hi soude
[Comen] seder dat siet woude
[Ende kee]rde weder in sijn here
1630[regelnummer]
[Hi wa]ende warden buter were
[Van bl]iscepen dat hem so soude comen
[Alse hi] orlof hadde genomen
[Keerde] hi te sinen paulioene
[Daer hi] vant sine baroene
[1 blad ontbreekt]
| |
[Folio K12ra]
| |
1635[regelnummer]
[Doene was] d[ae]r gheen l[ang]er beiden
Die her[en daden he]m ghereiden
¶ Die [porren] wilden metten daghe
Hem ware leet dat mense saghe
Doe si hare wapinen hadden an
1640[regelnummer]
Doe ne sach [men] nie so sconen man
Alsi waren onder hem tween
¶ Si ondercusten hem al in een
Elc iegen sijn lief eer si scieden
Jnne mochtet al niet niet bedieden
1645[regelnummer]
Ende leueden sonder rouwe
¶ Van malohaut die vrouwe
Doe si den scilt beloken sach
Dar si of hadde gehort gewach
Sprac si toter coninghinne
1650[regelnummer]
Nv sie ic wel ende bekinne
Dat v die beste ridder mint
Diemen weet ende bekint
Ende edel ende scone
¶ Jane droech sijn vader crone
1655[regelnummer]
Sprac genievre die coninginne
Tis wel recht dat ickene minne
Galioot begonste vraghen
Van den scilde dien si daer sagen
Wat datter ane lach
1660[regelnummer]
Hi hads daer gehort gewach
¶ Doe seide van malohaut die vrouwe
Here bi miere rechter trouwe
Die scilt was hier ghesent te clouen
Van beneden toter bouen
1665[regelnummer]
Ende es versament alse gi siet
Dit ne bediedet anders niet
Dan lantsloot soude wesen
Van arturs maisniede ende ute ghelesen
Dit was der coninginnen gevoech
1670[regelnummer]
¶ Si antworde ende loech
Dat galioot niet hadde vernomen
Ic hope het salre toe comen
¶ Dit was gehert so langhe
Si moesten porren bi beduange
1675[regelnummer]
Si saghen den dach verbaren
Ende ne dursten niet langer sparen
Si corten hare tale
Ende ondersekerden altemale
Dat si versamen souden daer
1680[regelnummer]
Opten eersten nacht daer naer
¶ Des gauen die heren hare trouwen
Ende scieden van den vrouwen
¶ Sie voeren wech sonder respijt
Ende quamen weder wel te tijt
1685[regelnummer]
Binnen der tente daer walewein lach
Eer dat mense horde ofte sach
| |
[Folio 12rb]
| |
Ende ghingen te bedde in dier gebare
Joftes algader niet ne ware
Hoe walewein hestor ende galioot
1690[regelnummer]
Gheuanghen worden ende lantsloot
Nv latic bliuen dese dinc
Ende telle v van den coninc
Die in die roke was gevaen
Als die van binnen hadden verstaen
1695[regelnummer]
Dat hem die scone dach verbaerde
Achter den uelde ende verclaerde
Namen si des conincs scilt
Ende hinghene daer hi hilt
Ten cartelen vutwaert
1700[regelnummer]
¶ Des int here menich veruaert
Ende sijns neuen daer bi
¶ Daer riepen owach owi
Vans conincs lieden int here
Si waenden warden vter were
1705[regelnummer]
¶ Ende her walewein te voren
Men mochte sine kele horen
Bouen allen diere waren
Ende omme sinen oem mesbaren
¶ Mar lantsloot troestene sere
1710[regelnummer]
Ende suoer bi gode onsen here
Wi sullen den coninc verlossen wel
Al waren si binnen noch also fel
Nv houdes v an mine woort
Of daer wert wonder omme ghestoort
1715[regelnummer]
¶ Met deser tale no meer no min
Quam die ioncfrouwe gereden in
Die hem gewiset hadde arture
Optie wile ende optie vre
Dat si .iv. versament waren
1720[regelnummer]
Ende an hem quamen gevaren
Nv vermaende die ioncfrouwe
Den .iv. heren van harre trouwe
Die si hare gauen optie vre
Doe si hem wijsde arture
1725[regelnummer]
Ende van hare scieden in .i. plein
¶ Doe seide her walewein
Joncfrou dur genaden
Wine hebbens nv ghene staden
Te horne na vwe sake
1730[regelnummer]
Wi sin sere tongemake
Want die coninc es gevaen
Wine mogher niet toe staen
Verdraghets ons dur genade
¶ Si seide wildi werken bi rade
1735[regelnummer]
Jc sal v vroet maken
Bi wat niemaren ende bi wat saken
Dat gi den coninc sult gewinnen
Ende ontgaen van daer binnen
| |
[Folio 12va]
| |
¶ Si hebben gedreghen ouer een
1740[regelnummer]
Die daer sijn in den steen
Dat menne sal voeren in yrlant
Ende dit nes noch niemene becant
Diet v mochte bringen te voren
Jc sal v seggen wildijt horen
1745[regelnummer]
Si hebben in yrlant die cracht
Vele beter entie macht
Ende sijnre bet bekent
Vele dan hier omtrent
Moghen si den coninc bringen daer
1750[regelnummer]
Hi ware v te haelne suaer
Ende ic weet die wile entie vre
Dat si sullen porren met arture
Dien si hebben geuaen daer binnen
Ende suldine emmermeer gewinnen
1755[regelnummer]
Dat sal bi minen rade wesen
Alsi den wech hebben ghelesen
Omte rumene dit lant
Ende dat v es onbecant
Jc sal v leden alle viere
1760[regelnummer]
Daer gine moghet lossen sciere
Des waren si blide ende vro
Ende si ghelouet hem also
Optie tijt dat hare goet dochte
Voer si met hem daer si se brochte
1765[regelnummer]
Tere passage bider veste
Ende seide hem dat waert beste
Dat si den coninc daer vorstoeden
Si soudens wesen sonder hoeden
Die gone die daer sijn binnen
1770[regelnummer]
Dat gi die passage sult winnen
Dus was daer dat couent gemaect
¶ Alsi ten passage quamen geraect
Daer sise alle viere hadde gheleidet
¶ Si sprac sijt hier ende onbeidet
1775[regelnummer]
Jc sal scire weder keren
Ghi sult den coninc verlosen met eren
Ghi sultene scire bringen sien
¶ Ende si gheloueden hare van dien
Ende peinsden dattet ware trouwe
1780[regelnummer]
¶ Doe ghinc dane die ioncfrouwe
Ende ouer ene corte wile
Datmen mochte ene halue mile
Riden. horden si met luder kele
Helpe roepen harde vele
1785[regelnummer]
Ende si saghen ter vesten waert
Vte porren harde menech paert
Daer liede op saten
Wel gewapint vtermaten
Ende saghen comen in den rinc
1790[regelnummer]
Enen ghelijc den coninc
| |
[Folio 12vb]
| |
Enen ge[wapin]den [ma]n
Dies conincs [w]api[n]en hadde an
Ende enen andren in [dier] gebare
Als oft sijn neue ware
1795[regelnummer]
Ghene .ij. die si daer brochten
¶ Si sloeghen sere ende vochten
Optie ghene die bi hem waren
Ghelijc of si wilden ontfaren
Ende si hem verwerden ouer noot
1800[regelnummer]
Dit versaghen si alle. ende lantsloot
Waende dat die coninc ware
Dat daer quam in diere ghebare
Dit hadde lantsloot vercoren
Ende sloech met sporen voren
1805[regelnummer]
Hi waende den coninc staen te staden
Die hem dochte so sere verladen
Ende si grepene onder hem twee[n]
Daer deen die coninc van sceen
Ende worpen lantslote neder
1810[regelnummer]
Eer hi hem verrechten mochte weder
No hem dandre quamen te staden
Was hi also sere verladen
Des hi selden gewone was
Hets wonder groot dat hijs ghenas
1815[regelnummer]
Ende trecten binnen der uesten
En quam hem niet ten besten
Ende daden hem sine wapine uut
Toten hemde ende toter huut
Ende seiden men soude hem thouet of slaen
1820[regelnummer]
Hine sekerde te bliuene geuaen
¶ Lantsloot sprac dat doe ic wel
Jnne beghere niewet el
Jc hadde lieuer doot te sine
Dan mj dese laster es anschine
1825[regelnummer]
Si namen enen andren man
Ende daden hem lantsloots wapine an
Van siere langhe van siere grote
Alse hi hem best ghenote
Ende ghingen die porte ontsluten
1830[regelnummer]
Ende stuerden den gonen daer buten
Daer sine .iij. ghesellen waren
Hem uolgede menich moederbaren
¶ Ende hi seide sijts sonder hoede
Ghesellen onse dinc gaet alte goede
1835[regelnummer]
Sijt te gemake ende hout v stille
Wi sullen den coninc tonsen wille
Hebben. die pais es ghemaect
¶ Die andre hilden hare swerde al naect
Si waenden hebben goet gheleide
1840[regelnummer]
Ende stakense weder in die sceide
Des waren si blide ende vro
Ende waren omme bringhet so
[3 dubbelbladen ontbreken]
| |
[Folio K13ra]
| |
D[at hise den] torn wijsde
D[ie men te] re[c]hte prijsde
1845[regelnummer]
Omme dat [hi] was so vaste
Daer binnen laghen felle [gaste]
Die den torn souden wach[ten]
Omme die mate van hem [achten]
Ende nieman ne mochte die [baelge] gewinnen
1850[regelnummer]
Ende den torn die[re] stont binnen
Die was ghesp[erret] ende so beraden
En halp niet dat siere toe daden
Ende ke[e]rden weder in die zale
Met[te]n coninc altemale
1855[regelnummer]
E[nde dr]onghen den kercwarder also
Dat hi [blide] was ende vro
Dat hi hem die ioncfrowe wizede
Sine achten niet dat hise prizede
¶ Hi ghinc alse in hare genade
1860[regelnummer]
Ende ledese in ene kemenade
Daer si die ioncfrouwe vonden
Ende hadde hars amijs wonden
Ghedaen binden ende duaen
Het [was] langhe ouer hem gegaen
1865[regelnummer]
Wantene lantsloot doot liet
Te voren doe hi van hem sciet
Hi nam di vrouwe bi den hare
Ende gheliet hem in diere ghebare
Alse hi hare thooft of wilde slaen
1870[regelnummer]
Ende hi seide hets met v gedaen
Puten dochter quade valande
Dat gi den hoghesten van den lande
Wilt verraden ende doden
Jc ne laets mj niet [verblo]den
1875[regelnummer]
Het ne sal v cos[ten v leuen]
¶ Si bat dat men [hare soude] gheuen
Ghenaden d[ur] g[ode diese ghe]boot
Jane hebd[i minen am]ijs [doot]
Ende scade ber[a]den [ende lachter]
1880[regelnummer]
So uele onder eer [e]nde [ac]hter
Jnne mach[s nemmermeer] ghe[nese]n
¶ Ende hi sprac [ten m]ach niet wesen
Nv hebt core [ende ki]est
Eer dat gi v lijf verliest
1885[regelnummer]
Wildi ons leueren die ueste
Behoudet lijf dat dunct mj tbeste
Ne wildijs niet anegaen
So sal ic v thouet of slaen
Bi ridderscepe ende bi al dien
1890[regelnummer]
Dat goet man soude plien
Alse si sach dat hi se dregede
Ende seide dat sie uegede
Was si harde sere veruaert
Ende ghinc met hem ten torne waert
| |
[Folio 13rb]
| |
1895[regelnummer]
¶ Ende si riep lude ondoet latin
¶ Si seiden sine dadens meer no min
Si souden den torn houden
Ende niet verliesen bi haren scouden
Die hem beuolen was te voren
1900[regelnummer]
¶ Hi sprac so hebdi thouet verloren
Te hare. ende hief die ghisaerne
Ende si riep owi wachaerne
Ondoet den torn behout mj tleuen
Hi es mijn. ic wilne op gheuen
1905[regelnummer]
Alsi saghen hare noot
Die hare dede lantsloot
Ondaden si den torn sciere
Ende ne maectens niet diere
Ende ontwapinden hem altemale
1910[regelnummer]
Sonder meerre weder tale
¶ Die coninc gaf hem orlof
Dat si rumeden dat hof
Behouden lijf ende lede
Ende gaf hem goeden vrede
1915[regelnummer]
¶ Dus hadden si torn ende zale
Ende datter was altemale
¶ Ende mijn her walewein voer uut
Ende makede .i. groot gheluut
Dat die casteel gewonnen ware
1920[regelnummer]
Hi makede int here die niemare
¶ Doe trecten si alle binnen der uesten
Hare dinc verghenc al ten besten
¶ Des mochten si lantslote louen
Si sochtene beneden ende bouen
1925[regelnummer]
Alse die blide waren vter mate
¶ Mettien quam keie die drussate
Jn enen diepen kelnare
Daer sach hi ende wart geware
Waer ene ioncfrouwe ghespannen sat
1930[regelnummer]
¶ Die dicken onsen here bat
Dat hi corten moeste har leuen
Ende sulken zeghe gheuen
Dat si quame van daer inne
Si waende worden vten sinne
1935[regelnummer]
Van pinen ende van vare
¶ Keie die drussate vragede hare
Wat ware dat si meende
Dat si droeue was ende weende
Ende si dedet hem verstaen
1940[regelnummer]
Ende seide dat si ware gevaen
Ende .iij. iaer hadde gewesen
Siene wanets nemmermeer genesen
Eer si worde vten sinne
Dat dede die ioncfrou van daer inne
1945[regelnummer]
Die se also hadde gheuaen
Ende siene hadde anders niet mesdaen
| |
[Folio 13va]
| |
Dan si stont in gheens prijs
Die was der ioncfrouwen amijs
Ende hi met hare hadde gewesen
1950[regelnummer]
Sie ne waende des rouwen niet genesen
Siene weet mj wat eischen el
Dan mj auenture met hem gheuel
Nochtan ne mach ic niet gedoen
Jnne moet steruen in dit prisoen
1955[regelnummer]
Her Keie sprac ghine sult niet
Hets al anders hier ghesciet
Camille heuet den casteel verloren
Ghi moghet van hare wonder horen
Hare liede ligghen verslegen
1960[regelnummer]
Achter uelde ende achter wegen
Ende achter thof in die zale
Menne can gheweten bi getale
No bi namen bekinnen
¶ Ende die coninc es hier binnen
1965[regelnummer]
Met menegen man nv ter vre
Die behoren tote arture
Ende sal v laten gaen
¶ Alse dit die ioncfrou hadde verstaen
Sone was nie so blide wijf
1970[regelnummer]
Die onder gode hadde lijf
Ende seide dats hem god lonen moete
Hi ontspien hare die voete
Ende brocht se op in den zale
¶ Daer was tale ende weder tale
1975[regelnummer]
Ende bliscap menichfoude
Onder ionghe ende onder oude
¶ Doe seide sie diere was geuaen
Ende dedet den coninc verstaen
Ende hiet hem dat men soeke
1980[regelnummer]
Der ioncfrouwen busse ende hare boeke
Mach sie se wech bringhen
Ende mens hare wil gehingen
Si weet so uele van touerien
Sal ic v der wareit lyen
1985[regelnummer]
Si sal wel die zee vloet
Doen lopen daer die casteel stoet
Ende al verdrenken datter es binnen
Mach si hare salue gewinnen
Die es in bussen ende in vaten
1990[regelnummer]
Si weet touerien uele vtermaten
¶ Doe wiste die ioncfrou enen stoc
Die was gemaket als .i. bloc
Daer helichdoem in ware
Ende seide den coninc niemare
1995[regelnummer]
Dat daer die cokelie in was
Die ioncfrou bedochte hare das
Dat sie se daer in plach te doene
Doe quamen .i. deel ghere baroene
| |
[Folio 13vb]
| |
Ende rieden den co[ninc dat]
2000[regelnummer]
Ende vonden si[ere binnen wat]
Dat ment b[e]rne in een [gloet]
Dat dochte den heren wesen goet
Men brac d[en] bloc ende vant also
¶ Doe st[ac men] hout an ende stro
2005[regelnummer]
[Ende verbernedet] sciere
Altemale in den v[iere]
Ende alse dit cam[ille] sach
Dat altemale in gloede lach
Hare salue ende h[are] boeke
2010[regelnummer]
Si sprac inne roeke
Welken tijt dat ic sterue
Ende mijns liues derue
Dat ic dus uele hebbe ver[loren]
¶ Si ghinc tere venstern [vor]en
2015[regelnummer]
Die was van hoghen ge[werke]
Alst ware ene kerke
Ende liet hare uallen of
Vter venstren in dat hof
Op hare leuen ne achte si niet
2020[regelnummer]
Aldus die ioncfrou dane sciet
Die vrouwe daer binnen hadde ghewesen
¶ Ende die andre was ghenesen
¶ Doe quam her walewein gegaen
Die te voren was gheuaen
2025[regelnummer]
Toten coninc ende seide
Here bi miere man waerhede
Ic ben seker des te voren
Dat wi lantslote hebben verloren
Galioot salne ontleden
2030[regelnummer]
Ende behen[delike] henen sceden
Ic segt v [daer ics seker b]en
Hi begh[ert tghesel]scap van hem
Meer [dan van eneghen] man
Die on[der gode nie lijf ge]wan
2035[regelnummer]
Mar ic segghe [dat ic v rade]
Omme te bes[cuw]ene meerre scade
¶ Here [coninc gi sult mi] doen sueren
Ende seght [ghine willets niet] onberen
¶ Ende keien dien drus[sate]
2040[regelnummer]
Ende segt dat hijs niet ne late
¶ Ende her ywein mede
Ende doeter omme vwe bede
Dat wi den casteel wachten
Bi daghe ende bi nachten
2045[regelnummer]
Datter nieman uut ne coemt
Vor dat hi sinen namen noemt
Van den gonen die sijn hier binnen
Ende dat hi late bekinnen
Dat nieman ne rumet d[i]t hof
2050[regelnummer]
Hine hebbes vwen orlof
[1 blad + x verzen ontbreken]
| |
[Folio L14ra]
| |
Dan ic vertellen mochte met worde[n]
Daer waren die heren sere verheue[n]
Ende van der tafelronde ghescreuen
Beide lantsloot ende galioot
2055[regelnummer]
Ende worden des conincs genoot
¶ Ende hestor die was die derde
[...............]
[y + 104 + x verzen ontbreken]
| |
[Folio L14vb]
| |
[Ende] omme sinen gesellen algader
[De]s morghens alsemen sach
2060[regelnummer]
[Ve]rbaren den sconen dach
[Gh]ereiden si hem ende voeren vort
[Vt]en castele ende vter port
[Ende] vonden die wondre in hare vaert
[...............]
[y + 87 verzen ontbreken]
| |
[Folio M+N/O/P15rb]
| |
2065[regelnummer]
[Da]t ic v hierna sal [t]ellen
[Aventure] ende wo[n]der gr[oot]
[Ende oec van galioots doot]
[Die] auenture die [ic] liet
[Die] wil ic nv vertellen niet
2070[regelnummer]
[Ende] es ene niewe tale
[Die]men met rechte horet wale
[Doe voeren] wech die .ii. ghesellen
[Daer sal ic] meer of tellen
[Deen an s]anders side
2075[regelnummer]
[Galioot w]as vro ende blide
[An dener sid]e was hi onvro
[Dattet] comen was also
[Dattie co]ninc lantslote onthelt
Ende hadden b]uten siere ghewelt
2080[regelnummer]
[An dander] side was hi blide
[Dat hi lantsloot] hadde bi siere side
[35 verzen ontbreken]
| |
[Folio M+N/O/P15va]
| |
Dat hi bi groten beduang[e]
Arture te dienste moeste [staen]
Ende wesen onderdaen
2085[regelnummer]
Dat moeste die meneghe b[egomen]
¶ Nv waren die saken so ve[rre comen]
Dat lantsloot hadde des v[erdient]
Dat Galioot was so wel [sijn vrient]
Dat hi eer core te steruen
2090[regelnummer]
Dan lantsloots te deruen
Dus voeren si wech [onder hem beiden]
Ende .iiij. sciltknapen [in haer gheleiden]
In swaren ghepeins[e bevaen]
Also alsic v mach doen ver[staen]
2095[regelnummer]
¶ Lantsloot vererrede
Dat hi der coninginnen ve[rrede]
Ende an dander side van ere [sake]
Dat galioot was tongem[ake]
[52 verzen ontbreken]
| |
[Folio Q16ra]
| |
Alsi tforeest waren leden
2100[regelnummer]
Quamen si op ene steen roedse ghereden
Die so quaet te ridene was
Hets wonder dats enich paert ghenas
Daer laghen stene clene ende groot
Voren vo[er] her galioot
2105[regelnummer]
Dat suare ghepeins daer hi was in
Benam hem so sinen sin
Dat hi hem niet vorwachte wel
¶ Sijn paert snaf ende hi vel
[Op] enen onneffe[n]en steen
2110[regelnummer]
[He]m scoot thooft tusschen die been
[Ende d]ede h[e]m sulc onghemac
[Dat d]ie hals brac
Ende galioot vel so onsochte
[D]at hi hem verrechten niet ne mochte
2115[regelnummer]
[Hi] lach in ommacht optie erde
[E]nde hem so uele derde
[S]o dat lantsloot
[W]aende dat hi ware doot
[E]nde beite bi hem ter stede
2120[regelnummer]
[M]et so groter haestichede
[D]attet siere herten derde
[D]oe die ander lach ter erde
[H]i riep owi wach arme
[E]nde namene in sine arme
2125[regelnummer]
[E]nde hine roerde hant no voet
[A]lse dit lantsloot verstoet
[W]aende hi dat hi ware doot
[E]nde hi hads den rouwe so groot
[D]at hi uel in ommacht
2130[regelnummer]
[E]nde verlo[o]s so sine cracht
[H]ine mochte gehouden lit ne gheen
[H]i vel op enen scarpen steen
[M]et sinen vorhouede
[D]at hem tfel clouede
2135[regelnummer]
[Al] toten bene
[Op]ten scarpen stene
[Du]s laghen si beide daer ghestrect
[Ende] onsochte gherect
[Die] sciltknapen quamen naer
2140[regelnummer]
[E]nde vondense beide daer
[G]elijc of si waren doot
[De]s hadden si den rouwe so groot
[Sine] wisten wesen in wat ghehare
[Deen] nam den andren bi den hare
2145[regelnummer]
[D]at sijt nalics trecten uut
[Daer] was van rouwen sulc gheluut
[D]at galioot eerst bequam
[D]oe hi dat grote luut vernam
[Hine] bedochte hem seluen niet
2150[regelnummer]
[Hine] wiste wat hem was ghesciet
| |
[Folio 16rb]
| |
Hi hadde vergheten dat hem derde
Hi knielde neder optie erde
Te lantslote dien hi op nam
Ende lantsloot bequam
2155[regelnummer]
¶ Soudic v al vertellen
Van den tween ghesellen
Hoe deen dur den andren mesliet
Jnne quame ten ende niet
¶ Die here galioot hi bant
2160[regelnummer]
Die wonde die hi an sinen gheselle vant
Die onsachte was bereit
.i. sciltknape brochte .i. paert gheleit
Si saten op ende voeren vort
Wat holper omme langhe wort
2165[regelnummer]
Galioot hadde sinen toren
Sere vergheten van daer te voren
Omme lantsloots onghemac
Dat hem sere int herte stac
Ende si voeren spreken onderlinghe
2170[regelnummer]
Weder ende vort van haren dinghe
¶ Ende her lantsloot seide
Lieue gheselle hets dorperheide
Dat hem hoghe man meslatet
Ende niet ghematet
2175[regelnummer]
Ghepeins doet menegen man vergheten
Dat hi met rechte soude weten
Ende comets in groter scaden
Edel here sijt wel beraden
Ende nemet so in vwe herte niet
2180[regelnummer]
Dat gi horet ende siet
¶ Dus so troestene lantsloot
Dat was ene dinc die niet besloot
¶ Hi seide tferlies daer hi was in
Soude hem benemen sinen sin
2185[regelnummer]
¶ Alse een man trect achterwaert
Ende hi dan mesfaert
Ende verliest dat hem ghenoeget
Ende siere herten voeghet
Machmen te rechte meer claghen
2190[regelnummer]
Dan hi ware van kintschen dagen
Dat machmen an mj bekinnen
Jonghe ioghet mach uele verwinnen
God hadde mi bi siere genaden
Jn miere ioghet uele eren beraden
2195[regelnummer]
Mijn lant was meerre dan nv die drie
Gheselle dat verloos ic bi die
Nochtan claghe ic dit niet
Jegen dat suare verdriet
Gheselle dat wi moeten sceiden
2200[regelnummer]
Vor onse doot onder ons beiden
Dat ist dat ic meest vruchte
Ende doet pensen ende versuchte
| |
[Folio 16va]
| |
God hadde mi ghegheuen
Al minen wille ende verheuen
2205[regelnummer]
¶ Ende die al heuet dat hi beghert
Ende so dat hem niet ne dert
Jn desen liue in ertrike
Hi mochte wel wes[en] mijn ghelike
Na dat mi dit was ghegheuen
2210[regelnummer]
Begonste ic dolen ende sneuen
Ende hebbe uele meer verloren
Dan ic bliscepen hadde te voren
Ende verliese in lanc so meer
Met rechte es mi mijn herte seer
2215[regelnummer]
Van ghepense ende van scaden
Daer ic mede ben verladen
Alse dit lantsloot horde
Sine ontfarmelike worde
Die hi dede ende seide
2220[regelnummer]
Ende hoe hi clagede sine arbeide
Doe bat hi hem dur genade
Dat hi hem seggen soude in rade
Wattet ware dat hem derde
Daer hi so omme verterde
2225[regelnummer]
Sine herte ende sijn lijf
Hi ware dommer dan .i. wijf
Die niet ne weet wat si seghet
Die ghene die dier voeren pleget
En dade hem grote noot
2230[regelnummer]
Jc bids u sprac her lantsloot
Dur den here die ons gewrochte
Dat gi mj segt v gedochte
Mochtic v gehelpen met auenturen
Die soudic gerne dur v gheduren
2235[regelnummer]
Ende auen[tur]en mijn leuen
Of ic soude v bate gheuen
Dier gi of sijt tongemake
Dur gode ondect mj vwe sake
Galioot antworde sciere
2240[regelnummer]
Ghi bemanet mj so dire
Jnne wils v weder seggen niet
Dat ic doghe suaer verdriet
Ende tghepeins hare entare
Dat comt al van enen vare
2245[regelnummer]
Des ic hebbe suaren toren
Mi heuet ghedromet hier te voren
.ij. waruen so onsochte
Al wildic wel inne mochte
Verhoghen eer ic weet wat spellet
2250[regelnummer]
V ende gode moet sijn ghetellet
Sint dat ghijt wilt horen
¶ Mj dochte dat ic was hier te voren
Op enen dach ende op .i. vre
Metten coninc arture
| |
[Folio 16vb]
| |
2255[regelnummer]
Ende hoe dat .i. serpent quam
Des ic veruaert ben ende gram
[...............]
Ende dede mi grote [...]e
¶ Dat serpent dat eislike dier
2260[regelnummer]
Scoot op mj vlamme ende vier
Ende verbrande der mede
Al mine wapine ende mine lede
So dat icker onblide was
Ende nemmermeer ne ghenas
2265[regelnummer]
[Hi]er omme heb ic [........]
Ende op den andren nacht
Dochte mj god gheuen [waen]
Dat ic in minen [lijf bevaen]
Hadde .ij. herten euen g[root]
2270[regelnummer]
Ende euen ghelike ende euen ghe[noot]
Dit dochte mj daer ic lach
Ende alsic mj omme sach
Haddic verloren die ene
Doe dochte mj al ghemene
2275[regelnummer]
Mine borst ende mine lede
Ende daer na starf ic mede
¶ Mar eer ic starf daer te voren
Die herte die ic hadde verlo[ren]
Dochte mj comen .i. liebaer[t]
2280[regelnummer]
Nam se ende liep te woude waert
Met andren diren met andren beesten
Die lopen achter dien foreesten
Hier omme ben ic in [d]ole
Ende berne als ene cole
2285[regelnummer]
Toter wilen dat ic weet
Wattet spellet lief of leet
Doe sprac lant[sloot desen dro]m[e]
Here ne houtet [.....]
Het es truffe ende anders niet
2290[regelnummer]
Daer gi v of ontsiet
Droom es al ghedua[s]
Ghi sijt dul ontsiedj v [das]
Inne ben niet sprac galioot
Bi den here die [ons] gheboot
2295[regelnummer]
Jc houder mine her[te an]
Ende ic duchte ene[n man]
Sal mj leet van drome ghescien
Dat sal mj co[men van dien]
No nemmermeer [so]e wardi[c blide]
2300[regelnummer]
Toter wilen ende toter [tide]
Dat ic hebbe enen clerc [vernomen]
Die mj spelle[n can die dromen]
Ende seghen watter ane [leghet]
Dar ic bi dus b[en ontweghet]
2305[regelnummer]
Ende in ghepeinse so [groot]
¶ Here antworde Lan[tsloot]
[10 bladen + 3 katernen + 4 bladen ontbreken?]
| |
[Folio R17ra]
| |
¶ Die hertoghe was te hem wart fel
Ende hi conste scermen wel
Also alst hem daer wel sceen
2310[regelnummer]
Hi clouede den derden thouet ontween
¶ Doe was die vierde so sere verladen
Dat hi den hertoge bat ghenaden
Alse diet gheuecht nietmeer begherde
Hi warp sinen scilt ter erde
2315[regelnummer]
Ende leide te gader sine hande
Ende seide here het ware scande
Sloeghedi mj al sonder were
Na dien dat ic ghenaden ghere
¶ Die hertoghe seide dat waert
2320[regelnummer]
Neen ic niet sijts onueruaert
¶ Doe quam dat uolc van binnen
Toe ghelopen in allen sinnen
Ende hadden bliscap ende spel
Datten hertoge verghinc so wel
2325[regelnummer]
Si prijsden sere sine auenture
¶ Doe ghinc die ioncfrou aldure
In enen bongart dien si vant
Entie hertoge volghede hare te hant
Ende ghingen den bongaert al dure
2330[regelnummer]
Die ghewaerde ene langhe vre
Doe saghen si bliken ene veste
Die hem dochte die beste
Die hi binnen langhen hadde ghesien
Ende hi horde mettien
2335[regelnummer]
Blasen harde meneghen horen
Bouen optie borch daer voren
Hi was in menegen ghedochte
Wat wonder het wesen mochte
Dat hi daer hoorde in scine
2340[regelnummer]
Blasen so meneghe busine
Doe sach hi volcs een groot deel
Comen vte dien casteel
Beide ridders ende knapen
Clerke seriante ende papen
2345[regelnummer]
Vrouwen ende ioncfrouwen
Diemen daer uele mochte scouwen
Hare grote bliscap ende har spel
Ne mochtic v niet vertellen wel
Si quamen blidelike ter vloghe
2350[regelnummer]
Ende onthaelden dien hertoghe
Bet dan ic gheseggen mochte
Al leidicker an mijn ghedochte
¶ Hine sagher ouden no ionghen
Sine dansten ende spronghen
2355[regelnummer]
Ende onthaeldene te stride
Ende waren alle blide
Na dien hertoge quam .i. seriant
Die brochte dat scermeghewant
| |
[Folio 17rb]
| |
Van hem diere verwonnen waren
2360[regelnummer]
Ende liet al den andren baren
Inne mochtu niet ghemaken vroet
Hoe menich prosent hoe menich goet
Men daer den hertoghe boot
Hine begherets clene no groot
2365[regelnummer]
¶ Hi seide dat hijs niet ne rochte
Elc peinsde alse hi best mochte
Den hertoge tontfane wel
Ende seiden die auenture was so fel
Daer hise vte hadde ghebrocht
2370[regelnummer]
Datse die meneghe hadde becocht
God hadde hem ghewesen hout
¶ Doe quam die here die was so out
Die ten castele behorde
Dat hi wel na none sach no ne horde
2375[regelnummer]
Ende seide hi ware ghereet
Dur te behoudene sinen eet
Dien hi hadde gheseit ende ghesuoren
Langhe wile daer te voren
Die breken soude den suaren pant
2380[regelnummer]
Hi soude hem op gheuen sijn lant
Ende warder of sijn man algader
Dats hem verstarf van sinen vader
Ende bat den hertoge dat hijt ontfaet
Versuoere hi hem het ware quaet
2385[regelnummer]
Die hertoge seide hi dade gherne
Des hem niet ne stonde tonberne
Ende ontfinc die manscap der of
Cortelike nam hi orlof
¶ Mar eer hi dane sciet
2390[regelnummer]
Vraghede hi hoe die casteel hiet
Men wils hem helen niet
Ende seide dat hi pintadeel hiet
¶ Doe vragheden si omme shertogen name
Dat hine seide waert hem bequame
2395[regelnummer]
¶ Hi seide dat hiere niet omme loghe
Hi hiete galescascin. die hertoge
Alst doch so vort was comen
Dat hi orlof hadde ghenomen
Voer hi wech alse hi eerst mochte
2400[regelnummer]
Metter ioncfrouwen diene ghebrochte
¶ Ende alsi waren verre voren
Vraghede hi hare ende wilde horen
Waer omme dattie .iiij. vochten
Hi was in menegen ghedochten
2405[regelnummer]
¶ Si seide siene wilds hem niet bedieden
Toter wilen dat si scieden
Dan soude hiere of in corten tiden
Weder verdroeuen ofte verbliden
¶ Dus voeren si onder hem drien
2410[regelnummer]
Tote nader noene ende hebben versien
| |
[Folio 17va]
| |
Enen casteel die scone sceen
Si voeren wech al in een
Die sciltknape ende sijn here
Entie ioncfrouwe si voeren sere
2415[regelnummer]
Des si quamen vor dien casteel
Si waren vermoeiet een deel
Van ridene. ende elcs paert
¶ Doe sach die hertoge in waert
Ende sach den casteel open staen
2420[regelnummer]
Het was daer binnen also ghedaen
Alse[t] ware der hellen gront
So suart wast binnen dat daer stont
Ende daer uut quam een stanc
Die hare herte duanc
2425[regelnummer]
¶ Die ioncfrou quam ter porten gheuaren
Si beite entie met hare waren
Die stanc maecte hem tlijf te sure
Ene kerke stont daer biden mure
Daer ene plaetse bi lach
2430[regelnummer]
Daer wast claer alse die dach
Mar het waser binnen also ghedaen
Als offer noit man hadde ghegaen
¶ Doe wijsde si hem ene auenture
Tender kerken binnen enen mure
2435[regelnummer]
Daer ene porte stont an
Ende si seide ware hi sulc man
Dat hi die porte mochte ghewinnen
Ende comen daer binnen
Tenen outare die daer stoet
2440[regelnummer]
So mochte hi wel wesen vroet
Mochte hi die auenture ontstaen
Ende metten liue ontgaen
Ghine durft vort an
Duchten ghenen erdschen man
2445[regelnummer]
No den doloreusen tor
Al quame diere noch int spor
Sijt seker deser vorworden
¶ Die hertoge ende si alle horden
Wenen. ende hande slaen
2450[regelnummer]
Van lieden diere laghen gheuaen
Die casteel entie capelle
Was donkenre binnen dan die helle
Mar also alsic v hebbe gheseit
Was ene grote clareit
2455[regelnummer]
Omme die kerke die daer stoet
Doe wilde die hertoge wesen vroet
Wane die claerheit quam
Diemen omme die capelle vernam
Ent elre so donker was
2460[regelnummer]
Hi ware gherne vroet das
Ende wane quame die grote stanc
Seide siet hem hi wists hare danc
| |
[Folio 17vb]
| |
Hi ware gherne berecht der of
Waer bi dat in dat hof
2465[regelnummer]
Ende in dien casteel ende in die capelle
Donkerre ware dan in die helle
Si seide here ic maecs v vroet
Daer die selue capelle stoet
Was ene ermitage hier te voren
2470[regelnummer]
Des moghedi die wareit horen
Ende alse die goede lieden
Van der warelt scieden
Die hier begrauen sijn
Daer gi siet dat sonne scijn
2475[regelnummer]
Daer omme es daer die claerheit
Dur dat si daer waren gheleit
Sint quamt also voort
Dat dermitage was te stoort
Ende te broken. ende veriaghet
2480[regelnummer]
Een heilich man diere hadde ghedaghet
Die dede dit ghestichte maken
Alse hijt best conste gheraken
Die here van den castele
Was vol van reuele
2485[regelnummer]
Hem ne rochte wat hi dede
None sparde ghene quaethede
Op enen goeden vriedachs nacht
Hadde hi hier ene ioncfrouwe ghebracht
Ende lagher bi in die capelle
2490[regelnummer]
Doe quam die duuel vter helle
Ende proeueder an sine cracht
Hi dodese optien nacht
Ende heuet ghesaket te sinen dele
Wat dat behort te desen castele
2495[regelnummer]
Nune magher nieman comen binnen
Hine blijft doot of moet ontsinnen
Hets meneghen ridder worden te sure
Mochti comen binnen enen mure
Te brekene dese auenture
2500[regelnummer]
Die den menegen es worden te sure
No nemmermeer wert si te broken
Hets vorseit ende vorsproken
Vor die beste ridder coemt
Dien men in die warelt noemt
2505[regelnummer]
Die machse breken ende niement el
Ende inne ben seker niet wel
Of ghijt sijt ofne sijt
Toter wilen ende toter tijt
Dat ghijt here hebt gheproeft
2510[regelnummer]
Jc ben om dese dinc bedroeft
Ende hebbe gheweset des es lanc
Ende ic seg v dat dese stanc
Comet van hem tween
Die hier dus ruket al in een
[1 dubbelblad ontbreekt]
| |
[Folio R18ra]
| |
2515[regelnummer]
Waest openbaer ofte stille
D[ur] her waleweins wille
Die so hadde gherumet tlant
Doe brochte niemare meliant
Dat hi lantslote sach
2520[regelnummer]
Ende waer dat hine liet op enen dach
Ende dat hi waleweine sochte
Alse die te keerne niet ne rochte
Toter wi[l]en enter stonde
Dat hine wiste ende vonde
2525[regelnummer]
Ende quam[e] in sierde vaerde
Ende her ywein metten liebaerde
Die sochtene also ghelike
Ende d[u]rreden menich rike
Hare entare weder ende ghens
2530[regelnummer]
Entie hertoghe van clarens
Die sochte waleweine mede
In menich lant in meneger stede
Dus voeren die heren onder hem drien
Elc sonderlinghe om waleweine spien
2535[regelnummer]
Des brochte niemare meliant
Den coninc arture daer hine vant
Ende [dat] lantslote ware
Niewelics comen niemare
Dattene carados hadde gheuaen
2540[regelnummer]
Die meneghe ondaet hadde gedaen
Ende luttel dogheden was ghewone
Walewein arturs suster sone
Ende gheuoert in siere welt
Ende waer dat menne helt
2545[regelnummer]
Hier omme soeken siene hare entare
O[m t]e vereischene niemare
¶ Alse die coninc dit verhorde
Hi was van meliants worde
Beide droeue ende blide
2550[regelnummer]
Sijn herte was in groten stride
Hi was blide van der niemare
Dat sine sochten hare entare
Die alre beste van sinen houe
E[ntie] van den meesten loue
2555[regelnummer]
Ende h[op]ede dat sine souden vinden
Sint dat sijs hem bewinden
An dander side was hi veruaert
D[at hin]e w[i]ste waerwaert
Dat her walewein was ontweghet
2560[regelnummer]
Alse her meliant hadde gheseghet
D[es was de]s conincs droefheit groot
¶ M[ar] al int hooft her galioot
H[i was] droeuer uele allene
Dan alle die andre ghemene
2565[regelnummer]
Omme lantslote was al sijn vaer
Dat hi was wech hine wiste waer
| |
[Folio 18rb]
| |
Ende omme waleweine mede
Was groot sine serichede
Ende meerre dan men hem sach toghen
2570[regelnummer]
Hem liepen die trane vten oghen
Ende waende warden vten sinne
¶ Die coninc onboot die coninginne
Ende seide hare die niemare
Har herte was in groten vare
2575[regelnummer]
Om waleweine ende om lantslote
Ende om die twee andre ghenote
Die heren waleweine sochten
Ende vinden souden of si mochten
Har herte was in grote horeest
2580[regelnummer]
Ende omme lantslote meest
Dat was die slotel van harre herte
Dur hem hadde si die meeste smerte
Dat hi hadde gherumet thof
Sonder haren orlof
2585[regelnummer]
Si was te barteert ende so ondaen
Dat si niene mochte staen
Ende moeste gaen sitten neder
Si peinsde vort ende weder
Die coninc troestese sere
2590[regelnummer]
Ende bat hare dur die gods ere
Dat si hare seluen vertroost
Walewein wert wel verloost
Hi waende dat alle hare vare
Om waleweine ware
2595[regelnummer]
Die coninc. mar neent niet
Dat si weende ende hare mesliet
Het was om lantslote dien si minde
So dat har dochte dat si ontsinde
Ende sere was tenden rade
2600[regelnummer]
¶ Si ghinc in ene kemenade
Ende bat gode met droeuen worden
So dat die coninc ende menech horden
Ende marien der maghet soete
Dat hi nemmermeer ne moete
2605[regelnummer]
Keren. sulc dien si meende
Si ghinc bet vort ende weende
¶ Ende galioot hi uolghede hare
Hi wiste wel dat hare mesbare
Waren omme lantslote
2610[regelnummer]
Ende hare droefheit grote
Daer si omme was tenden rade
Alse hi quam in die kemenade
Sach hi se ligghen in ommachte
Ende hadde verloren hare crachte
2615[regelnummer]
Hi hiefse op van der stede
Die vrouwe van malohaut waser mede
Si troesten se sere onder hem tween
Elc sonderlinghe al in een
| |
[Folio 18va]
| |
Mar hetne besloot niet
2620[regelnummer]
Har seluen dochte dat si versciet
Van der warelt daer si lach
Dur des wille dat si nietne sach
Lantslote har vercorne lief
Des was si in suare meskief
2625[regelnummer]
Ende omme lantslote in vare
Doe ghinc galioot van hare
Toten coninc. ende si spraken
Weder ende vort van haren saken
Wat dat si doen mochten
2630[regelnummer]
Har ghepeins ende har ghedochten
Die waren harde menechfoude
¶ Doe seide galioot dat hi soude
Varen in scotlant auenturen
Ende nemen dats hem mochte gheburen
2635[regelnummer]
Omme die waleweine sochten
Ende gherne vonden of si mochten
Doe seide die coninc twaren
Dat hi mede soude varen
Ende sine ridders alle
2640[regelnummer]
Ende proeuen hare gheualle
Om die ghene die waren in weghe
God moeste hem gheuen seghe
Met eren te keerne in har lant
¶ Doe seide die bode meliant
2645[regelnummer]
Dat hi wilde varen mede
Si souden comen te somiger stede
Daer die passagen waren so quaet
Ne hadde hi ghenen goeden raet
Daer soude menich laten al
2650[regelnummer]
Dat hiere brochte hine hads gheual
Ende sijns selues lijf te voren
Wildi na minen rade horen
Jc sal v alt beste leden
Te varne eer wi sceden
2655[regelnummer]
¶ Die coninc seide ja wi gherne
Siere hulpen ne staet ons niet tonberne
Ende dede ghebieden achter there
Dat hi hadde goeden ghere
Te porne des morghens vroe
2660[regelnummer]
Ende si hem ghereiden daer toe
Weder ende vort in allen sinne
¶ Die coninc dede vraghen der coninghinne
Of si wilde varen mede
Ende porren des morghens vter stede
2665[regelnummer]
Mar si seide neen si niet
Hem was leet dat siet liet
Des nachts waren si te samene daer
Alse hem die dach verbaerde claer
Was die coninc op ghestaen
2670[regelnummer]
Ende te missen ghegaen
| |
[Folio 18vb]
| |
Ende horde den dienst ent ghetide
Sijn herte was altoos onblide
Om die hem waren ontfaren
Doene was daer gheen langer sparen
2675[regelnummer]
¶ Hi dede sine liede ghereiden
Alse die dane wilde sceiden
Teersten dat si waren ghereet
Dat langhe letten was hem leet
¶ Doe porreden si met haren here
2680[regelnummer]
Die beuanghen was met groten sere
¶ Ende galioot ende sine lieden
Men mocht v lichte niet bedieden
Van den ridders tghetal
Die wilden proeuen har gheual
2685[regelnummer]
Metten coninc arture
Hier latic bliuen dese auent[ure]
Des icker weder come toe
Ende sal v segghen hoe
Lantsloot voer een stic
2690[regelnummer]
Jn dien ghedochte so ben ic
Doe hi van meliante sciet
Ende van den knape dien hi liet
Die lantslote ghemoete
Ende houeslike groete
2695[regelnummer]
Entie den here yweine ghebrochte
Also verre alse hi rochte
Ende seides lantslote niemare
Waerwaert dat hi ware
Ende daer hine best bewaende
2700[regelnummer]
Hier blijft die auenture staende
Nv beghint hier ene tale
Lantsloot voer berch ende dale
Des hi quam beneden int dal
Daer her ywein moeste doghen al
2705[regelnummer]
Tordeel dat hem ouer ghinc
Ende daer hi meneghen slach ontfinc
Ende meneghe steke van speren
Die hem met rechte mochten [deren]
Nochtan vacht hi so sere weder
2710[regelnummer]
Dat hi sulken velde neder
Die nemmermeer rechte no ghinc
Van der steke die hi ontfinc
Her yweins pine die was [groot]
¶ Binnen dien quam her lantsloot
2715[regelnummer]
Vanden berghe te dale
Ende hi kende heren yweine [wale]
Bi den scilde den here ywei[ne]
Ende dat sine anxenen niet was [cleine]
Daer so menich op hem sloe[ch]
2720[regelnummer]
Ende hi mercte den ghenen d[iene verdroech]
Ende dicke den here ywein hadde [ghedaen]
Ne hadde hijs niet willen ve[rstaen]
[4 bladen ontbreken?]
| |
[Folio S19ra]
| |
[E]n[de] seide ic die waerheit
Dat ic keer[de] dur blootheit
2725[regelnummer]
Ofte vlo [van] enegher stede
Si souder houden har sceren mede
Die ghene die ten houe behoren
¶ Doe seide die knape vaert voren
[E]nde nemet dats v mach ghescien
2730[regelnummer]
[G]hine vint mj nemmermeer in dien
[D]at ic v volghe in sulker stede
[D]aer ic verliese lijf ende lede
[M]ar of gi emmer wilt riden
[J]c sal vwes hier onbiden
2735[regelnummer]
[Ga]et v ten besten gi moghet mj hier vinden
Van des gi v wilt bewinden
[J]c sal vwes onbeiden toter stonde
[D]at naken sal den auonde
¶ [D]oe seide die hertoge dats mj ghenoech
2740[regelnummer]
Ende wel mijn gheuoech
Gheualt dat ic niet ne kere
Danct miere nichten alre ere
Die si dur mj heft ghedaen
Mach ic metten liue ontgaen
2745[regelnummer]
Ende mj g[o]d doet verdrach
[J]c sal se spreken als ic eerst mach
[W]at dat hem die knape riet
[H]ine wildes laten niet
[H]ine voer den wech beneden int dal
2750[regelnummer]
¶ Deen den andren gode beual
Daer si onder hem beiden scieden
Dit wil ic laten ende bedieden
Die costume van den dale
Hier blift van den hertoge die tale
2755[regelnummer]
Nv wil ic v bedieden
Waer omme si den hertoge ontrieden
Beide sijn knape entie weerd
[T]e doene dat hi hadde begheert
Dat dal was van sulker zede
2760[regelnummer]
Die peinsde ontrouwichede
Ten sinen lieue ofte dochte
Dat hi keren niet ne mochte
Vten dale metten liue
Dit was al bi enen wiue
2765[regelnummer]
Diemen morgaine noemt
Bi haren sculden wast dat coemt
Dat die meneghe suaren arbeit
[Vant als]ic v hebbe gheseit
¶ [D]ie coninc artur was har broeder
2770[regelnummer]
[E]nde was van touerien vroeder
Vele meer allene dan alle die wijf
Die onder gode hadden lijf
Si hate tgheselscap van lieden
[E]nde wilde wel dat si van hare scieden
| |
[Folio 19rb]
| |
2775[regelnummer]
Har[e man]ier was in dat dal
Ende wilde bi nachte wandren al
¶ Sulke hietense morgaine delvinne
Ende sulke seiden dat si ware godinne
¶ Dese morgaine minde
2780[regelnummer]
Dat har dochte dat si ontsinde
Ende uele meer dan hi hare
Des so wart si wel gheware
Die scoenre was verre te voren
Daer bi hadde hi se vercoren
2785[regelnummer]
Mar dat hi morgainen ontsach
Hine ware op ghenen dach
Comen daer hi se hadde ghesien
Mar hi ontsach hem van dien
Dat si touerie ende quaet
2790[regelnummer]
Vele wiste ende baraet
Dit was dat hi vruchte al
Tenen stonden quam hi int dal
Met sinen lieue bi liste
Daer hijt alre scoonst wiste
2795[regelnummer]
¶ Dit dede morgaine bespien
Dur dat si wiste ende hadde versien
Dur des wille dat sies was onvro
Betouerde si dat dal also
Dat gheen ridder ne mochte ontgaen
2800[regelnummer]
Die hadde ghepeinst ofte gedaen
Also uele alse van enen worde
Dat te ontrouwicheden behorde
Ter ghere wart die sijns begherde
Dit was datten dale derde
2805[regelnummer]
Hi moester bliuen diet ware ghesciet
Die dede ofte peinsde iet
Ander sake dan hi soude
Te hare wart diene hebben woude
Dus helt si har lief gheuaen
2810[regelnummer]
¶ Ende hadde die ioncfrouwe ghedaen
Die metten ridder daer was comen
Also alsict v wel mach nomen
Dat was in enen kerker cout
Daer si doghede groot onghedout
2815[regelnummer]
Ende des ic v mach maken wijs
Beneden den gordele dochtet hare ijs
Enter bouen ene gloet
Dit dochte der ioncfrouwen daer si stoet
Ende claghede dicke har ongheual
2820[regelnummer]
¶ Morgaine was metten ridder int dal
Ende wat ridder diere quam binnen
Die onghetrouwe was van minnen
Hi moeste mede bliuen daer
Dit was ghehert .xvij. iaer
2825[regelnummer]
Dattet niet was te broken
¶ Die touerie was also besproken
| |
[Folio 19va]
| |
Teerste datter quame inne
Ridder die noit ne droech minne
Daer hi ontrouwichede an sochte
2830[regelnummer]
Dat hi se al verlossen mochte
¶ Si waende wel ouerwaer
Die de touerie maecte daer
Dat ridder ne ware onder den trone
Sonder valsch ende sonder hone
2835[regelnummer]
Hier bi liep die niemare
Achter lande hare entare
Beide vor heren ende vor vrouwen
Dattet dal ware van rouwen
Jc seg v dat omme dat dal
2840[regelnummer]
Stonden berghe ouer al
Die hoghe waren ende stuer
Ende ommet dal ghinc ene muer
Die van der lucht was ghemaect
Wiere binnen quam gheraect
2845[regelnummer]
Hine mochte keren nemmermeer
Des was den meneghen therte seer
Dus waerre gheuanghen wale
.cc. bi ghetale
Die niet ne mochten ontgaen
2850[regelnummer]
Die hadden ghepeinst ofte ghedaen
Onghetrouwicheit te sienen lieue
Hi bleef gheuaen ghelijc den dieue
Mar so uele waser an
Daer ne was binnen gheen man
2855[regelnummer]
Hine hadde ghenoech des hi begherde
Ende dat hi daghelics verterde
Bider ioncfrouwen behendichede
Diet hem allen gheuen dede
Ende berechte groot ende smal
2860[regelnummer]
Daer spranc ene fonteine int dal
Si hadden spel ende groten duut
Mar daer ne mochte nieman uut
Sulc waser binnen dient ghenoechde
Ent gheselscap wel voeghede
2865[regelnummer]
Ende sulc hads den rouwe so groot
Dat hiere omme coos die doot
Dat hi daer was comen
Dit hadde den meneghen tlijf benomen
Want en was man so vroet ne gheen
2870[regelnummer]
Van al diere quamen nemmer een
Die mochte buter mure gheraken
Bi enegherhande saken
Die man conste ofte wiste
Die muer was ghelijc den miste
2875[regelnummer]
Hine was van houte no van stene
Mar van touerien al ghemene
Des hare die duuel gaf die macht
Dien si diende dach ende nacht
| |
[Folio 19vb]
| |
¶ Nv ist tijt dat ic beghinne
2880[regelnummer]
Te telne hoe hi quam daer inne
Die hertoge die daer was comen
Te ghenietene scade ende vromen
Doe die hertoge was in dien
Dat hi emmer wilde weten ende sien
2885[regelnummer]
Die auenture van den dale
Sciede hi met scoonre tale
Van den ghenen die met hem quam
Dies sere was int herte gram
Dat hi wrochte buten sinen rade
2890[regelnummer]
Ende seide dat hi der groter scade
Niene dorste ghenieten no met hem varen
God selue moetene bewaren
¶ Doe scieden si onder hem tween
Die hertoge voer al in een
2895[regelnummer]
Met pinen nederwart dat dal
Die berch was steil ouer al
Die wech wart hem sere te sure
Teersten quam hi tenen mure
Die was ghemaect alse van miste
2900[regelnummer]
Bi touerien alsi wiste
Die ghene diene makede
Alse hi der muren ghenakede
Hi seghende hem ende voer in
Ende hadde gode in sinen sin
2905[regelnummer]
Het was so donker daer binnen
Hine mochte cume den wech bekinnen
Ende alse hi die mure was leden
Ende hi se al dure hadde ghereden
Doe vant hi ene claerhede
2910[regelnummer]
Ende vant huse tere stede
Harde scone een groot ghetal
Vor hem staen in dat dal
Teerste dat hiere quam bet naer
Sach hi staen ghebonden daer
2915[regelnummer]
Twe grote draken ende ongehier
Dien vter kele scoot dat vier
Soude hi die rechte strate riden
Hi moeste tusschen hem beiden liden
Nochtan ne wilde hi keren niet
2920[regelnummer]
Dur noot diere hem of ghesciet
Ende voer wech al in een
Ende alse hi quam tusschen hem tween
Si scoten op hem ende daden ontmalien
Den halsberch dat hi moeste faelien
2925[regelnummer]
Met haren clawen die waren starc
Hets sulc hine wilde om .M. marc
Hebben gheweset tusschen hem tween
Daert so onghehiere sceen
Die hertoghe sloech slaghe groot
2930[regelnummer]
Alse die ghene die niet was bloot
| |
[Folio T20ra]
| |
Nochtan seg ic dat hi ontfinc
Pine groot eer hi ontghinc
Van den beesten onghehier
Si hadden op hem ghes[coten vier]
2935[regelnummer]
[Al weerde] hi [hem met] sinen scilde
[Hem] do[chte] dat hi bernen wilde
[Hi lessche]dene ende voer bet vor[t]
Ende sp[ra]c h[a]rde [m]ene[ch] wort
Dat hem god gaue goede auenture
2940[regelnummer]
Binnen dien quam hi [t]ere dure
[T]ot ere porten daer hi [d]or leet
¶ Doe sach hi een water diep ende breet
Daer ouer ghinc ene planke allene
Die harde smal was ende clene
2945[regelnummer]
Die moeste hi liden of weder keren
Doene wilde hi van onneren
Niet weder keren achterwaert
Om dat menne soude heten veruaert
Alsement wiste tes conincs houe
2950[regelnummer]
Ende warpene vten loue
¶ Dus ghinc hi vort daer hi sach
Optie brugghe die vor hem lach
So dat hi se met pinen leet
¶ Doe stonden .iij. ridders wel ghereet
2955[regelnummer]
Beide met swerden ende met speren
Die de brugghe wilden verweren
Alse hi op tende quam ghegaen
Ghinghen si op hem steken ende slaen
So dat sine beduelleden
2960[regelnummer]
Ende in dat water velleden
So dat hem dochte dat hi verdranc
Dat dochte hem eer iet lanc
Dat menne met haken trecte uut
Dat si hem ghinghen dur die huut
2965[regelnummer]
Hem dochte der knapen .i. groot deel
Diene droeghen in .i. proieel
Daer doghede hi noch meerre noot
¶ Hi vander enen ridder groot
Ende hiet dat hi hem op gaue
2970[regelnummer]
Hine wildes doen om ghene haue
Nochtan hadde hi int water ghewesen
Hine wanets nemmermeer ghenesen
Ende was moede ende cranc
Die ridder scoot op hem diene duanc
2975[regelnummer]
Ende diene sloech ende stac
Hi dede hem menich onghemac
Hi wilde hem tlijf hebben gherooft
Den helm dien hi hadde opt hooft
Trac hi hem of ende maectene bloot
2980[regelnummer]
Hi seide gheuet v op of gi sijt doot
En leuede noit man met siere cracht
Die seerre dan die hertoge vacht
| |
[Folio 20rb]
| |
Omme den duuel tontgane
Hi was der doot sere in wane
2985[regelnummer]
So was hi vermoiet te voren
[Hi waende hebben tlijf verloren]
Nochtan ne wilde hi hem [niet op gheuen]
Ende es in ommacht [vor hem bleuen]
¶ Doe quamen knapen .i. deel
2990[regelnummer]
Ende droeghene in .i. ander proieel
Daer hi uele ridders vant
Ende vermaledieden tlant
Ende bi wien dat was ghemaket
Datter so menich was ontraket
2995[regelnummer]
Doe die hertoge was becomen
Van der pinen die hi hadde genomen
Ende hi van der ommacht bequam
Daer die meneghe omme was gram
Dat hi so sere was tonghemake
3000[regelnummer]
Ende seiden here dese sake
Es v sere worden te sure
Dat gi quamet binnen der mure
Elc troestene alse hi best mochte
Ende vragheden hem wat hi daer sochte
3005[regelnummer]
Ende wane hi quame ende wie hi ware
Ende hi seide hem die niemare
Dat hi te arturs houe behorde
Hine loochs hem niet van enen worde
Dat hi waleweine sochte
3010[regelnummer]
Ende gherne vonde of hi mochte
Hi was gheuaen hine wiste waer
¶ Doe spronghen op .iij. ridders daer
Die te arturs houe hadden behort
Ende quamen toten hertoge vort
3015[regelnummer]
Ende hietene willecome wesen
Mar droeue waren si van desen
Dat hi daer was gheraect
Daer hi so sere was mesmaect
Si telden den hertoge ende maecten hem vroet
3020[regelnummer]
Dattet dal bi touerien stoet
Ende die onghetrouwe ware in minnen
Quame hi ten dale binnen
Hine mochte niet weder keren
Daer omme waren daer die heren
3025[regelnummer]
Ende niet ne mochten ontgaen bi listen
¶ Alsi shertogen name wisten
Vragheden si hem om niemare
Ende hoet met arturs houe ware
¶ Hi seide dat si waren droeue
3030[regelnummer]
Al hadden si anders hare behoeue
Ende dogheden menich leet
Om waleweine die was onghereet
Ende dattene lantsloot sochte
Diere gherne an quame of hi mochte
| |
[Folio 20va]
| |
3035[regelnummer]
Ende her ywein mede
Dus quam hi daer ter stede
Op auenture offer walewein ware
Ende om te ver[h]or[ne] niemare
¶ Alse die heren dit hadden verhort
3040[regelnummer]
Spraken si weder ende vort
Sulc van bliscepe sulc van sere
¶ Nv latic bliuen van desen here
Ende van diere sijn gheuaen
Ende wil an lantslote gaen
3045[regelnummer]
Hoe lantsloot verloste alle die morgaen
Met harre touerie hadde gheuaen
Hier beghint ene [a]uen[tu]re
Doe lantslote was worden te sure
Die duuelie die hi brac
3050[regelnummer]
Ende hadde ghedoghet suaer onghemac
In die kerke. alse gi hebt gehort
Voer hi siere straten rechte vort
Entie ioncfrou ende her ywein
Ende reden berch ende plein
3055[regelnummer]
Alst vor hem ghescepen stoet
¶ Doe quam die ghene in har ghemoet
Daer die hertoge gheherberget was
Ende maecte hem vroet das
Wat passagen si souden vinden
3060[regelnummer]
Gheuiele dat sijs hem wilden bewinden
¶ Ende si vragheden hem om niemare
Of daer enich ridder leden ware
¶ Ende hi seide iaet een
Des nes niet lanc. die goet man sceen
3065[regelnummer]
Bi al dat hi ghemerken mach
Ende dat hi te miere herbergen lach
Smarghens voer hi ten dale waert
Jc bat hem dat hijt hadde ghespaert
Mar hine wilds laten niet
3070[regelnummer]
Wat dat ic hem bat ende riet
Met desen lieten si die wort
Lantsloot hi voer bet vort
Des si ter capellen quamen
Daer si den sciltknape vernamen
3075[regelnummer]
Die metten hertoge was comen
Alse deen den andren heft vernomen
Ondergroeten si hem ende spraken
Weder ende vort van haren saken
¶ Die knape seide hem lieden niemare
3080[regelnummer]
Dat die hertoge al daer ware
Ende dat hi sijns onbeide daer
Nochtan wiste hi wel ouerwaer
Dat hi nemmermeer ne quame
Daer hine meer vername
3085[regelnummer]
Des hadde hi rouwe groot
¶ Doe sprac her lantsloot
| |
[Folio 20vb]
| |
Dat hi soude varen int dal
Entie met hem waren al
Omme den hertoge spien
3090[regelnummer]
Of hiere iet of mochte versien
¶ Met desen lieten si hare tale
Ende voeren onder hem drien ten dale
Des si quamen teren mure
Te ghenietene der auenture
3095[regelnummer]
¶ Doe ghinc die ioncfrou tellen
Ende maecte vroet haren ghesellen
Van der vreisen diere an lach
Die sonne sceen scone entie dach
¶ Die ioncfrou seide dat si woude
3100[regelnummer]
Dat her ywein proeuen soude
Die eerste auenture voren
¶ Hine wilds hare niet verhoren
Wat dat si gheboot
Dat menne mochte houden ouer bloot
3105[regelnummer]
Ende lantsloot ne wilde ooc niet
Weder segghen dat si riet
Si seide si soude sciere keren
Of god wil behouden harre eren
Ende maken lantslote vroet
3110[regelnummer]
Hoet daer binnen ghescepen stoet
¶ Lantsloot hi hadde toren
Dat her ywein voer voren
Mar die ioncfrou diet bewerde
Ende hi dedes dat sies begherde
3115[regelnummer]
Ende liet her yweine voren varen
Die ioncfrou volghede hem sonder sparen
Des si quamen binnen der mure
Aldie selue auenture
Die den hertoge ouer ghinc
3120[regelnummer]
Ende quam daer menne vinc
So gheuiel den here yweine daer
Die den hertoge volghede naer
Hi doghede menegherande smerte
Die hem sere ghinc int herte
3125[regelnummer]
Eer hi hem vanghen liet
Nochtan ne mochte hi ontgaen niet
Des hadde menich ridder rouwe
¶ Doe keerde weder die ioncfrouwe
Har ne was ontseit niet
3130[regelnummer]
Daer si lantslote liet
¶ Ende seide here hets so vergaen
Dat her ywein es gheuaen
Nv siet here wats v raet
Of gi desen wech bestaet
3135[regelnummer]
V ne mach gehelpen cracht ne ghene
Ne ware ene sake allene
Jst dat gi in vwen sinne
Noit ne peinset domme minne
[7 bladen ontbreken]
| |
[Folio U+V/V21ra]
| |
[.......]n hem op den coninc
3140[regelnummer]
[.......d]elike ontfinc
[........]eit met minnen
[........ hem] die slotele van daer binnen
[........l]en hem dien casteel
[........]t was al ghehe[el]
3145[regelnummer]
[........] hem daer bu[t]en
[........]at [n]ie[man] m[ochte] sluten
[........ daer] b[liscap me]nichfoude
[........]ghe ende onder [o]ude
[........] luttel [d]es ghen[oot]
3150[regelnummer]
[........] h[er] lantsloot
[........ he............]
[............... om]
[............ ware qua]et vergouden
[...............]den
3155[regelnummer]
[............. sei]de
[.............] arbeide
[.............]oghet
[.............]e ghepoghet
[.............] swert
[135 verzen ontbreken]
| |
[Folio V+U/V21vb]
| |
3160[regelnummer]
Die [........] arture
Ende beual har optie vre
Den coninc te bringhene te voren
Sulke tale alse gi moghet horen
Die ioncfrou ne lette niet
3165[regelnummer]
Te doene dat morgane hie[t]
Ende voer wech metter vre
Dat si vonden hadde arture
Tote binnen in dien zale
Ende sprac hare tale
3170[regelnummer]
Daer si vor den coninc stoet
Ende seide here dor v omoet
[I]c ben bode ende bringhe niemare
[.]oet alle die ghene comen hare
[.]ie tuwen houe behoren
3175[regelnummer]
[.]i moeten hier alle wesen voren
[.]er ic mine bodscap spreke
[.]ie coninc dede haesteleke
[.]ine liede te ga[........]
[.]oe was daer [........]
3180[regelnummer]
[.]or den coninc [........]
[.]ie ioncfrou [s........]
[30 verzen ontbreken]
| |
[Folio T22ra]
| |
Dat hi niet ne mach ghenesen
[E]nde heft [te] biechte ghewesen
Ende ic seg v als ende als
3185[regelnummer]
Nemmermeer coemt scilt an sinen hals
Nochte spere in sine hant
Ende hi heft mj hier ghesant
V te biddene oflaet
Van siere groter mesdaet
3190[regelnummer]
Het is hem in penitencien ghegheuen
Hine waent ghiene wile leuen
Dat hi soude maken mare
Hoet met hem enter coninginnen ware
Doe wilde die coninginne op staen
3195[regelnummer]
¶ Entie ioncfrou sprac si moeste sitten gaen
Of inne spreke hier nietmeer
Ende doe minen keer
Doe dedese die coninc sitten neder
Entie ioncfrou sprac weder
3200[regelnummer]
Here coninc dur den loon van gode
Onbiet lantslote. ende ic bens bode
Dat gi hem vergheuet die misdaet al
Beide groot ende smal
Die hem es gheuallen met vwen wiue
3205[regelnummer]
Dicke wile binnen sinen liue
Hem berouwet dat hem gheuel
Ende kent hem mesdadich wel
Ende sent hier dit vingherlijn
Dat hi brochte an den vingher sijn
3210[regelnummer]
Ende dat hem gaf die coninginne
Tenen stonden op minne
Dattet liteikijn sal wesen
Ghi moghet ghelouen wel van desen
¶ Daer ne was nieman in den zale
3215[regelnummer]
Doe si horden dese tale
Hem ne ghinc .i. swert ouer therte
Dat hem dede meerre smerte
Dant noch nie hadde ghedaen
Alsi die tale hadden verstaen
3220[regelnummer]
Si waenden werden vten sinne
¶ Ende noch was droeuer die coninginne
Doe hare dat comen was te voren
Ende sprac alse gi moghet horen
So wie so wil houds mj ouer quaet
3225[regelnummer]
Jc gheloue dat dit baraet
Vte her lantsloots monde
Nietne quam te gheenre stonde
Aldus gedane dorperheit
Alse dese ioncfrou heft gheseit
3230[regelnummer]
Inne wilre niet lieghen an
Jc minne hem bouen alle man
Behaluen den coninc minen here
Dur die doghet ende dur die ere
| |
[Folio 22rb]
| |
Die hi mj dicke heft ghedaen
3235[regelnummer]
Ende so wel te staden staen
Te miere bederue te miere noot
Ende lossede hi mj van der doot
Hier te voren met siere doghet
Ende was mijn leidsman ende mijn voghet
3240[regelnummer]
Hi sloech .ij. gigante doot
Daer hi mi lossede vter noot
Her coninc doe gi al hadt verloren
Jegen galiote hier te voren
Hi behelt v goet ende v ere
3245[regelnummer]
Des gi waert onder des maecte hi v here
Hi was die hem seluen niet en spaerde
Hi wan die doloruse gaerde
Daer hi v here makede of
Hine leuet niet die sinen lof
3250[regelnummer]
Mochte vertellen no volprisen
Hi was van so goeder wisen
En es vrouwe in deser warelt binnen
Sine mochtene wel met rechte minnen
Jc wane wel hadde hijs an mj versocht
3255[regelnummer]
Hi mochter ode toe hebben ghebrocht
Dat ic sinen wille soude hebben ghedaen
Mar hi sout node hebben bestaen
Jc gaf hem dit vingherlijn
Jc kenne wel dattet was sijn
3260[regelnummer]
Jnne weet waert dese ioncfrou nam
No wiet har gaf no waent her quam
Ende al had ic hem ghegheuen meer
Hi hads verdient achter ende eer
Dicken ende menichfout
3265[regelnummer]
Met goeden rechte ben ic hem hout
Doe antworde die coninc
Vrouwe seit hi van deser dinc
So sceldic v quite wel
Ende van al dat v ie gheuel
3270[regelnummer]
Jc hout algader ouer spot
Also moete mj beraden god
Dat gi sake sout hebben gedaen
Alsemen mj hier doet verstaen
Jc hout algader ouer spel
3275[regelnummer]
Ende bi miere wit ic wilde wel
Noch seg ic dat mj niet berouwet
Dat v lantsloot hadde ghetrouwet
Ende here ware van minen lande
Jc salt segghen al ist scande
3280[regelnummer]
Ende ic moeste sijn gheselle sijn
Des ic name minen fijn
Bi al dat ie lijf ontfinc
Dit sprac artur die coninc
Alse dit die ioncfrou horde
3285[regelnummer]
Scametse hare deser worde
| |
[Folio 22va]
| |
Die daer die niemare hadde brocht
[Ende] was te keerne bedocht
¶ Daer waren ridders .i. groot ghetal
Die hem des vermaten al
3290[regelnummer]
Ne ware des conincs gheleide
Si soude met lastre dane sceiden
¶ Ende si ontsach hare dier dinc
Ende sprac here her coninc
Nv doet wel ende doet mj gheleiden
3295[regelnummer]
Vwen orlof ic wil hene sceiden
Jc ben van vwen lieden in vare
¶ Doe sende hi den here yweine met hare
Die op sat ende met har voer
¶ Ende galioot in diren eden suoer
3300[regelnummer]
Dat hine laghe nemmermee
Bouen ere nacht ofte twee
Vor hi horde rechte niemare
Waer lantsloot gheuaren ware
Die coninc sprac god gheues v spoet
3305[regelnummer]
Jc weets v danc dat ghijt doet
Ende des gi sijt worden te rade
¶ Galioot ghinc in die kemenade
Nemen orlof an die vrouwe
Ende vant se in sulken rouwe
3310[regelnummer]
Dat nieman ne sach des ghelike
¶ Ende hi seide god van hemelrike
Vrouwe die moete v bewaren
Jc sal lantslote soeken varen
Toter wilen enter stonden
3315[regelnummer]
Dat icker niemare of hebbe vonden
Ende ic des sal wesen vroet
Weder hi leuet of ne doet
¶ Doe seide die vrouwe ic weet dat wel
Dat lantslote niene gheuel
3320[regelnummer]
Hadde hi gheweset in sinen sin
Dese niemare tonbiedene hier in
Hi es doot of vten sinne
Lantsloot. dien ic so sere minne
Dat mj doden sal die rouwe
3325[regelnummer]
Galioot troeste die vrouwe
Die hi sach in groten vare
Ende nam orlof an hare
Vriendelike hi dane sciet
Die hi harde droeue liet
3330[regelnummer]
Meer dan si toghede .i. groot deel
Hi nam met hem lyoneel
Alse die porren wilde scire
Ende sciltknapen vire
Dat was harde wel har doen
3335[regelnummer]
Si voerden met hem .i. paulioen
Ende namen orlof an den coninc
Doe porde hi met deser dinc
| |
[Folio 22vb]
| |
Ende voer tote buten der stede
¶ Ende walewein hi uolghede mede
3340[regelnummer]
Om lantslote te soeken also
Si waren [siere coemste] vro
Om dat hi goet was ende ghetrouwe
Doe achterhaelden si die ioncfrouwe
Ende met hare den here yweine
3345[regelnummer]
¶ Dus voeren si wech al ghemeine
Ende daden der ioncfrouwen verstaen
Dat si hem niet ne soude ontgaen
Sine souden hare volghen toter stonden
Dat si lantslote vonden
3350[regelnummer]
No met crachte no met listen
Vor si niemare van hem wisten
Ende si seide ter goeder wile
Ende voeren inne weet hoe menege mile
Al cortende hare stonde
3355[regelnummer]
Des het quam ten auonde
Doe vonden si ene veste
Ende dochte hem dat beste
Daer te bliuene dien nacht
Ende voeren in also bedacht
3360[regelnummer]
Die ioncfrou waser nichte te houe
Ende waren ontfaen met groten loue
Nochtan ne was die weert niet daer
Die mane sceen scone ende claer
¶ Entie ioncfrou si voer uut
3365[regelnummer]
Verholenlike sonder gheluut
Bider hulpen vander werdinnen
Die vrouwe was daer binnen
¶ Die ioncfrou voer al stillekine
Die nacht al dure al hadse pine
3370[regelnummer]
Des si te harre vrouwen quam
Ende seide hare wat si vernam
Daer si se sende. ende was geuaren
Toten coninc ende diere waren
Si hildent al ouer onwaer
3375[regelnummer]
Die bodscap die si brochte daer
Ende seiden also helpe hem god
Het ware loghene ende spot
Die coninc verliets der vrouwen wel
Hine was har wreet no fel
3380[regelnummer]
Droeuer was si. entie ghenote
Alle omme her lantslote
Dan ic v wel vertellen mochte
Al leidicker an mijn gedochte
Mar die bodscap hilden si ouer onwaer
3385[regelnummer]
Hier latic die tale staen van daer
Ende sal v tellen van die si liet
Ende daer die ioncfrou of sciet
Hier beghint ene sprake
Die heren waren tonghemake
| |
[Folio S23ra]
| |
3390[regelnummer]
Des morghens alsi hadden verloren
Die ioncfrouwe groot was har toren
Ende sise niet vonden der binnen
¶ Lyoneel hadde der werdinnen
Groten laster beraden
3395[regelnummer]
Ende seide het was bi haren daden
Dat hem die [ioncfr]ou was ontgaen
Ne haddemen hare niet te staden ghestaen
Lyoneel hadse ghedoot
¶ Mar het bewerde al galioot
3400[regelnummer]
Ende andre heren die daer waren
Die haren laster wilden sparen
¶ Die ridders waren alle onvro
Ende spraken hare saken so
Dat si hem deelden onder hem viren
3405[regelnummer]
Ende nemmermeer ne wilden finiren
Toter wilen ende toter stonden
Dat si lantslote vonden
Of horden niemare
Jn wat steden dat hi ware
3410[regelnummer]
¶ Si waren droeue vtermate
Ende elc vercoos ene strate
Darwart dat si wilden riden
Met hem l[i]den was gheen biden
Si voeren soeken hare auenture
3415[regelnummer]
¶ Hier latic bliuen op dese vre
Die tale van den drien heren
Ende sal [op gal]iote keren
Hier beghint van galiote
Die voer soeken lantslote
3420[regelnummer]
Nv [hort h]ier .i. beghin
D[aer hi was] comen in
Alset so vort was comen
Dat galioot orlof hadde nomen
Voer hi wech toter stonde
3425[regelnummer]
Dattet nakede [ten] auonde
Ende hi sach [menech wilt d]ier
Int wout daer [woende] .i. forestier
Daer hi binne[n was] gheraket
Met haeste hi hem d[a]rwaert maket
3430[regelnummer]
Daer an lach sine bederue
Hi hadder goede herberghe
Dien nacht [entie] auonstonde
Van al dat hi visieren conde
Ende eischede ende beghert
3435[regelnummer]
Dede hem he[bben] sij[n] wert
Alse die pijnde [om] sinen danc
Des morghens als die dach ontspranc
Nam hi orlof ende voer van daer
Die sonne sceen scone ende claer
3440[regelnummer]
Ende hi voer so langhe optien dach
Dat hi enen casteel sach
| |
[Folio 23rb]
| |
Die scone was vtermaten
Alse hi den casteel hadde ghelaten
Voer hi bet vort bi enen foreeste
3445[regelnummer]
Daer hi horde dat alre meeste
Spel. ende sach
Dan hi noit hadde op enen dach
Dat spel entie tale
Sach hi houden vor enen zale
3450[regelnummer]
¶ Daer sach hi ende nam goom
Enen dans om enen boom
An dien boom .i. scilt hinc
Daer die dans omme ghinc
Ende alle die daer dansten ende wilde
3455[regelnummer]
Si neghen allegader den scilde
Ghelijc oft ware .i. heilichdoom
¶ Des nam her galioot goom
Ende mercte an den scilt wel
Dat die was ende gheen el
3460[regelnummer]
Dien hi lantslote draghen sach
Daer te voren optien dach
Dat hi waleweine soeken voer
¶ Ende galioot seide ende suoer
Hi soude den scilt vor hem draghen
3465[regelnummer]
Ende voer daer si alle toe saghen
Emde nam den scilt van den boom
Hine achte niet wies nam goom
Daer waren ridders .i. groot ghetal
Ten spele ende volgheden achter al
3470[regelnummer]
Die alle den scilt begherden
Ende hadden grote onwerde
dat hine wech soude draghen
¶ Ende begonsten hem vraghen
Waer hiere mede wilde
3475[regelnummer]
Met harre lieden scilde
¶ Hi seide hi soudene dane draghen
Des begonste hem wanhaghen
Den ghenen die hem uolgheden achter
Ende wilden hem beraden lachter
3480[regelnummer]
Ende sloeghen op hem met groten ghere
¶ Ende hi keerde hem ter were
Nochtan stont hem onsiene
An danderside waren ridders tiene
Diene bestonden optie tijt
3485[regelnummer]
Daer verrees .i. groot strijt
Die ridders waren te hem wart fel
Ende soeme waren si ghewapint wel
Soeme waren si te voet
Ende soeme waren si op orse goet
3490[regelnummer]
Ende ghingen galiote so naer
Dat sijn sciltknape hadde vaer
Ende ghingen hem so achter uolghen
¶ Mar doe galioot wart verbolghen
| |
[Folio 23va]
| |
Ende hi sach dattet ten erchsten ghinc
3495[regelnummer]
Doe sloech hi weder in den rinc
Ende gaf hem sulke slaghen
Dat si bi drien optie erde laghen
Ende werde hem met groten gere
¶ Doe quam .i. met enen spere
3500[regelnummer]
Ende stac galiote van achter
Des so mochte hi hebben lachter
Jn die scoudre ene wonde
Dat hem crankede sine ghesonde
Doe alre eerst balch hi hem na rechte
3505[regelnummer]
Ende vercoende in dien gheuechte
Ne hadde die here selue ghewesen
Die daer ghereden quam met desen
Die here was van dien lande
Si waren van galioots brande
3510[regelnummer]
Alle bleuen gheslegen doot
Mar dat die here genaden boot
Ende bat ouer sine lieden
Hier bi quamt dat si scieden
Die here nam vrede an beider side
3515[regelnummer]
Ende beuelde ghene stride
Om te houdene hare ghesonde
¶ Doe sach hi galioots wonde
Ende begondene sere claghen
¶ Ende galioot begonde hem vraghen
3520[regelnummer]
Alse die ghene die weten wilde
Waer omme si neghen den scilde
Die daer dansten te voren
Ende seide hi wilds niemare horen
Doe antworde die werd
3525[regelnummer]
Jc salt v segghen sint ghijs beghert
Om dat hi des lieues ridders was
Daer noit moeder of ghenas
Entie grote duusterheit
Daer men uele of heft gheseit
3530[regelnummer]
Ende achter lande telde
Van hier binnen uelde
Dat noit man doen ne mochte
Nv seide hi ons die den scilt brochte
Dat hi es bleuen doot
3535[regelnummer]
Bi miere wit dats scade groot
Hine hadde gheleuet ewelike
Ende ware coninc van enen rike
Nochtan mach hi noch leuen wel
Jnne horet niemen segghen el
3540[regelnummer]
Dan die hier brochte den scilt
Nv ghelouets of gi wilt
Galioot hi droeuede sere
Ende nam orlof anden here
Die daer comen was te voren
3545[regelnummer]
Si hadden some meer verloren
| |
[Folio 23vb]
| |
An galiote dan ghewonnen
Daer die strijt hadde begonnen
¶ Daer was .i. ridder so ghewont
Dat hi daer na gheson[t]
3550[regelnummer]
Ne mochte warden nem[mermeer]
Nochtan bat harre lie[den heer]
Galiote dat hi bleue
Des hi hem aersatre g[h]eu[e]
Ende ghenese sine wond[e]
3555[regelnummer]
Ende wesen met hem [so langhe stonde]
Hine wilde nemmer[meer ........]
Also langhe alsi beide [........]
Dur die manheit die [........]
¶ Galioot ne wilder nie[t ........]
3560[regelnummer]
Hi nam orlof ende voe[r van daer]
Den menegen bleef [therte suaer]
Die daer bleuen ghe[wont]
Ende nemmermeer wor[den ghesont]
¶ Dus voer galioot ter [stonde]
3565[regelnummer]
Dat nakede den auon[de]
Doe quam hi in enen [foreeste]
Daer hi sach meneghe [beeste]
Ende .i. huus van relig[ioene]
Doe voer die ridder [coene]
3570[regelnummer]
Daerwart ende was [bedacht]
Daer te bliuene die[n nacht]
Hi vanter enen goe[den here]
¶ Diene ontfinc met [groter eren]
Ende nam ware te sie[re wonde]
3575[regelnummer]
Ende hietene bliuen [toter stonde]
Dat hi wel ware [ghenesen]
Nv latic die tale va[n desen]
Ende sal v tellen van [walew]eine
Die reet berch ende pl[eine]
3580[regelnummer]
Met goeden wille met goeden gedochte
Alse die lantslote [sochte]
Nv hort wat men van waleweine tellen sal
Die lantslote voer soeken ouer al
Hier beghint [ene tale]
3585[regelnummer]
Dat walewein [voer berch] ende dale
Drie daghe [hadde hi] ghereden
Ende nerghen[t ne hadde hi onb]eden
Sonder daer hi n[a auenture sach]
Ende quam op enen [saterdach]
3590[regelnummer]
Ghereden na noe[ne]
Die starke ridder [ende coene]
Op ene cauciede [........]
Waren die maras [........]
Daer sach hi wa[........]
3595[regelnummer]
Al ghewapint [........]
Jn die middel [........]
¶ Nv moghedi hor[en ........]
Doe walewein bet quam ghehende
[2 katernen + 1 blad ontbreken]
| |
[Folio W24ra]
| |
Ende ghinc nemen ende g[heuen]
3600[regelnummer]
Den ridder mochte ther[te beuen]
Meneghen slach tusschen [hem tween]
¶ Eer dat lantsloot ghef[een]
Velde hi den ridder met s[uaeren slaghen]
Diese niet langher ne [mochte verdraghen]
3605[regelnummer]
Ende knielde [hem] opten [voet]
¶ Doe seide die ridder hets [mi goet]
Nv sijts seker wel van d[esen]
Wildi mj ghenadich wese[n]
Jc sal v wesen onderdaen
3610[regelnummer]
Ende vort an te dienste sta[en]
Also langhe alsic sal leue[n]
Ghetrouwelike sonder beg[heuen]
Beide met liue ende met goe[de]
Also uerre als ict gheuroe[de]
3615[regelnummer]
Ghi moghet mj doden ic k[ennet wel]
Mi berouwet dat mj ghe[uel]
Die kenlike domhede
Dat ic ieghen v mesdede
Hier omme niet sprac [lantsloot]
3620[regelnummer]
Ghi moet hier emme[r bliuen doot]
Ghine wilt riden opt[ie kerre]
Daer gi mj mede maket e[rre]
Dat kenlijc wort al den land[e]
Ende gheuet v ridderscap te [pande]
3625[regelnummer]
Dat gi sult doen dat ic v he[te]
Ende nemmermeer ne ghene v[ete]
Jeghen vremden ridder ho[uden]
Enne quame bi sinen scou[den]
¶ Doe seide die ridder die dae[r lach]
3630[regelnummer]
Dat ne gheualt mj op ghe[nen dach]
Dat ic die karre ride
Jc hadde lieuer al mine tid[e]
Te gane met ysere gebo[nden]
Dan icker bouen ware von[den]
3635[regelnummer]
No nemmermeer ne droeghe [scilt]
Els doet met mj dat gi [wilt]
Het ware mj die meeste la[chter]
Die mj nie ghesciede eer no [achter]
Want het es wit ende zede
3640[regelnummer]
Dur al dit lant in elke sted[e]
Dat nieman op kerre coe[mt]
Hine si verdeelt ende verdoe[mt]
Jc hadde lieuer te wesene [doot]
Dan mj ghesciede die laste[r groot]
3645[regelnummer]
¶ So moeti steruen hier ter [stede]
¶ Daer ieghen ne helpt ghen[e bede]
Sprac lantsloot vander ha[ghedochte]
Hi gaf hem slaghe harde o[nsochte]
Ende trac hem of den helme [van stale]
3650[regelnummer]
Ende sine wapine altemale
[104 verzen ontbreken]
| |
[Folio W24vb]
| |
[........s] verdient
[........]tel vrient
[........]owen thouet
[........]ne ghelouet
3655[regelnummer]
[........]herde
[........] der erde
[........]oit dienst ne dede
[........]n wiue te ghere stede
[........]elonet soude wesen
3660[regelnummer]
[........a]m orlof met desen
[........]et ghenende
[........]n ende
[........]e daer si in was
[........]n stonden ende gras
3665[regelnummer]
[........]aende ene gracht
[........]menich glacht
[........]te daer binnen
[........] mochte bekinnen
[........] bi den hare
3670[regelnummer]
[........]arde ommare
[........]ent te meneger stont
[........]er gracht gront
[........]n ende worme
[........]elike vorme
3675[regelnummer]
[........]aten
[........o]chte hem seluen haten
[........]de verdient
[........]so cranke vrient
[........]oncfrouwen gheseit
3680[regelnummer]
[........]e dorperheit
[........]ke mochte ghenesen
[........]ewroken van desen
[........]ren moet
[........] hare dochte goet
3685[regelnummer]
[........]le die ghene varen
[........]aet ne sparen
[........]ebben scade
[........]men hem goeds bade
[........]de betren node
3690[regelnummer]
[........]e wit no ieghen gode
[Nu latic s]taen dese wort
[Van hem dae]r gi of hebt gehort
[Ende kere wede]r te lantslote
[Daer hi va]nt siere ghenote
3695[regelnummer]
[Doe lants]loot hadde verwonnen
[Des hem] god hadde gheonnen
[Dien rid]der die daer was comen
[Ende hem tl]ijf hadde ghenomen
[Waren sie all]e vro ende blide
3700[regelnummer]
[Die daer war]en an sine side
[Ende dancten] gode der doghet
[Daer was die] meneghe sere verhoghet
| |
[Folio X25ra]
| |
Ende men besach lantslote
Hine hadde wonde ghene so grote
3705[regelnummer]
Die hem mochte deren an sine ghesonden
Entie selue waren ghebonden
Si aten si dronken si waren blide
Ende corten te gadre hare tide
Dien dach entie auontstonde
3710[regelnummer]
Elc pijnder omme so hi best conde
Omme te dienen lantslote
Die daer waren clene ende grote
¶ Hi ghinc slapen alst hem goet dochte
Sijn bedde was ghemaket sochte
3715[regelnummer]
Onthier ende het dach was
Ende scone lichte dur dat glas
Ende ouer berch ende ouer dal
Die ridder seghende hem ende beual
Gode ende dede hem in siere ghebede
3720[regelnummer]
Hi ghinc hem scoeien ende cleden mede
Ende quam vort in den zale
Daer hi was ontfangen wale
Beide met werde ende met werdinnen
Ende met hem allen die daer waren binnen
3725[regelnummer]
¶ Die ridder eischede sine wapine
¶ Die werd seide hets verlorne pine
Ghi sult daghen enen dach of twee
Ende of gi wilt uele mee
Ghi sijt van ridene worden moede
3730[regelnummer]
Hier binnen suldi sijn met goede
Ende hebben ruste ende ghenade
¶ En holpe niet dat mens mj bade
Sprac lantsloot ic wil riden
Ende langher niet onbiden
3735[regelnummer]
Dur gheens mans bede
Jc moet houden mine zede
Hi hiet dat men hem brochte
Sine wapine ende sochte
Entie daer anders iet toe seide
3740[regelnummer]
Hi verlore sine arbeide
Men brochtse hem doe hijt hiet
Ende menne dorstes hem ontsegghen niet
Ende teerst dat hise hadde an
Nam orlof die edele man
3745[regelnummer]
Ende wilde dane varen
¶ Doe seide die werd gi moet sparen
Des ic versamene mine maghe
Ghi mocht wel comen in sulke laghe
Ghi sout spade weder keren
3750[regelnummer]
Jc sal v bringhen met eren
Vte deser ieghenode
Ghi mocht mesraken ode
Lantsloot die hadde ommare
Te ridene met enegher scare
| |
[Folio 25rb]
| |
3755[regelnummer]
Dur dat lant daert hem goet dochte
Ende alse hijt doch ten ende brochte
Dat hi orlof hadde ghenomen
An hem allen niet an hem somen
Entie met hem quamen daer
3760[regelnummer]
Voeren met hem. die sonne sceen claer
Des si quamen in enen woude
Daer lantsloot dure varen soude
¶ Alse hi hadde ghereden ene wile
Binnen den woude. ene halue mile
3765[regelnummer]
Sach lantsloot ende wart geware
Van ere anderre groter scare
Dorpers met groten coluen
Ghelijc of si waren verbolghen
Si hadden an dicke wammisoene
3770[regelnummer]
Ende onder hare caproene
Ghestickede huuen of beckinele
¶ Ooc waser van enen dele
Die hadden colire om haren hals
Dat dochte hem lieden als ende als
3775[regelnummer]
Dat si die warelt souden dur gaen
Her lantsloot sach se staen
Ende bet ouer ene andre scare
Van ridders in haren ghegare
Ende op orse gheseten
3780[regelnummer]
¶ Die ghene waenden wel weten
Dat nerghent ware har ghenoot
¶ Doe sachse her lantsloot
Die hars sere begherde
¶ Nv moghedi horen van sinen werde
3785[regelnummer]
Hi hadde den ridder gheuolghet naer
Met hem vijftichsten. ende quam daer
Ende alse die strijt soude beghinnen
¶ Doe menghelde hem die wert daer binnen
So dats daer nieman ontstoet
3790[regelnummer]
Weder tors no te voet
Hine bleuer doot ter stede
Of so ghewont in sine lede
Dat hi hem lieuer ware doot
Dus begonste lantsloot
3795[regelnummer]
Metten spere ende metten swerde
Ende metter hulpe van sinen werde
¶ Die quaet soeken ende iaghen
Ende daer omme spien ende laghen
Dicke wortet hem gheloont
3800[regelnummer]
Ende bliuen selue ghehoont
Die hem houden an quade zeden
¶ Doe lantsloot tforeest was leden
Quamen si ghereden scire
Op dat boort van ere riuire
3805[regelnummer]
¶ An danderside stont .i. casteel
Daer ic of segghen mach .i. deel
| |
[Folio 25va]
| |
Die gaioen was ghenant
En was negheen so vast int lant
Jn als conincs lant van gorren
3810[regelnummer]
Daer an stonden uele torren
Some groot some clene
Si waren alle ghewrocht van grawen stene
Daer in was die coninginne
Arturs wijf. die tenden sinne
3815[regelnummer]
Dicke lantslote brochte
Ende leuen dede onsochte
Doe was hi emmer in dien
Wat dat sijns soude ghescien
Dat hi se te siene begherde
3820[regelnummer]
Daer lach die brugghe van den swerde
Ouer die riuiere diere liep
Harde donker ende diep
Die brugghe was scarp als .i. scermes
Die daer lach ouer twater dwers
3825[regelnummer]
Ende daer lantsloot ouer liden woude
Hine liets niet om enen berch van goude
Diene hem gaue altemale
Hine soudse riden al toter zale
Waert met crachte of met liste
3830[regelnummer]
Daer hi die coninghinne wiste
Daer ne wilt hem nieman beweren
Om dat hijs hadde so groten ghere
Ende beite van den orse te voet
Dat starc was ende goet
3835[regelnummer]
¶ Entie gone die bi hem waren
Begonden wenen ende mesbaren
Ende hieten hem wel bedinken
Ende seiden hi soude verdrinken
Of hine wilde weder keren
3840[regelnummer]
Doe bonden si hem sine gheren
Van den halsberge die hi hadde an
Tusschen sine been den edelen man
Dat van achter ieghen dat van voren
Anders hadde hi sijn lijf verloren
3845[regelnummer]
Eer hi die brugghe ware leden
Si hadde hem tlijf al dore sneden
Lantsloot daelde neder daer
Optie riuire die was claer
Recht ander brugghen voet
3850[regelnummer]
Die int water beloken stoet
Si was breet ende starc
Mar si was bouen scarp
Ghelijc den egghe van enen swaerde
Die ridder die niet ne spaerde
3855[regelnummer]
Dur anxt van gherande dinghe
Hi ghinker op sitten scerdelinghe
Ende hilt hem metten handen voren
Dat hi dede moghedi horen
| |
[Folio 25vb]
| |
Hi ghinc metten benen roeien
3860[regelnummer]
Hi achte luttel opt vermoeien
Hi sach emmer ten torne waert
Alse uele te min was hi veruaert
Daer die coninginne was in
Dat verblide sinen sin
3865[regelnummer]
So langhe roiede hi ende reet
Optie brugghe die dur sneet
Die maniclen so dat hem tbloet
Te beden handen uut woet
So langhe reet hi weder ende vort
3870[regelnummer]
Dat hi quam anden andren bort
Ende hadde weder staen die wondre
Van den scarpen vondre
Daer noit man liden ne mochte
None hadde wille no ghedochte
3875[regelnummer]
Omme te wesene in den casteel
¶ Siere liede een deel
Voeren met scepe an dander side
Ende alle vro ende harde blide
Dat die ridder was ontgaen
3880[regelnummer]
Van den wondre dat hi hadde bestaen
Si gauen hem scilt ende swerd
Want hi beide begherd
¶ Nv was die ridder onveruaert
Ende sach een luttel achterwaert
3885[regelnummer]
Die op hem seluen was coene
Hi sach comen .ij. lyoene
Ongheketent ende onghebonden
Ende hadden daer den ridder vonden
Si quamen blakende metten oghen
3890[regelnummer]
Ende begonsten hem vertoghen
Of si den ridder souden verteren
Ende hi began hem sere weren
Ende gaf hem sulke slaghen
Mochten si doot sijn bleuen van plaghen
3895[regelnummer]
Si hadden onlanghe ghestaen
Mar hine sach gheen bloet gaen
Vten wonden die hi hem gaf
Ende hem wonderde sere der af
Waer bi het hadde ghesijn
3900[regelnummer]
Doe sach hi dat vingherlijn
Dat hi an sinen vingher brochte
Ende dat hem die ioncfrou vander haghedochte
Langhe te voren hadde ghegheuen
Doene wiste hi waer si waren bleuen
3905[regelnummer]
Ende was al tenden sinne
¶ Doe sach ghene die coninginne
Ende hadde die bliscap so groot
Dat si wiste dat was lantsloot
Sie ne wiste wat ghelate toghen
3910[regelnummer]
Si loech met herten ende met oghen
[1 blad ontbreekt?]
| |
[Folio Y/Z26ra]
| |
So dat si droeghen ouer een
Dat lantsloot ware ende el ne gheen
Die daer te houe ware comen
Bi al dat si hadden vernomen
3915[regelnummer]
¶ Binnen dien quamer ridders twee
Sander daghes quamer mee
Van dien hi optie riuiere liet
Doe hi ouer quam ende van hem sciet
¶ Si waren te houe wel ontfaen
3920[regelnummer]
[...............]
[38 verzen ontbreken]
Jc sal uechten op dese ure
Hi was ghewapint wel te cure
Na sinen wille na sijn gheuoech
Hi hadde .i. starc ors dattene droech
| |
[Folio Y/Z26rb]
| |
3925[regelnummer]
Also goet alse ridder ie ghewan
Ende was verdect alsemen best can
Met ysere ende met sindale der bouen
Dat men met rechte soude louen
Hi hadde scilt ende spere
3930[regelnummer]
Ende was al ghereet ter were
Ende .i. swerd te siere side
Die porten waren ondaen al wide
Hi trac uut alst hem goet dochte
Om die batalie die hi sochte
3935[regelnummer]
[...............]
[37 verzen ontbreken]
[...............]
Daer die camp op wesen soude
Also scire ende also houde
Alse die coninc hadde ghesproken
3940[regelnummer]
Dat lichte niet sijn mochte te broken
| |
[Folio Y/Z26va]
| |
Si ommehaelden hare lope
Ende namen die breidele bi den knope
Ende quamen te samene metten speren
Alse die hem wilden verweren
3945[regelnummer]
¶ Meliagant stac lantslote
Opten scilt dat ene grote
Score van den scilde cloef
Ent spere daer dure ulooch
Ne hadde die halsberch niet ghewesen
3950[regelnummer]
[So goet] hine hads niet ghenesen
[38 verzen ontbreken]
[...............]
Ghenendelike alse hi best mochte
Mar hem allen die dat saghen. dochte
Dat hi onlanghe soude gheduren
3955[regelnummer]
Ende toordeel op hem soude gheburen
| |
[Folio Y/Z26vb]
| |
Te sine verwonnen inden camp
Ende ouer hem soude gaen die ramp
Hi maecte dat uelt root
So sere sloeghene lantsloot
3960[regelnummer]
Alse dit die coninginne sach
Die bouen ten palase lach
Was si blide ende ghemeet
Ende trac op har winpel cleet
Ende maecte har ansichte bloot
3965[regelnummer]
[...............]
[39 verzen ontbreken]
Een die alre beste wesen
Vut vercoren ende ghelesen
Nv duncti mj al vter were
Mi dunct ghine acht niet ene pere
[1 dubbelblad ontbreekt?]
| |
[Folio AA/BB27ra]
| |
3970[regelnummer]
Dat wilde hi op elken man doen staen
Met campe diet durste anegaen
Dat keie sliep bi haren liue
Alse .i. man bi sinen wiue
¶ Si suoerre ieghen ende seide
3975[regelnummer]
Dattet ware onwaerheide
Ende dat hijs hem qualike bevroet
Hare nuese hadde hare ghebloet
Inden bedde daert of was comen
Dat hi daer hadde vern[o]men
[40 verzen ontbreken]
3980[regelnummer]
En [........ gh]escouden
Dat ic iet an hare begherde
Ende gi waert diet emmer werde
| |
[Folio AA/BB27rb]
| |
Ende ic sette in die auenture
Mijn lijf dur hare op ene vre
3985[regelnummer]
Nv heft siet mj qualike gheloont
Want ic ben sere ghehoont
Hi seide wonder vtermaten
Ende ne wilds keien niet verlaten
Hine hadde bi hare gheslapen dien nacht
3990[regelnummer]
Entie grote ondaet ghewracht
Entie coninginne heft v[erhoert]
[...............]
[40 verzen ontbreken]
Ende hadde dies hebben mochte
Jc ben dies hem niet onderwinde
3995[regelnummer]
Dit sprac die uader toten kinde
| |
[Folio AA/BB27va]
| |
No in goede no in quade
Mar gi sult bliue in die scade
Si ghinghen hem echter wapinen beide
Wat dat men hem bat ende seide
4000[regelnummer]
Doe seide lantsloot vander haghedochte
Het voeghede wel dat men brochte
Die heilighen vort. ende swoere
Eer men iet vorder voere
[........]rt moete wesen
[41 verzen ontbreken]
4005[regelnummer]
Want mijn zone heft sine ommate
Diere becoft op desen dach
¶ Die coninginne lach daer si sach
| |
[Folio AA/BB27vb]
| |
Den camp alsie dede te voren
Ende riep dat ment mochte horen
4010[regelnummer]
Lantsloot. laet staen. laet staen
Ghi hebter ghenoech toe ghedaen
Orconde hem alle gader
¶ Doe quam meliagants uader
Gelopen in dat crijt
4015[regelnummer]
Ende seide desen strijt
Nemet die coninginne op hare
Nv doet wel ende [nemet] ware
[39 verzen ontbreken]
Si quamen sint [........]
Ghereden in ene herstrate
4020[regelnummer]
Die scone was vtermate
[1 blad ontbreekt?]
| |
[Folio X28ra]
| |
Her waleweine toten stonden
Dat siere an quamen ende vonden
Ende was die brugghe leden
Met pinen ende met behendicheden
4025[regelnummer]
Daer die auenture hier te voren
Of seghet die hi hadde vercoren
Hi hadde gheuochten ieghen die gone
Diet passage waren ghewone
Te houdene eer hi daer quam
4030[regelnummer]
So dat hiere sulken tleuen nam
Die hem op gaf te spade
Ende niet wilde werken bi rade
Ende selue was hi .i. deel mismaect
Eer hi ouer die brugghe quam gheraect
4035[regelnummer]
Daer quam hi an lantsloots liede gheuaren
Hine wiste van eerst niet wie si waren
Ende hilt hem in siere hoede
Alse hi sach dat si met goede
Harre straten wilden riden
4040[regelnummer]
Ende hem vechtens vermiden
Doe hiet hi se willecome wesen
Ende sine waren niet ghenesen
Van den rouwe ende van den sere
Dat si dreuen om haren here
4045[regelnummer]
Lantslote die was gheuaen
So dat ment mochte an hem verstaen
Dat si waren tonghemake
¶ Walewein vraghede dur welke sake
Dat si hem meslieten so
4050[regelnummer]
¶ Si seiden dat si waren onvro
Wat holper uele toe gheseghet
Her lantsloot die es ons ontweghet
Ende si seiden hoe sine verloren
Ende hoe si ghemoeten daer te voren
4055[regelnummer]
Enen naen diene hadde verleit
So dat hi hem ware onghereit
Ende seiden hem al die affere
¶ Walewein waende warden vter were
Van rouwen doe hi horde
4060[regelnummer]
Van lantsloots lieden ghene worde
Ende voeren wech tere scaren
Diere quamen ende diere waren
Totes conincs badagamus houe
Daer si ontfanghen waren met loue
4065[regelnummer]
Mar die rouwe waser so groot
Alsemen wiste dat lantsloot
Was ontweghet ende gheuaen
Jnne mochtu lichte niet doen verstaen
¶ Ende arturs wijf die coninginne
4070[regelnummer]
Was so droeue in haren sinne
Al wilde siere niet vele toe spreken
Har dochte die herte binnen breken
| |
[Folio 28rb]
| |
Daer was van rouwen groot gheluut
¶ Doe sende die coninc boden uut
4075[regelnummer]
Achter sijn lant ende dede verstaen
So wie so ne hilde gheuaen
Hine lietene varen daer hi woude
Dat menne verhanghen soude
Ende hi onboot alle die gone
4080[regelnummer]
Die hem te dienen waren ghewone
Die behorden te sinen lande
Beide ridders ende seriande
Ende wilde om lantslote eischen
Sien of hiere of mochte vereischen
4085[regelnummer]
Binnen dien was den coninc brocht
Alst sijn sone hadde vorewrocht
Ende al beraden ende beweuen
Een par lettren ghescreuen
Met enen zegle in diere ghebare
4090[regelnummer]
Dat hi tes coninc arturs ware
Ende hi was bi behendicheden ghemaect
So dat hiere na was gheraect
¶ Die littren seiden doe mense las
Dat mijn her lantsloot was
4095[regelnummer]
Optie wile entie vre
Jn bartaengen met arture
Wel ghesont ende te ghemake
Ende hem ne ghebrake ghene sake
Mar dat si alle waren gram
4100[regelnummer]
Dat die coninginne niet ne quam
Ende dat hare die coninc onboot
Entie here lantsloot
Bi haren rechten name
Dat si met waleweine quame
4105[regelnummer]
Te hem ende hi se brochte
Of sies orlof hebben mochte
Want meliagant sach wel
Al ne hadt hem bewert nieman el
Dan die coninc sijn vader
4110[regelnummer]
Hi hadde verloren die vrouwe algader
¶ Die coninc ne wilde ghedoghen niet
Badagamus dat ware ghesciet
Eneghe dinc tusschen hem ende hare
Daer si bi ghelastert ware
4115[regelnummer]
¶ Hier bi wilde meliagant
Dat si weder vare in har lant
Ende lantsloot hadse op hem ghewonnen
Hier bi waren die lettren begonnen
Mar hi was wel in dien
4120[regelnummer]
Dur neghene sake die mochte ghescien
Dat lantsloot nemmermeer ne quame
Daer ne die coninc artur vername
Dus waende hi wel sijn ghewroken
Doe ghene lettren hadden ghesproken
| |
[Folio 28va]
| |
4125[regelnummer]
Vor alle die gone waren int hof
Dat men seker waende sijn der of
Dats coninc arturs zeghel ware
Doe lieten si bliuen hare mesbare
Ende waenden dat si seiden waer
4130[regelnummer]
Die lettren die men brochte daer
Daer ne was gheen langher beiden
Die coninginne dede har ghereiden
Ende alle die met hare souden varen
Si namen orlof an diere waren
4135[regelnummer]
¶ Ende porreden smorghens betide
Alse hem die dach verbaerde wide
Ende voeren grote dachuaerden
Alse die ghene die niet ne spaerden
Toter wilen ende toter stonden
4140[regelnummer]
Dat si arture vonden
In die stat te caerlioen
Ende met hem meneghen baroen
Si was ontfaen met bliscap groot
Ende si vraghede waer ware lantsloot
4145[regelnummer]
¶ Die coninc antworde hare
Jnne horder of ghene niemare
Van manne die se mj brochte
Dien ics ghelouen mochte
Luttel no uele no clene no groot
4150[regelnummer]
Sint dat hi karadose sloech doot
¶ Doe verniewede dat seer
Ende metter coninginnen meer
Dan met alle dieren waren
Nochtan lietsi hare misbaren
4155[regelnummer]
Te droeuene openbare vor oghen
Si decte hare ende wilt niet toghen
Al uut ende uut die suare smerte
Die har lach te harre herte
¶ Doe peinsden si altehant
4160[regelnummer]
Ende seiden dat meliagant
Dit al hadde beraden
Si clagheden sere hare scaden
Ende waenden weten wel te voren
Dat lantsloot hadde sijn lijf verloren
4165[regelnummer]
Ende hadden rouwe daer of
Dat sonder bliscap was dat hof
Die coninc deder omme eischen
Mar hine mochter niet of vereischen
Hine was nieweren in wane
4170[regelnummer]
Daer quamen te houe die gheuane
Die lantsloot te meneger stede
Hadde verlost daer hijt wel dede
Ende seiden dat si binnen meneghen daghen
Van hem ne horden ghewaghen
4175[regelnummer]
No daer men verloos no daer men wan
Ende daer prijs mochte sijn beiaghet an
| |
[Folio 28vb]
| |
¶ Dit seiden si den coninc arture
¶ Ende hi seide toter wilen ende toter vre
Dat si horden niemare
4180[regelnummer]
Waer lantsloot comen ware
So ne worde nemmermeer feeste ghedreuen
No vergaderinghe verheuen
Also uerre alse hijs hadde macht
Daer iet op soude sijn gheacht
4185[regelnummer]
Dus daghede die coninc menegen dach
¶ Sint gheuelt dat hi lach
Tere veinstren in dien zale
Ende hi sach nederwaert te dale
Daer men wonder mach segghen of
4190[regelnummer]
Te dien tiden helt hi hof
Metten hoghesten van den rike
Die daer waren ghemeenlike
Ende achter den zale gheseten
Dit was optien dat men soude eten
4195[regelnummer]
Die taflen waren gherecht daer vort
Mar die coninc hadde niet gehort
No niewe niemare vernomen
Bi iemene die daer was comen
Want hi helt van vsaedsen dat
4200[regelnummer]
Eer hi dranc of at
Hi moeste niemare horen
Die hem noit was comen te voren
Hi hadde ten veinstren gheleghen
So langhe dats hem begonste verweghen
4205[regelnummer]
Om te horne ende te siene
Om eneghe niewe te sciene
Hine mochter niet of verhoren
Des hadde die coninc toren
Ende waser omme al erre
4210[regelnummer]
¶ Doe sach hi comen ene kerre
Ende in die karre ghinc .i. paert
Dat luttel hauen was waert
Het hadde sinen stert verloren
Ende het was al sonder oren
4215[regelnummer]
Een naen quamer op ghereden
Die was van harde corten leden
Optie karre die die naen brochte
Sat een ridder dat arture dochte
Ende hem waren ghebonden sine hande
4220[regelnummer]
Op sinen rugghe met enen bande
Die se vaste te gadre helt
Dat hiere hadde ne gheen ghewelt
Ende hem waren sine voete mede
So uaste ghebonden tier stede
4225[regelnummer]
Dat hise niet ne mochte sceiden
Aldus moeste hi sijn leuen leiden
Aldus brochtene die naen
Tote daer die zale was ghestaen
[2 bladen + 2 katernen + 29 verzen ontbreken?]
| |
[Folio CC29ra]
| |
Entie pine niet sparen
4230[regelnummer]
Ende bringhen hare die coninginne
Si mochte seker sijn der inne
En ware dat lantslote deerde
Ende hiere ware ende hijt bewerde
Dat was hare .i. scone ghelof
4235[regelnummer]
Ende si dancte hem der of
¶ Met desen bleef die tale
Ende si keerden weder in die zale
¶ Die coninc hiet dat men plaghe
Des goets ridders ende besaghe
4240[regelnummer]
Dat hem niet ne ghebrake
Doe ghinghen si slapen met deser sprake
Achter den zale dies daer rochte
Die ridder was ghebeddet sochte
Sijns was groten ware ghenomen
4245[regelnummer]
Onthier ende hi te bedde was comen
Jnne mach v wel berechten niet
Wat menre dede ende liet
¶ Mar die ioncfrou hadde groten toren
Daer gi of horet hier te voren
4250[regelnummer]
Dat se boerd niene coes
Si waende werden sinneloos
[29 verzen ontbreken]
| |
[Folio CC29rb]
| |
Ende wart so onghehier
Dats hare die andre ontsach
Ende seide hebt goet verdrach
4255[regelnummer]
Mar dat was pine ieghen spoet
Die hare ghegheuen hadde alt goet
Daer artur of was here
Hine hadse niet brocht vtien kere
Doe seide hare die meistresse
4260[regelnummer]
Die conste meneghe lesse
Joncfrou laet v droeuen wesen
Ghi sijt seker wel van desen
Ghi moghets ghelouen miere tale
Alse men slapet achter den zale
4265[regelnummer]
Jc sal den ridder tote v bringhen
Pinet vwen sin beduinghen
Dien gi priset ende meent
Nv ne sijt niet so vereent
¶ Alse dit die ioncfrou horde
4270[regelnummer]
Si was blider van den worde
Dan si den hemel saghe ondaen
Ende god har ziele wilde ontfaen
¶ Nv hort grote behendichede
Wat dat camerwijf dede
[29 verzen ontbreken]
| |
[Folio CC29va]
| |
4275[regelnummer]
Daer an so dadi dorperheit
Ende alse gi ende har vader
Huwet vwe ghesellen algader
Twi ne ghedochti hars niet
Het was dompheit dat ghijt liet
4280[regelnummer]
Si soude te rechte hebben ghegaen
Ten cure. gi hebt mesdaen
Bi v es si onthuwet bleuen
Nochtan wil si v gheuen
Ene sconeit die es so groot
4285[regelnummer]
En es euel sonder die doot
Men mochter bate bi ontfaen
Een deel sal ics v doen verstaen
Het es .i. gulden vingherlijn
Diet draghet an die hant sijn
4290[regelnummer]
Diene mach in campe niet steruen
No in watre bederuen
No hine mach verbernen in vire
Die steen es van dier manire
No van quader doot steruen
4295[regelnummer]
Alle dese bederuen
Ligghen an dat prosent
Ende waer dat hem .i. bewent
[29 verzen ontbreken]
| |
[Folio CC29vb]
| |
Hine wiste niet wat hem derde
Hi hadde alles vergheten
4300[regelnummer]
Mar hadde hi vroescap gheweten
Dat hi tfingherlijn hadde of ghedaen
So ware hi ghenesen saen
Van algader sinen leide
Hi sach dat camerwijf ende seide
4305[regelnummer]
Bi gode lieue mj es leet
Jc bens te beterne ghereet
Van al des dat ic hebbe mesdaen
Wilde sies bate van mj ontfaen
Jc waers te beterne ghereet
4310[regelnummer]
¶ Dat camerwijf sprac inne weet
Mi dunct die beste raet
Dat gi selue te hare gaet
Ende gi opstaet ende cleet
Si wiste wel hoe hi was bereet
4315[regelnummer]
Jc sal van vwen thaluen wesen
¶ Die ridder stont op met desen
Hi dede sine linen cledre an
Doe nam enen mantel die edele man
Ende ghinc daer die ioncfrou lach
4320[regelnummer]
Si dede so dat niemene sach
[2 bladen + 5 verzen ontbreken?]
| |
[Folio DD30ra]
| |
[Folio DD30ra]
| |
[............]en
[........] hi voer ende mene sochte
[........] te houe brochte
[........] si wech alse ment gheboot
4325[regelnummer]
[....mai]sniede clene ende groot
[........] weghe groot ende clene
[........] alle ghemene
[......on]ghearent in
[........] droeue in haren sin
4330[regelnummer]
[........]rouwen
[....droegen de]s [n]achts met rouwen
[........]s ouer een
[........n]der hem tween
[........] die waren onblide
4335[regelnummer]
[....morgh]ens be tide
[........] so si eerst mochten
[........]h ende sochten
[........e]n seluen pas
[Daer boerd gh]ereden was
4340[regelnummer]
[........]e ioncfrowen beide
[........]t hem goede gheleide
[........]en si sochten
[........d]en of si mochten
[........] menne bewaende
4345[regelnummer]
[........] auenture staende
[........] den ioncfrouwen
[........]ieden met rouwen
[........] te leuen
[........] tale begheuen
4350[regelnummer]
[........]andre vort
[........ da]er gi of hebt ghehort
[........ te]nen closter quam
[........] doot uut nam
[Hier beg]hint dese auenture
4355[regelnummer]
[Hoe la]ntsloot quam op ene vre
[Te sarp]enie. binnen den woude
[Alse di]e gherne vinden soude
[Aventure die r]idder coene
[Tote een lu]ttel nader noene
4360[regelnummer]
[........] dat foreest
[Ene scone ion]cfrowe. die groot horeest
[Dreef ende haren sin] verterde
[Hi wonderd]e wat hare deerde
[Ende hi v]raghede wat har ware
4365[regelnummer]
[........]dien mesbare
[........t] v
[........]eit nv
[5 verzen ontbreken]
| |
[Folio DD30rb]
| |
Des ridders houesche worde
Ghinc si hem setten spel in hant
4370[regelnummer]
Hoe ghedane wijs meliagant
Den coninc arture sijn wijf nam
Ende hoe datter lantsloot achter quam
Ende seide hem al die vorworde
Siene wiste niet dat lantsloot horde
4375[regelnummer]
Die siere of wiste ende hadde verstaen
Ende hoe meliagant hadde gheuaen
Lantslote van der haghedochte
Endene sijn suster vte brochte
Ende verloste ende liet gaen
4380[regelnummer]
Nv es siere selue omme gheuaen
Want die ridder lantsloot
Sloech sint haren broeder doot
Nv comen meliagants maghen
Ende willent niet verdraghen
4385[regelnummer]
Ende willen mordaet op har doen staen
Si hebben die ioncfrouwe gheuaen
Ende hefter leghen .xl. daghen
Noit sint ne constemen beiaghen
Man die durste veruaen
4390[regelnummer]
Den camp ende ouer hare bestaen
Huden es die .xl.ste dach
En come man die se verlossen mach
Tote dattie sonne onder gaet
So ne es hars ander raet
4395[regelnummer]
Men sal der ioncfrouwen nemen tleuen
Aldus esset uut ghegheuen
Men salse marghen ontliuen
Dit ne mach sekerlike niet bliuen
Dus es si verdeilt ter doot
4400[regelnummer]
¶ Doe antworde lantsloot
Diere morghen mochte comen
Eer hare wert har lijf genomen
Mochte hi hare niet staen te staden
¶ Si seide siene waers niet beraden
4405[regelnummer]
Weder hi mochte of ne mochte
Mar om dat har hars ghedochte
So besueec hare die herte
Ende moeste wenen vander smerte
Doe vraghede hi hoe verret ware
4410[regelnummer]
Ende si seids hem niemare
Alse die te moede was wee
Tis .vi. milen no min no mee
Ghi souter morghen betide wel wesen
Mochte si bi v ghenesen
[4 verzen ontbreken]
| |
[Folio DD30va]
| |
4415[regelnummer]
[...............]
Ende lantsloot hi voer [s]o verre
Dat hi enen closter vant
Entie nacht ghinc [an] hant
Ende lantsloot voer bet naer
4420[regelnummer]
Om dat hi bliuen wilde daer
Doe vant hi .iiij. moneke staen
Die daer buten waren ghegaen
Dat ne wetic niet dur wat saken
¶ Daer si stonden ende onder hem spraken
4425[regelnummer]
Quam her lantsloot ghereden
Die .iiij. moneke die niet onbeden
Quamen ieghen hem ghegaen
Daer was lantsloot bet ontfaen
Dan hi was binnen meneghen daghen
4430[regelnummer]
Van den moneken diene daer saghen
Hi was ontwapint harde saen
Ende men seide hi soude eten gaen
Ende hi antworde met desen
Hadde hi in die kerke ghewesen
4435[regelnummer]
Ende sijn ghebet ghedaen
Hi soude ten etene sitten gaen
Hi hadde alden dach ghereden
Dat hi nerghent ne was leden
Daer hi kerke hadde vernomen
4440[regelnummer]
Daer hi toe mochte comen
Doe ledene binnen de[r] monster dure
Een monec. ende keerde in corter vre
Ende lantsloot hi bleef daer binnen
Die sijn ghebet soude beghinnen
4445[regelnummer]
Doe sach hi ene tralie
Ende waende weten sonder falie
Dat nie so goede was gheraect
Sint dattie warelt was ghemaect
Si was claer seluerijn
4450[regelnummer]
Doe sach hi bet in .i. luttelkijn
Enen sarc claer guldijn
Hem wonderde wie mochte sijn
So rike man die hadde volbrocht
Sulc wonder alse daer was ghewrocht
4455[regelnummer]
Tghesteente datter was an
Ne soude te rechte gheen man
Ghecopen met siere haue
Alse daer stont ontrent den graue
Noch sach lantsloot mee
4460[regelnummer]
.v. ridders ghewapint toter [te]e
Die omtrent den graue saten
Des wonderde hem vtermaten
[5 verzen ontbreken]
| |
[Folio DD30vb]
| |
Ende sine vroet maken [d]es
Ende waer omme ende twi
4465[regelnummer]
Waert dat siere saten bi
Si seiden datter .i. here l[aghe]
Ende si wachtene bi daghe
Ende andre .v. ridders bi na[chte]
So dedemen die wachte
4470[regelnummer]
Men seide hem ende hadden ver[nomen]
Dat daer .i. ridder soude co[men]
Die den doden nemen sou[de]
Die daer laghe onder der [moude]
Ende voerne vten lande
4475[regelnummer]
Gheuiele ons dat het wa[re scande]
Dus comt dat wi desen w[achten]
Beide bi daghen ende bi na[chten]
Ende lantsloot diere stont bi
Die vraghede heren hoe h[iet hi]
4480[regelnummer]
Doe seide .i. ridder di[e daer stoet]
Here sidi van lett[ren vroet]
Merket wat hier gh[escreuen es]
Ghi sullets scire sijn ghe[wes]
Wie hi was ende hoe hi hiet
4485[regelnummer]
¶ Ende lantsloot diene lette ni[et]
Hi las die lettren ende spe[llede]
Daer elc wonder of telle[de]
Dat onder den sarc lagh[e doot]
Lantsloots gheselle gali[oot]
4490[regelnummer]
Die menegher ere was g[hewone]
Der scoonre gaianden s[one]
Die van sorlois was her[e]
Ende meneghen man had[........]
Alse diet wel volbringhe[n mochte]
4495[regelnummer]
Hi starf dur lantslote v[ander haghedochte]
Alse dit lantsloot hor[de]
Vel hi in ommach[t vanden worde]
Menechwaruen ach[ter een]
Eer dat hi iet ghefeen
4500[regelnummer]
Ende alse hi doch was bec[omen]
Wilde hi hem seluen tlijf [hebben ghenomen]
Ende was des wel bedacht
Vonde hi water ofte gr[acht]
Hi soude hem seluen ne[men tlijf]
4505[regelnummer]
Men sach noit man no [wijf]
Jn sulken mesbare
Hi nam hem seluen [biden hare]
Dicken ende te meneg[her ure]
Dus ghinc hi vor d[ure]
[2 bladen ontbreken?]
| |
[Folio EE31ra]
| |
4510[regelnummer]
[........]e daer hise vant
[........]n was int lant
[........]are ouerwaer
[........]ochtene daer
[........]epen in arturs hof
4515[regelnummer]
[........]e waer of
[........]ande sloech
[........] die rode wapine droech
[........]amp vechten
[........]rechten
4520[regelnummer]
[........]agamus hof
[........]e ghelof
[........]n hem sciet
[........]oe hi hiet
[........]rou si kendene wel
4525[regelnummer]
[........] ende fel
[........]eghen beraden scame
[........]s sine name
[........]idders broeder
[........]nde siere moeder
4530[regelnummer]
[........]en camp te doot
[........] sulker noot
[........]eliagant
[........] sijns vader lant
[........] casteel
4535[regelnummer]
[........]en algheheel
[........]de
[........]hede. ende bewerde
[........]ch niet ne wiste
[........]o bi liste
4540[regelnummer]
[........]n sone
[........] ghewone
[........] ghenomen
[........] te voren comen
[........]art groot
4545[regelnummer]
[........]roten noot
[........]nde sijt vroet
[........] wat gi doet
[........]ene wel
[........]rc ende fel
4550[regelnummer]
[........]de hine achts niet
[........]e niet ontsiet
[........]och also starc
[........m]j in .i. parc
[........] quite maken
4555[regelnummer]
[........]are spraken
[........] ende spel
[........]iet el
[........]nt wel te danke
[........] van dranke
4560[regelnummer]
[........]e verplechten
[........]en gherechten
| |
[Folio 31rb]
| |
Daer des auont[s] was ghedient
Die ioncfrou bat al hare vrient
Dat mens ridders ware name
4565[regelnummer]
Siene wilde niet dat hem iet mesquame
Alse die dienst was ghedaen
Ende die nacht an ghegaen
Ent lantslote goet dochte
Men ledene slapen harde sochte
4570[regelnummer]
Daer hi sierlike lach
Met ghemake des het was dach
Ende teerste dat hi hem verbaerde
¶ Lantsloot langher niene spaerde
Hi ghinc hem scoeien ende cleden
4575[regelnummer]
Ende dede hem wapinen ende ghereden
Alse die wech wilde riden
Daerne was gheen wederstriden
Des hadde die ioncfrouwe
Jn harre herte [r]ouwe
4580[regelnummer]
Si wilde wel da[t] hi ware bleuen
Met hare daer binnen al har leuen
Daer ne halp be[de] no niet
Hi nam orlof ende sciet
Dane. des hadde [si] suaer verdrach
4585[regelnummer]
Ende vraghede hem op welken dach
Dattie camp was ghenomen
Eer hi van hare mochte comen
Doe seide hi hare die waerhede
Ende porrede wech ter seluer stede
4590[regelnummer]
Dien dach voer hi al dure
Sonder te vindene auenture
Daer eneghe macht an lach
Des hi die sonne nederen sach
Ent den auonde nakede
4595[regelnummer]
Binnen dien lantsloot gherakede
Op ene riuiere breet ende diep
Ende daer twater sere of liep
Te dale waert entie stroom
Daer sach lantslo[o]t ende nam goom
4600[regelnummer]
Jn enen mersch groene
Staen .iij. scone paulioene
Mar tene was meerre dan dandre twee
Noch sach lantsloot mee
Hi sach hoe .i. ridder quam ghegaen
4605[regelnummer]
Vten meesten paulioene saen
Wel ghewapint met sconen leden
Na elcs goet mans zeden
Ende teerste dat hi hadde vernomen
Den here lantslote comen
4610[regelnummer]
Ghinc hi ieghen hem ende seide
Ridder god si in [v]we gheleide
Ende wel moeti comen wesen
¶ Lantsloot hi beit[e] met desen
| |
[Folio 31va]
| |
Van den orse te voet
4615[regelnummer]
Alsoot hem te doene stoet
Ende groete den ridder weder
Doe hi was ghebeitet neder
Doe sprac van den paulioene
Ridder nv staet v wel te doene
4620[regelnummer]
Dat gi herberghet met mj
Tauontmeer ic seg v twi
Het naket den auonde
Ghi mocht riden langhe stonde
Desen wech rechte vort
4625[regelnummer]
Eer gi vont dorp no port
Dan wildernesse ende woestine
Het ware v te suare pine
Ende sout v ors te sere mesmaken
Ende lichte mochti ooc mesraken
4630[regelnummer]
Jn die wildernesse ende dolen
Dit seg ic v al onverholen
Nv scuwet dese sake
Jc sal v doen te ghemake
Tauontmeer in dit paulioen
4635[regelnummer]
¶ Lantsloot sprac so sal ict doen
God lone v deser houeschede
Jc mochts v noch in sulker stede
Wel danken waric vroet
Dat gi mj dese ere doet
4640[regelnummer]
¶ Doe ghinghen si te gader beide
Ende vonden scone ghereide
Binnen dien paulioene
Entes hadde lantsloot te doene
Hi vanter haets ende drancs ghenoech
4645[regelnummer]
Dat was wel sijn gheuoech
Ende [hi] was ontfanghen wel
¶ Daer quamen knapen starc ende snel
Vtere andre tente ghegaen
Die lantslote ontwapinden saen
4650[regelnummer]
Men rechte taflen ende sprede dualen
¶ Die ridder hiet lantslote wel onthalen
Men gaf hantwater ende si saten
Lantsloot entie ridder ende aten
Te gader ende des ridders amie
4655[regelnummer]
Ene ioncfrouwe scone ende vrie
Mar dat was pine ieghen spoet
Hare verwandelde so har moet
Om lantslote die bi hare sat
Dat si no dranc no ne at
4660[regelnummer]
Hi dochte hare so scone
Siene achte niet ene bone
Op al dat men vor hare brochte
Si was die eten niene mochte
Si peinsde so uele op ende neder
4665[regelnummer]
Hare entare vort ende weder
| |
[Folio 31vb]
| |
Hoe wel dat hare ware
Die moeste wesen hare[ntare]
Met sulken riddre ende l[euen]
God hadde hem uele vo[erghegheuen]
4670[regelnummer]
¶ Mettien gepeinse dae[r inne]
Vel si in ene suare min[ne]
Die hare seder wart t[e sure]
¶ Hier latic staen dese a[uonture]
Van haren amijs ende [van hare]
4675[regelnummer]
Ende hoe hi seder wart [gheware]
Dat si lantslote minde
Dat hare dochte dat si [ontsinde]
Ende wat wondre dat hi [dede]
Doe hi wiste die waerh[ede]
4680[regelnummer]
Ende hoe dat si seder starf
Van groten rouwe ende [bedarf]
Om dat hare so sere der[de]
Dat se lantsloot niene [begherde]
Dat sullen wi hier ach[ter horen]
4685[regelnummer]
Mar ic sal segghen vore[n]
Dat int paulioen gheu[el]
Doe daer was ghedien[t wel]
Ende men op hadde ghed[aen]
Nv moghedi hier achter [verstaen]
4690[regelnummer]
Dese meeste auenture
Wat ghesciede daer ter [ure]
Dystorie seghet d[at quam ghereden]
Op .i. ors met sco[nen leden]
Starc ende groot
4695[regelnummer]
Een ridder met wapin[e root]
Ende met hem quam gh[........]
Menech ridder met helm[........]
¶ Ende die rode ridder sach
Daer ic teerste of dede [ghewach]
4700[regelnummer]
Die starc was ende coene
Des broeder vanden pa[ulioene]
Die niet ne was ridder [ghedaen]
Jnt ander paulioen ge[gaen]
Die rode ridder scoter n[aer]
4705[regelnummer]
Hi hadde meneghen ri[dder daer]
Ende hief den sciltknape [an die scoudre beide]
Vor hem op sijn gherei[de]
Si roueden dat si vonde[n]
Ende reden met haeste w[ech ter stonden]
4710[regelnummer]
¶ Dit sach die ridder int [paulioene]
Die van rouwen ne wis[te wat te doene]
Ende riep lace. wats mj ghesciet
Hier ieghen ne wacht[e ic mi niet]
Nv heft mijn broeder s[ijn lijf verloren]
4715[regelnummer]
Want si sin so verre v[oren]
Jnne siene nemmermeer
Leuende. ende dreef groo[t seer]
[8 bladen ontbreken?]
| |
[Folio FF32ra]
| |
[Die ridder] dede hem grote ere
[Die over] dien zale was here
4720[regelnummer]
[Hi kende] lambeguesse wel
[Hi hadde] bliscap ende spel
[Ende Phar]iene sinen oom
[Hi nam] der heren groten goom
[Ende hi] dede lambeguse gheuen
4725[regelnummer]
[Dat hi] blider mochte leuen
[Scone c]leder scarlakijn
[Die noit] an riddre hadde ghesijn
[No iemand h]adde ghedraghen
[Dat const]e hem wel behaghen
4730[regelnummer]
[Dus saten] si ene wile
[Datmen ri]den mochte ene mile
[........] die ioncfrou gheuaren in
[........] int beghin
[........] ende die met hem waren
4735[regelnummer]
[.......u] die daer quam gheuaren
[........]er haghedochte
[........]oerde ende seide dat si brochte
[........] galioots swerd
[........]iet hadde so werd
4740[regelnummer]
[........] bi hare
[........ h]orde die niemare
[........] ende blide
[........] swerd te siere side
[........] hoet hem sat
4745[regelnummer]
[........] hi noit te ghere stat
[........]ch beter vant
[23 verzen ontbreken]
| |
[Folio FF32rb]
| |
Quamen si in den zale vort
Sonder te sprekene andre wort
D[aer] die ridders w[aren] gheseten
4750[regelnummer]
Ter taflen. ende hadden begonnen eten
¶ Die ioncfrou bekende wale
Boerde bi siere tale
Ende bi siere scoonre ghedane
Ende sprac hem vriendelike ane
4755[regelnummer]
Teerste dat siene sach
Ende seide god diet wel doen mach
Die moete v eren ende minnen
Ende ten ioncsten daghe bekinnen
Die hier ter taflen sijn gheseten
4760[regelnummer]
Om drinken ende om eten
Alsiet ghesproken hadde mettien
Viel si neder op here knien
Vor boerde ende seide
God ende sijn moeder beide
4765[regelnummer]
Die es der warelt toeuerlaet
Die late mj mine mesdaet
So ghebetren tuwer ere
Lieue ridder l[ieu]e here
Jc bekinne mj seluen wel
4770[regelnummer]
Dat mj grote dorperheit gheuel
God lates mi te baten comen
¶ Binnen dien heft boerd op genomen
Die ioncfrouwe ende dedese op staen
Ende bi hem sitten gaen
4775[regelnummer]
[Doe te]ll[e]d[e] s[........]
[23 verzen ontbreken]
| |
[Folio FF32va]
| |
So langhe dat hem ontfarmede daer af
Ende hijt hare altemale vergaf
Goedertierlike vor hem allen
Die saken die daer waren gheuallen
4780[regelnummer]
Doe ghinc si hare vercleden
Ende al andersins bereden
Dan si te voren was bereit
Ende teerste dat si hare hadde ghecleet
Ghinghen si drinken ende eten
4785[regelnummer]
Ende hars leets vergheten
Mar dat was pine ieghen spoet
Boerde ne droech niet so sijn moet
Dat hi der ioncfrouwen iet begherde
Die doch haren sin verterde
4790[regelnummer]
Ende leuede met arbeide
Wat holpe dat icker meer of seide
Die nacht entie auontstonde
Dedemen hem alsemen best conde
Totes morghens dat men sach
4795[regelnummer]
Verbaren den sconen dach
Doene wilde hi langher letten niet
Boerd. so wat dat men hem riet
¶ Lambegues die met hem quam
Die harde sconen orlof nam
4800[regelnummer]
An den here van daer binnen
Ende seide god moeste bekinnen
Ten ioncsten daghe bi siere ghenaden
Der houescheit die si hem daden
[...............]
[23 verzen ontbreken]
| |
[Folio FF32vb]
| |
4805[regelnummer]
Diere cledre van sindale
Ende hi was ghereden wale
Hi groete die ridders alse hi eerst [mochte]
Ende die ioncfrouwe van der hagh[edochte]
Ende vraghedem om niemare
4810[regelnummer]
Ende der ioncfrouwen wane si war[e]
Waer si voeren ende wat si sochten
Of si iemene te sprekene rochten
Boerd seide iawi here
Berecht mj dur die godes [ere]
4815[regelnummer]
Of gi lantslote ierghent sa[ghet]
Om hem soud ic v hebben gheu[raghet]
¶ Doe seide die ridder dat hine sa[ch]
Ende hiere hem wel of segghen [mach]
Hi heuet gheleghen te minen [huse]
4820[regelnummer]
Hi hadde den coninc badagam[use]
Ghesien ende ghesproken
Ende hadde hem in sijn hof ghewr[oken]
Ouer hem diene beriep te campe
Ende gheclaret van den scampe
4825[regelnummer]
Doe ickene lest sach
Te minen huus daer hi lach
Ende hi orlof hadde ghenomen
Ende het so vort was comen
Voer hi al onghespaert
4830[regelnummer]
Ter doloruser gaerde waert
Daerne god moeste bewaren
Ende wilde spoedelike varen
[Ende sijns ors n]iet vele miden
[23 verzen + 3 verzen ontbreken]
| |
[Folio GG33ra]
| |
Dat hare har vrouwe beual
4835[regelnummer]
Ende ne wilde vort varen nietmee
¶ Doe dedese boerd toter zee
Lambeguesse bringhen
Ende scieden doe met desen dinghen
Ende boerd was in dien begrepen
4840[regelnummer]
Hem ne wilde sijn ors ghebreken
Hi soude lantslote vinden
Sint dat hijs hem begonste onderwinden
Of hi soudene soeken van daer
Des hi hadde ghereden .i. iaer
4845[regelnummer]
Dit so sprac hi optie vre
¶ Nv blijft van hem die auenture
Ende van lambeguesse ende van hem beiden
Also si daer waren versceiden
Hier of latic die tale liden
4850[regelnummer]
Ende sal v tellen van pariden
Die wilde houden sine gheloue
Ende voer te badagamus houe
Alse hi lantslote behiet
Hine wildes hem lieghen niet
4855[regelnummer]
Hoe lantsloot badagamuse onboot
Dat hi sinen sone sloech doot
Hier beghint ene tale echt
Dat parides voer siere vaerde recht
Doe hi van lantslote sciet
4860[regelnummer]
Te doene dat hi hem behiet
Dat was dat hi soude riden
Tes coninc badagamus ende niet onbiden
Ende draghen hem niemare
Dat sijn sone versleghen ware
4865[regelnummer]
Also bereit alse hi was
Parides eer dat hi ghenas
Ende quam op enen auont
Daer .i. scone closter stont
Ende was daer wel te ghemake
4870[regelnummer]
Ende daermen beterde sine zake
Een broeder begade sine wonden
Ende hadder sulc cruut op ghebonden
Alse hem nutte was ende goet
Smorghens alse parides op stoet
4875[regelnummer]
Voer hi so langhe dur dat lant
Dat hi badagamuse vant
Te guendisam in sinen casteel
Ende siere liede .i. groot deel
Daer groete hine alse hi eerst mochte
4880[regelnummer]
Van lantsloots haluen van der hagedochte
Ende dat hi hem sere bade
Vergheuenesse ende ghenade
[2 verzen ontbreken]
| |
[Folio GG33rb]
| |
D[oe die coninc dese botscap horde]
Hine was nie so droeue van w[orde]
4885[regelnummer]
Hi vel neder in ommacht
Ende verloos al sine cracht
Ende teerste dat hi was becomen
Van der niemare die hi hadde vernomen
Sprac hi ontfarmelike worde
4890[regelnummer]
Jnt hof daert die meneghe horde
Ende claghede sere sinen sone
Dien hi te minnen was ghewone
Om dat hiere hadde nietmee
So was hem te moede wee
4895[regelnummer]
Ende vel in ommacht menechwarf
Hets wonder dat hi niet ne starf
Ende in sinen sinne bleef
Vanden rouwen dien hi dreef
So langhe dat hi begonde vraghen
4900[regelnummer]
Sinen vrienden ende sinen maghen
Of siere iet of hadden verstaen
Ende waer si den licham hadden gheda[en]
Ende of siere iet of hadden verhort
Dan die niemare entie wort
4905[regelnummer]
¶ Sie seiden ia si allegader
Mar omme dat gi waert sijn vader
Ne durste wijs v niet ghewaghen
Om dat ghijt qualike sout verdraghe[n]
Mar si seiden alle ghemene
4910[regelnummer]
Hi ware ten castele van den .iiij. sten[en]
Bouen der erden onbegrauen
Daer hadden sine doen draghen
Teersten dat hi was bleuen
Ende verloren hadde sijn leuen
4915[regelnummer]
Doe mocht die coninc te bet ghedogh[en]
Om dat hine noch waende sien met o[ghen]
Sinen sone die lach doot
Mar die coninc die gheboot
Dat menne lede daer hi ware
4920[regelnummer]
Doe was daer die meneghe in vare
Teerste dat hine saghe
Sinen sone die doot laghe
Dat hi steruen soude mede
Ende bliuen daer ter stede
4925[regelnummer]
Nochtan ne wilden sijs laten niet
Sine daden alse hi selue hiet
Ende ghereiden hem darwaert
Sine voeren nie so droeue vaert
¶ Mar eer die coninc dane sciet
4930[regelnummer]
So beual hi ende hiet
Dat si den ridder wel besaghen
Ende si sijns ghemakes plaghen
[3 verzen ontbreken]
| |
[Folio GG33va]
| |
[Ende] na[m]ene op sijn gheleide
[Si] voeren wech dach ende nacht
4935[regelnummer]
[Al] dat si mochten met alre cracht
[Ende] quamen eer si ghefenen
[Ten] castele van den .iiij. stenen
[Da]er vant die coninc sijn kint
[Doo]t versleghen. ic wane noit sint
4940[regelnummer]
[Sul]c rouwe was ghedreuen
[Mel]iagants houet lach beneuen
[Den] lichame of ghehouwen
[Die] vader namt met meerren rouwen
[Da]n nie man sach te ghere stont
4945[regelnummer]
[Hi] cusset dicke an den mont
[Als]e die ghene die was onvro
[Da]t was ghebalsemet so
[Ende] daertoe die lichame
[Da]t niemene dede mesquame
4950[regelnummer]
[So]udic v tellen van ende torde
[Da]t grote gheween die droeue worde
[Da]t die vader hadde om den sone
[Mel]iagande wies ic vermone
[All]e diet horden hem mochts verdinken
4955[regelnummer]
[Hin]e mochte eten no drinken
[Hem] ne was ghene spise bequame
[Do]e dede hi draghen den lichame
[Ter]e heiligher ermitage
[In] een lant hiet sauage
4960[regelnummer]
[Da]t stont binnen enen foreeste
[Da]t alre wideste dat alre meeste
[Da]t men ierghent wiste
[Men] leidene in enen dire kiste
[Met] die meeste sierhede
4965[regelnummer]
[Di]e men in langhen om doden dede
[Wa]s meliagant begrauen daer
[De]s menich hadde therte suaer
[Du]rs vader wille niet dur den sinen
[Hi] hadde den meneghen brocht in pinen
4970[regelnummer]
[Ma]r al hadde hi der doot verdient
[Hi] hadde nochtan meneghen vrient
[Di]e sere clagheden haren toren
[Ende] sijn vader al te voren
Doe die dode was begrauen
4975[regelnummer]
Men moeste den coninc dicke lauen
Van der ommacht daer hi in lach
[Ee]r menne bec[om]en sach
[Du]s keerden si weder in groten sere
[M]etten coninc haren here
4980[regelnummer]
[H]ets wonder dat hi niet doot ne bleef
[V]an den rouwe dien hi dreef
[3 verzen ontbreken]
| |
[Folio GG33vb]
| |
[D]aer [die m]enege te voren [...]
Sine sone hadde ghesien
Dat hem nemmermeer mochte ghescien
4985[regelnummer]
Des tyede hi vele sinen lieden
Dat si so dicke van hem scieden
¶ Dus bleef hi daer ter stede
Driuen sine serichede
Meneghen dach ende menech iaer
4990[regelnummer]
Eer dat hi sijn leuen verloos daer naer
Ende helt stille in sinen zale
Ny latic hier van desen die tale
Daer hi sinen rouwe dreef
Met sinen lieden daer hi bleef
4995[regelnummer]
Ende ic wil ons vroet maken
Van her galioots saken
Ende van den coninc arture
Daer of beghint dese auenture
Hoe artur voer iaghen. ende sijn vrouwe
5000[regelnummer]
Dat hem al quam te groten rouwe
Nv merct gi heren dit beghin
Van der auenture die comet in
Doe die coninc artur helt
Een groot hof met ghewelt
5005[regelnummer]
Tenen pinstren alse hi plach
Ende recht opten andach
Van den pinster daghe
Voer die coninc iaghen
Nochtoe was sijn hof niet versceiden
5010[regelnummer]
Ende hi dede met hem gheleiden
Die coninginne met ridders vire
Men salse hier achter nomen scire
Hoe si hieten ende wie si waren
Die metter vrouwen quamen geuaren
5015[regelnummer]
Ende wel ghewapint alse om har leuen
Die vrouwe was hem te gheleidene ghegheuen
Ende andre ioncfrouwen .i. groot ghetal
Diese hadden te gheleidene al
Ende te bevredene haren toren
5020[regelnummer]
¶ Die coninc was in den woude voren
Met meneghen riddre gheuaren
Ende coninghe uele diere waren
Die vonden wilt menichfout
Ende stroiden hem achter twout
5025[regelnummer]
Si hadden der vrouwen al vergheten
Want daer hadde hem menich vermeten
Dat hi hem ter iacht wel soude doen
¶ Die coninc voer ende menich baroen
Jn dat wout so verre
5030[regelnummer]
Dats sulke sider worden erre
[3 bladen ontbreken?]
| |
[Folio HH34ra]
| |
Jn sijn ghereide ende op sijn paert
Als .i. die was onveruaert
Ende greep manlike sijn spere
Alse die te vechtene hadde ghere
5035[regelnummer]
Dat harde starc was an scine
Ende sagremor greep tsine
Ende om haelden hare orse
Si quamen te samen met sulker porse
Dat die ridder tumelde ter erde
5040[regelnummer]
Ende vel so sere dat hem derde
Ter herte. ende an al die lede
Hi lach als een die sijn ghebede
Doet in ene kerke
Hi quetste hem so sterke
5045[regelnummer]
Hine mochte roeren hande no voet
So wee dede hem dat ghemoet
Binnen dien quam die andre naer
Alst den ghenen stont so suaer
Alse diene gherne hadde ghewroken
5050[regelnummer]
Sagremor ne hadde sijn spere niet te broken
Ende raecter den ghenen mede
Ende dedene uallen daer ter stede
Alse die andre dede te voren
Die waende hebben tlijf verloren
5055[regelnummer]
Mar dese ne quetste hem niet so sere
Nochtan was hi vten kere
Een luttelkijn eer hi bequam
Sijn swerd hi met haeste nam
Ende seide ridder beit te voet
[23 verzen ontbreken]
| |
[Folio HH34rb]
| |
5060[regelnummer]
Want dat swerd dat was so goet
Hem liep hersene ende bloet
Neder ter erden int gras
Die so sere ghewont was
Ten andren slaghe vel hi neder
5065[regelnummer]
Die nemmermeer ne rechte weder
No ne seide wiet hem dede
Want hi bleef daer doot ter stede
Dus verghinc den ghenen sijn spel
¶ Die ghene die daer teersten vel
5070[regelnummer]
Hi hadde hem seluen .i. stucke vergheten
Binnen dien was hi weder op gheseten
Ende sach waer sijn gheselle lach
Alse een die niet meer ne mach
Hi riep uaste ghenaden here
5075[regelnummer]
Ghi soudt v wreken alte sere
Naemdi mj mijn leuen hier
Jc kenne wel dat ic was te fier
Van miere tale ente fel
Mine ouerdaet die scijnt mj wel
5080[regelnummer]
Hi leide beide hande te gader
Ende seide dur gode onsen vader
Lieue ridder spart mijn leuen
Dat v god moete vergheuen
Ten ioncsten daghe al vwe mesdaden
5085[regelnummer]
Hi riep. hi claghede. hi bat ghenaden
Sagremor seide ic doet gherne
Jn dien dat gi van quaden scerne
Ende van vwer ondaet wilt [onberen]
[23 verzen ontbreken]
| |
[Folio HH34va]
| |
Dus voer sagremor van daer
5090[regelnummer]
Ende quam ghereden daer naer
Daer hi was al vten weghen
Ende vant .i. paulioen ghesleghen
Ende hi vanter voren staen
Een den lelicsten naen
5095[regelnummer]
Daer hi niet of horde ghewaghen
No hadde ghesien binnen sinen daghen
Jerghent in enech lant
Ende hi hadde enen staf in die hant
Die groot was ende suaer
5100[regelnummer]
¶ Ende alse sagremor quam bet naer
Om te groetene die hi daer sach
So gaf die naen enen slach
Sagremors paerde
Dattet al verstaerde
5105[regelnummer]
Van den slaghe diet hadde ontfaen
¶ Doe sprac sagremor ten naen
Also helpe mj god onse here
Ne lagher niet an mine onnere
Jc soude wreken nv mijn paert
5110[regelnummer]
¶ Die naen hi was al onveruaert
Ende gaf echter enen slach
Den orse die hem sere wach
Optat houet bouen den oghen
¶ Doene mocht die ridder niet langer gedogen
5115[regelnummer]
Ende voer den naen bet naer
Ende sloech sine ene hant int haer
Ende hiefene op ende warpene weder
[23 verzen ontbreken]
| |
[Folio HH34vb]
| |
¶ Sagremor kendene wel
Ende vraghedem hoe dat gheuel
5120[regelnummer]
Dat hi daer sat gheuaen
Ende wie dat hadde ghedaen
Deen kende den andren wel
¶ Doe seide die ridder dat hem gheuel
Dat hi den coninc volghede naer
5125[regelnummer]
Ter iacht wart ende hi quam daer
Al onghewapint want hem ne dochte
Niet sijn comen in anrochte
Alse mj ghesciede .i. luttel hier te voren
Dese ioncfrou hilt enen horen
5130[regelnummer]
Jn hare hant ende hiet mj blasen
Ende ic liet mj so verduasen
Dat ic den horen dede te monde
Ende blieser mede ene corte stonde
Binnen dien quamen hier ghereden
5135[regelnummer]
.ij. ridders die mj dese onseden
Daden si waren ghewapint wel
Ende te mj wart alte fel
Si waren starc ende groot
Ende ic was van wapinen bloot
5140[regelnummer]
Doe moest ouer mj gaen
Ende hebben mj aldus gheuaen
¶ Des hadde sagremor toren
Ende vraghede waer es die horen
Die ioncfrou seide ic lenen v
5145[regelnummer]
Wildiere mede blasen nv
Jaic sprac sagremor
[23 verzen + 3 bladen ontbreken]
| |
[Folio JJ35ra]
| |
Die tralie die daer stoet
Was van ysere uast ende goet
Binnen dien quam ene ioncfrou ghegaen
5150[regelnummer]
Ende hadde van sagremore verstaen
Hoe sine saken waren comen
Ghelijc dat die rose bouen andren bloemen
Jn den soemer scone staet
Smorghens metter dagheraet
5155[regelnummer]
Was hi scone bouen meneghen man
Daer was uele te prisene an
¶ Si sach sagremore daer binnen
Een deel begonste siene minnen
Dur sine scone ghedane
5160[regelnummer]
Daer uele was te prisene ane
Si sprac an hem behendelike
Ende seide god van hemelrike
Scone ridder die moet v houden
Ghi sijt gheuaen bi onscouden
5165[regelnummer]
Ende dur anders mans wille
Mar ic sal v beraden stille
Van den scoonsten ende van den besten
Dat hier sal comen binnen der uesten
Nemmer ne hebs mijn vader danc
5170[regelnummer]
Ic achte luttel op sijn beduanc
Jc sal v spreken ende gi mj
Dicke wile ende wesen bi
Sagremor sprac ioncfrouwe
Deser doghet ende deser trouwe
5175[regelnummer]
Moete v lonen der maghede kint
Ende si beriet hem cortelike sint
Enen vetten capoen wel ghebraden
Die hem wel quam te staden
Ende wijn ende broot
5180[regelnummer]
An te vane dur die noot
Waneer dat hijs begherde
Van des men vant bouen den erde
Dat men drinken mocht ende eten
Ende leets bi vergheten
5185[regelnummer]
Des beriet si hem ghenoch
Vroe ende spade sijn gheuoech
Siene liet hem ghebreken ghene sake
Si hilden onderlinghe sprake
Dicken ende te menegher vre
5190[regelnummer]
¶ Hier latic bliuen die auenture
Hoe sagremor lach gheuaen
Ende daer gi of hebt verstaen
Jc sal v tellen na enen dele
Na deser tale van doedinele
5195[regelnummer]
Doedineel daer men of heft ghehort
Voer metter ioncfrouwen also vort
Daer ic die tale of hebbe ghelaten
Dat hi quam binnen ere straten
| |
[Folio 35rb]
| |
Ende ghemoete enen naen
5200[regelnummer]
Ende ene ioncfrouwe wel ghedaen
Ende enen ridder dat waren si drie
Doedineel ghemoete die
¶ Nv hort wat die naen dede
Ene grote dorperhede
5205[regelnummer]
Hi wilde hebben te sinen dele
Die ioncfrouwe die quam met doedinele
Des so was si onblide
Die naen voer bi harre side
Hi wildese kussen an haren mont
5210[regelnummer]
¶ Ende si gaf hem ter seluer stont
Enen slach sonder beide
Dat hi rumede tghereide
Ende vel ter erden ouer sine handen
Dat sach sijn here ende wildet anden
5215[regelnummer]
Ende hi scoot met groten ghere
Na die ioncfrouwe metten spere
Ne hadde si der scote niet ontwinct
Hi hadde se doot of verminct
Hier omme balch hem doedineel
5220[regelnummer]
Ende wilde vellen sijn reueel
Hi seide valsch ridder ende versaghet
Hoe comet dat gi niet verdraghet
Ene ioncfrouwe bi miere wet
Ghi hadt dit ghelaten bet
5225[regelnummer]
Mi mochte lichte ic soude v steken
So sere v sout herte breken
Metten ysere van minen spere
Die ghene ne vruchte niet ene pere
Op dat hem doedineel behiet
5230[regelnummer]
Daer omme ne wilde hijt laten niet
Der ioncfrouwen te doene toren
Alse hi hadde ghedaen te voren
So langhe onderspraken si hem daer
Dat si ten speren vinghen daernaer
5235[regelnummer]
Ende quamen te gader so met crachte
Dat doedineel tenden scachte
Den andren stac vten artsoene
Ende veldene in dat gras groene
So dat hi lach .i. stucke al stille
5240[regelnummer]
Een deel ghequetst te sinen onwille
¶ Doe beite doedineel ter erde
Die prijs te beiaghene begherde
Ende liet sijn ors bi hem staen
Dat hem node soude sijn ontgaen
5245[regelnummer]
Vor sijn rechte here ware comen
Ende hijt weder hadde ghenomen
Hi vinc te sinen swerde doe
Ende hi tract vten scoe
¶ Binnen dien was die [ander] becomen
5250[regelnummer]
Ende hadde sijn sw[erd ghenom]en
| |
[Folio 35va]
| |
Ende ghinghen onderslaen te voet
Si hadden te vechtene goeden spoet
Ende sloeghen emmer slach in slach
Daer ne was gheen verdrach
5255[regelnummer]
¶ Binnen dien doedineel gherakede
Enen slach die niet ne smakede
Den andren in sinen scilde
Dat hi wilde of ne wilde
Hi moester laten steken binnen
5260[regelnummer]
Hine conster vte niet ghewinnen
¶ Die ander ontwranct hem vter hant
Daert stac in des scilts cant
Doe moeste doedineel achter gaen
Die ridder ghinc op hem slaen
5265[regelnummer]
Die doedinele versochte
Hi decte hem alse hi best mochte
Jeghen ghene slaghen
Den andren begonste die arm traghen
Ende wart vermoeit .i. groot deel
5270[regelnummer]
¶ Alse dit verkende doedineel
Dat an den ghenen was cranken were
Stac hine met goeden ghere
Vor die borst metten scilde
Dat hi wilde of ne wilde
5275[regelnummer]
Vallen moeste optie erde
Van der steke die hem so derde
Ende hem verwandelde sine ghedane
Ende doedineel ghinc hem ane
Ende trac hem of den stalin hoet
5280[regelnummer]
Die vast was ende goet
Ende maecte hem sijn houet bloot
Doe seide hi ridder gi sijt doot
Die van eersten waret so fel
Jc sal v ghematen wel
5285[regelnummer]
Binne dien was die ridder becoelt
Vander wonden die hi hadde gheuoelt
Ende spranc op van der erde
Ende vercoeuerde ten swerde
¶ Ende doedineel dat sine trac
5290[regelnummer]
Vten scilde daert in stac
Doe ghinghen si hem onderslaen
Alsi te voren hadden ghedaen
Suare slaghe ende groot
Die ghene hadde thouet bloot
5295[regelnummer]
Hine mochtes langher niet ghedoghen
Hem liep tbloet ouer die oghen
Die cuffie ne mocht niet ghedraghen
Sonder helm. die suare slaghen
Hi moeste bliuen in die scade
5300[regelnummer]
Ende riep ridder ghenade
Jc kenne d[at ic b]en verwonnen
[God hi heuet v dies gheon]nen
| |
[Folio 35vb]
| |
Hi was v houder dan mj
Hets goet recht ic seg v twi
5305[regelnummer]
Jc bekens mj seluen wel
Dat mi dorperheit gheuel
Bidien ist ouer mj vergaen
Jst v wille gi moghet mi slaen
Jc gheue mj op al gheheel
5310[regelnummer]
¶ Doe antworde doedineel
Ende seide ridder ic late v leuen
Wildi v vriendelike op gheuen
Ende varen daer ic v sende sal
Dus moghedi verdinghen al
5315[regelnummer]
Ende leuen vort met minnen
Dats ter fonteinen van der aluinnen
Daer suldi die coninginne vinden
Ghi sult hare segghen ende onbinden
Dat icse harde sere groete
5320[regelnummer]
Ende inne hadde ghene moete
Te varne daer si mj gheboot
Dat benam mj andre noot
Dat ic weder niet ne wende
Segt dat ic v daer sende
5325[regelnummer]
Jn hare ghenaden gheuaen
Aldus so moghedi hier ontgaen
Ende verwinnen dit leet
¶ Die ghene sprac ic bens ghereet
Dus was ghecort ghene strijt
5330[regelnummer]
Die ridder sat op sonder respijt
Te doene dat men hem hiet
Dus nam hi orlof ende sciet
Ende voer ter coninginnen waert
¶ Die naen sat weder op sijn paert
5335[regelnummer]
Daer ne die ioncfrou of sloech
Ende dat hi so qualike verdroech
¶ Doe bat hem doedineel
Dat hi hem seide .i. deel
Waer omme hi die ioncfrowe ane reisde
5340[regelnummer]
Ende dat hi hem niet ne vreisde
¶ Die naen antworde ouerlanc
Bi gode ridder het dede beduanc
Ende ic mach v segghen hoe
Mijn here duanker mj toe
5345[regelnummer]
Hi wilde dat ic begonste den strijt
Hi heuets gheploen langhe tijt
Nv es hijs bleuen in die onnere
¶ Binnen dien volghede hi sinen here
Die ter coninginnen voer
5350[regelnummer]
Ende alsemenre of sach dat boer
Quam her keie ieghen hem ghegaen
Hine wiste wat hi wilde bestaen
Weder quaet ofte goet
Ende alse her keie doe verstoet
[1 blad ontbreekt]
| |
[Folio KK36ra]
| |
5355[regelnummer]
Nv beghint hier ene tale
Die coninginne vel te dale
Dicke wile in ommacht
Ende verloos al hare cracht
Ende alsie weder was becomen
5360[regelnummer]
Sprac si god moete nv verdoemen
Die doot dat si mj laet leuen
Ende hi des lijfs heft begheuen
Die bloeme was van al dien
Die ridderscaps plien
5365[regelnummer]
Met rechte claghe ic mine scade
Si was sere tenden rade
Daer mochtemen sien mesbaren
Alle die met har waren
Om harre vrouwen toren
5370[regelnummer]
Die waende hebben tlijf verloren
Ende diemen so mesbaren sach
¶ Die ridder die daer ter erden lach
Die die coninginne vreisde
Van erst ende anereisde
5375[regelnummer]
Die de drie ridders ter neder stac
Hi was becomen so dat hi sprac
Ende vraghede der vrouwe
Wes si dreue sulken rouwe
Ende wes si har so mesliet
5380[regelnummer]
¶ Die vrouwe sprac inne machs niet
Dat ic hebbe rouwe groot
Die bloeme van ridderscepe es doot
Nvne achtic ridderscaps al niet
Sint dat hi van der warelt sciet
5385[regelnummer]
¶ Doe vraghede die ridder om niemare
Wie dat die ridder ware
Die daer sinen ende hadde ghenomen
Ende daer hare die rouwe of was comen
Die coninginne seide het ware lantsloot
5390[regelnummer]
Doe hadde die ghene rouwe groot
Of meerre dan die coninginne
Ende was so sere tenden sinne
Beide van rouwen ende van claghen
Hem allen ontfarmets diet saghen
5395[regelnummer]
Ende die hem waren so ghehende
¶ Die vrouwe vraghede of hine kende
¶ Hi seide hi kendene so vort
Ende hadder so uele of ghehort
Dat hi achter desen dach
5400[regelnummer]
Nemmermeer blide wesen mach
Hi weende hi dreef groten rouwe
Doe ghereide hare die vrouwe
Ende wilde varen te cardeloot
Si hiet hem allen ende gheboot
5405[regelnummer]
Dat niemen ne make niemare
Van des dat daer gheuallen ware
| |
[Folio 36rb]
| |
Toter wilen en de toter stonde
Dat die van der tafelronde
Weder te houe waren comen
5410[regelnummer]
Ende men andre dinc hadde vernomen
¶ Dus scieden si alle van daer
Daer hadde die meneghe therte suaer
Ende voeren tote cardeloot
Al driuende haren rouwe groot
5415[regelnummer]
¶ Mar die coninginne hadde wel beuolen
Dat ghene saken bleuen verholen
Ende dats daer niemene ghewoeghe
Onthier. ende het har seluen voeghe
Ende men decte die niemare
5420[regelnummer]
Hier blijft die tale van hare
Ende van die se te houe brochte
Ende kere te lantslote van der haghedochte
Hier seghet ons die tale
Dat lantsloot voer tenen male
5425[regelnummer]
Metter ghedagheder ioncfrouwe
Om te behoudene sine trouwe
Dat langhe ghinc ouer mjddach
Binnen dien her lantsloot versach
Ene ioncfrouwe comen in sijn ghemoet
5430[regelnummer]
Die har leuen harde wel stoet
Bi al dien dat lantslote dachte
Op enen muel die telde sachte
¶ Doe si hem quam bet ghehende
Lantslote ende siene kende
5435[regelnummer]
Groete hi se eer si hem dede
Het was altoos sine zede
Dat hi ioncfrouwen groete
Teersten dat hi se ghemoete
Ende si seide god lone v here
5440[regelnummer]
Ende behoude v in vwe ere
Ne dade hijs niet so dade hi sonden
Vwe gheliken ne [wa]s noit vonden
Van ridderscepe in gheen lant
Jc wane men sulken ridder noit ne vant
5445[regelnummer]
An v es te prisene ghenoech
Beide doghet ende gheuoech
Jnne weet sake die v dert
Ende gi sijt harde sere beghert
Jnt lant van strangorre
5450[regelnummer]
Daer soude die meneghe sijn in porre
Om v te soekene wisten si waer
Dur v heft die meneghe therte suaer
Ende die v sere begheren
Dat si haren sin verteren
5455[regelnummer]
Om v te sprekene ende te siene
Mochten si v vinden bi engiene
Ende binnen haren lande bringhen
Ents hem god wilde ghehinghen
| |
[Folio 36va]
| |
Daer uore namen si ghene haue
5460[regelnummer]
Al vonden si man die se hem gaue
Of mochten si horen van v niemare
¶ Her lantsloot antworde hare
Joncfrouwe god lone v
Der doghet die gi segt nv
5465[regelnummer]
Ben ics werdich of ne ben
Aldus sciede die ioncfrou van hem
Ende si voeren vort toter stonde
Dattet nakede den auonde
Doe quamen si enen foreeste bi
5470[regelnummer]
Hi ende sie. daer vonden si
Een harde scone ghesate
Daer woende in .i. drussate
Dien foreeste wel ghehende
Ende die lantslote kende
5475[regelnummer]
Daer waren si beide wel ontfaen
Ende te ghemake ghedaen
Van al des men mochte
¶ Lantsloot was ghebeddet sochte
Daer men dicke in den dach
5480[regelnummer]
Sine wonden besach
Men liet hem niet ghebreken
Daer in lach hi .iij. weken
Ende moeste sijns dachs onbiden
Eer hi gaen mochte of riden
5485[regelnummer]
Ende eer hi mochte wel ghenesen
¶ Nv latic hier die tale van desen
Ende kere weder te doedinele
Ende salre of segghen van enen dele
Die ioncfrou daer wi of seiden
5490[regelnummer]
Si voeren wech onder hem beiden
Ende daer hi an was comen
Nv hort wat men hier sal nomen
Toter wilen ende toter stonden
Dat si ene riuiere vonden
5495[regelnummer]
Die wijt was ende diep
Entie harde sere liep
Daer ouer ghinc ene brugghe lanc
Die smal was ende harde cranc
¶ Doe vraghede hi der ioncfrouwe
5500[regelnummer]
Ende seide bi vwer trouwe
Hoe hebdi mi hier brocht
Ende wat hebbe wi hier socht
Hoe soudic ouer dese brugghe liden
Men ne macher ouer gaen no riden
5505[regelnummer]
¶ Doe sprac si ic seg v wat gi doet
Laet staen v paert. gaet ouer te voet
Dats tbeste dat ic can verhoren
Jc sal allene gaen ouer voren
¶ Doe seide hi ter goeder vren
5510[regelnummer]
Jc neme dats mi mach gheburen
| |
[Folio 36vb]
| |
¶ Die ioncfrou ghinc voren gher[eet]
Alse die der brugghen niet ne meet
Si hadt dicke te voren ghedaen
Ende conster te bet ouer gaen
5515[regelnummer]
Die wel hadde verdient lachter
¶ Ende doedineel volgheder achter
Ende liet tender brugghen sijn paert
Alse hi quam ter middewaert
Was si so cranc ende so clene
5520[regelnummer]
Dat hi hem ouer sine bene
Langher onthouden niene conde
Ende vel int water ende voer te gronde
Ende alse hi weder op quam
Dede dauenture dat hi nam
5525[regelnummer]
Die brugghe in sinen arme beide
Dat water dede hem so leide
Des hi te uele hadde ghedronken
Dat hi te bodeme was ghesonken
Hi hads vol sinen lichame
5530[regelnummer]
Dat hem dede suare mesquame
Nochtan halp hem die auenture
Al wardet hem sere te su[r]e
Dat hi met alre ghewelt
Hem an die brugghe helt
5535[regelnummer]
¶ An danderside quam ghegaen
Een dorper te voet ende ghinc staen
Ten ende van der brugghe
Ende keerde den ridder sinen rugghe
Ende doedineel riep lieue here
5540[regelnummer]
Helpt mj dur die gods ere
Vte desen watre of gi moghet
Dat v god lonet alle doghet
Die dorper antworde wat dadi daer
Jn dat water diep ende suaer
5545[regelnummer]
Waendi daer auenture vinden
Domheit dedes v onderwinden
Dorper ne es te ghere vre
Sculdich te doene ridders auenture
Bidien ne wil ics mj niet bewinden
5550[regelnummer]
Nemet dat gi daer moghet vinden
¶ Doe seide die ridder hine looch niet
Die den dorp[er] dorper hiet
No men soude ghenen dorper nomen
Jnt hof daer goede liede comen
5555[regelnummer]
Ende sine sins werdich niet
Dat hem so uele eren ghesciet
¶ Die ridder was sere tonghemake
Ende liet den dorper ende die sprake
Op wien dat hi was gram
5560[regelnummer]
Die ridder pijnde hem dat hi quam
Optie brugghe metten lichame
Ende croop so langhe al docht hem scame
[3 dubbelbladen ontbreken?]
| |
[Folio KK37ra]
| |
¶ Doe beite aglouael ter erde
Ende vinc ghenendelike toten swerde
5565[regelnummer]
Ende seide ridder lyet verwonnen
Die den strijt heft begonnen
Op desen ridder onuerdient
Comt hem te genaden ende blijft sijn vrient
Jegen den ridder die hier hout
5570[regelnummer]
Of gi v weet der daet bescout
Jegen den ridder. ende soect genaden
Ende betert vwe mesdaden
¶ Die ander sprac hi sloech te doot
Minen sciltknape sonder noot
5575[regelnummer]
Nv had ics wrake wel genomen
Ne waerdi hem niet te staden comen
Aglouael sprac het ware onrecht
Soudi ouer enen sciltknecht
Enen ridder slaen te doot
5580[regelnummer]
Die wrake soude sijn te groot
Vergeuet hem vwen euelen moet
Ende sijt gevriende het dunct mj goet
Anders salt ouer v gaen
Jnne liete v niet den ridder slaen
5585[regelnummer]
Dur te latene mijn leuen
Jc wil dat hier si vergeuen
Al euel moet tusschen v beiden
Eer ic van v sal sceiden
So lange dede hi met siere bede
5590[regelnummer]
Dat hise beide versoenen dede
Ende ghevriende wesen wel
¶ Doe vragede die ridder diere uel
Aglouale waer hi soude
Hi ware daer in den wilden woude
5595[regelnummer]
Ende het ware den auonde bi
Lieue ridder. ende bedi
So comt tameer binnen miere veste
Herbergen. dat es v tbeste
So lange spraken si van dien
5600[regelnummer]
Dat siere voeren onder hem drien
Herbergen bi ghemenen rade
Om te makene vrientscap ghestade
Des auonts waren si wel ontfaen
Soudict v al doen verstaen
5605[regelnummer]
Wat menre at ende dranc
Het soude v dunken alte lanc
Na den etene saten si ende spraken
Weder ende vort van menegen saken
Alse hoghe liede plien
5610[regelnummer]
¶ Doe vragede die wert mettien
Aglouale wat hi sochte
Ende wat nootsake datten uut brochte
¶ Doe telde hi van ende torde
Die redene entie vorworde
| |
[Folio 37rb]
| |
5615[regelnummer]
Hoe dat die coninc voer iaghen
Ende wat siere daden ende sagen
Ende hoe hem lantsloot was ontweget
Des si sere waren ontseghet
Te houe daer of ende veruaert
5620[regelnummer]
Ende men ne wiste warwaert
Dat hi geuaren wesen mochte
Ende hi seide dat hine sochte
Ende si .ix. der mede
Weder ende vort te meneger stede
5625[regelnummer]
Jc vruchte dat hi ons es onghereet
Dat gheriedste dat icker of weet
Dats dat .i. ridder quam ghereden
Op .i. ors met sconen leden
Selue sceen hi .i. starc man
5630[regelnummer]
Ende hi hadde rode wapine an
Ende voerde eens ridders houet
Nilics van den buke gerouet
Dat mochtemer ane wel bekinnen
Hi leet ter fonteinen van der aluinnen
5635[regelnummer]
Daer die coninginne sat
Ende voer bi vort sinen pat
Hine lette niewet daer
Mijn her keie volgedem naer
Mar hine keerde niet
5640[regelnummer]
Wine weten wat hem es ghesciet
Weder bliscap ofte lachter
Ende .i. ridder uolgede achter
Daer wi niet of hebben verhort
Also uele als .i. wort
5645[regelnummer]
¶ Doe peinsde die ridder van daer binnen
Lietic desen ridder bekinnen
Dat ic was diere voer
Daer die vrouwe of sach dat boer
Beide van den houede ende van mj
5650[regelnummer]
Jc ben wel seker des dat hi
Mi nijt soude dragen ende wanconnen
Ende van lantslote soude of gonnen
Hi si doot of ne si
Dese ridder soudt tyen mj
5655[regelnummer]
Ende seide dat hi niet ne wiste
No geweten conste bi liste
No binnen langen hadde gehort
Also uele als .i. wort
Van lantslote. anders dan hi daer seide
5660[regelnummer]
God moesten verden van leide
Mar om dat gi mijn gast sijt
Jc sal v morghen te primetijt
Keien den drussate wisen
Wildi mine herberge prisen
5665[regelnummer]
Aglouael dankets hem sere
Ende seide ia ic lieue here
| |
[Folio 37va]
| |
¶ Doe wijsde hem die wert enen ermite
Ende seide hem sekerlike
Hi soude daer keien vinden
5670[regelnummer]
Wilde hine te soekene bewinden
Ende of hine ooc niet vonde daer
Hi soude cortelike comen daer naer
¶ Aglouael dancte hem sere
Der doghet enter ere
5675[regelnummer]
Die hi hem dede daer ter stede
Si ghingen slapen bi lieuer lede
Toter wilen dat was dach
Ende dattene aglouael versach
Doene wilde hi langer letten niet
5680[regelnummer]
Te soekene dat hi behiet
Ende dat hi vinden niet ne mochte
Lantslote vander hagedochte
Teerste dat hi was ghereet
Dat lange letten was hem leet
5685[regelnummer]
Hi nam sconen orlof
An al die waren achter thof
Ende voer daer hem die werd vermaende
Ende daer hi keien vinden waende
Ter ermitagen daer hi seide
5690[regelnummer]
Met haesticheden sonder beide
Binnen dien liet die werd gaen
Keien dien hi hadde geuaen
Jn dien dat hi ten heiligen suoer
Eer dat hi dane voer
5695[regelnummer]
Dat hi nemmermeer gewoeghe
No nemmermeer vort droege
Wie dattene hadde geuaen
Op dat so liet hi keien gaen
Ende wijsdene tote aglouale
5700[regelnummer]
Hi voer van daer met deser tale
Daer hem die werd hadde gheseit
Ende vant aglouale ghereit
Deen ontfinc den andren wel
Ende hadden bliscap ende spel
5705[regelnummer]
Dat si te samene waren comen
¶ Doe ghinc aglouael nomen
Hoe si Lantslote hadden onghereet
Ende datmen te houe niet ne weet
Wane hi quam ende waer hi voer
5710[regelnummer]
Sine wister of gheen gheboer
Warwart hi wesen mochte
Ende seide hem wie dattene sochte
¶ Doe suoer keie daer ter stede
Dat hi soude varen mede
5715[regelnummer]
Om te vindene of hi mochte
Lantslote vander hagedochte
Dus verselden si onder hem beiden
Die te voren waren ghesceiden
| |
[Folio 37vb]
| |
Ende voeren wech daer ter vre
5720[regelnummer]
¶ Hier blift staende dese auenture
Nv keric weder te waleweine
Die voer berghe dale ende pleine
Hoe walewein verloste sagremoer
Doe hi lantslote soeken voer
5725[regelnummer]
Hier laet dese auenture bekinnen
Die wi nv lesen beginnen
Dat doe her walewein sciet
Van sinen gesellen die hi liet
Doe hijt swerd hadde ghesien
5730[regelnummer]
Dat so bloede. doe quam na dien
Mijn her walewein die sochte
Lantslote van der hagedochte
Hi voer .iij. daghe al dure
Eer hi vant auenture
5735[regelnummer]
Daer iet an te vertelne lach
Daer na opten vierden dach
Wart hi beuaen met enen vake.
Sijn herte was suaer ende tongemake
Ende leuede met onreste
5740[regelnummer]
Ende quam vor mathamas veste
Eer hijs hem bedochte
Om auenture die hi sochte
Met dat hi dus quam ghereden
Was hi ghene ueste leden
5745[regelnummer]
Eer hijs hem vorsach
Dat dede die slaep die hem an lach
Dat hiere niet of hadde verstaen
¶ Ende mathamaes hi quam gegaen
Om te cortene sinen dach
5750[regelnummer]
Vor sine porte ende hi sach
Waleweine gewapint riden
Hi groetene met dat soude liden
¶ Mar walewein ne horets niet
Dat dede die vaec die hem ne liet
5755[regelnummer]
¶ Hier omme blach hem mathamas
Die here van daer binnen was
Ende waende dattie ridder hadde onwerd
Dat hine te groetene niene beghert
Hi dede hem wapinen ter vaert
5760[regelnummer]
Ende sat op al onghespaert
Alse die sere was verbolgen
Ende voer waleweine volgen
Met scilde ende met spere
Alse die te vechtene hadde ghere
5765[regelnummer]
Op waleweine die daer leet
Ende die hem tandwordene vermeet
Daer omme was hi verbolgen
Ende voer waleweine volghen
Ende hi riep ridder keert v omme
5770[regelnummer]
Die lange sweghet alse .i. domme
[29 verzen ontbreken]
| |
[Folio LL38ra]
| |
Ende her walewein maecte hem thouet bloot
Ende vander [cu]ffien die was goet
Ende van den [h]elme diere op stoet
¶ Doe riep m[a]thamas genaden
5775[regelnummer]
Hem dochte [h]i was sere verladen
Daer toe du[a]nghene die noot
Ende seide rid[d]er sladi mi doot
Jnne hadde niet iegen v mesdaen
Ghi souts grote sonde ontfaen
5780[regelnummer]
Laet mj leuen dur onsen here
Ende dur alre ridders ere
Her walewein seide hets omme niet
Bi hem die hem crucen liet
Jc sal v hier ter stede doden
5785[regelnummer]
Jnne laets mj niet verbloden
Jc ben die v niene verdraghe
Ghine berecht mj des ic v vraghe
Jc bekenne v nv wel
Ghi hebt altoos gewesen fel
5790[regelnummer]
Jegen die te arturs houe behoren
Ghi hebt hier v lijf verloren
Jnne late v niet ontgaen
Ghine segt mj of gi hebt gevaen
[29 verzen ontbreken]
| |
[Folio LL38rb]
| |
Ende worden op waleweine gram
5795[regelnummer]
Ende begonsten hem felle cire togen
¶ Mathamas ne wildes niet ghedoghen
Dat men waleweine messeide .i. wort
Ende haelde sagremore vort
Die in vangenessen lach
5800[regelnummer]
Her walewein was blide doe hine sach
Ende helden tale ende weder tale
Onder hem lieden in den zale
Ende vertrecten har couent
Vor alle diere waren omtrent
5805[regelnummer]
Mathamas louede daer
Ende seide hi soudt houden waer
Dat hi te houe soude riden
Ende langer niet onbiden
Ende vertrecken daer tcouent
5810[regelnummer]
Hoe dattene walewein daer [ha]dde ghesent
Ende op welc .i. ghelof
¶ Doe rumede walewein dat hof
Met sagremore dien hi daer vant
Ende sette hem spel an hant
5815[regelnummer]
Hoe si lantslote hadden verloren
Ende alsemen horde hier te voren
[29 verzen ontbreken]
| |
[Folio LL38va]
| |
Hine wilde niet keren dur bloothede
Hi was die hem niet veruaerde
Hi beite neder van sinen paerde
5820[regelnummer]
Want hi sach ouer twater staen
Enen casteel wel gedaen
Ende wilde weten die niemare
Wiere in woende ende wes hi ware
Des so wilde hi nemen goom
5825[regelnummer]
Ende bant sijn ors an enen boom
Daer so liet hi staen sijn paert
Ende ghinc ouer onueruaert
¶ Binnen dien hadde hi vernomen
Enen ridder iegen hem comen
5830[regelnummer]
Ghewapint op .i. starc paert
Wat dat hi mochte tot hestore waert
Ende hestor diene ghemoete
Harlijc [and]ren niet ne groete
Dan metten spere voren
5835[regelnummer]
Die ghene hadde scire den slach verloren
¶ Hestor gheraectene so
Den ridder dat hijs was onvro
Ende keerde die voete opwaert
Beide hi ende sijn paert
[29 verzen ontbreken]
| |
[Folio LL38vb]
| |
5840[regelnummer]
Met bliscepen ende met reuele
Man ende wijf .i. groot getal
Die hem vielen te voeten al
Dat hi hem des duuels hadde verlaten
Dien noit ridder ne conste gematen
5845[regelnummer]
Daer si mede waren verladen
Si boden hestore ende baden
Den casteel dien hi daer sach staen
Ende seiden wilde hine ane vaen
Si soudene hem gerne op geuen
5850[regelnummer]
Ende met hem leiden har leuen
Alse lange alse hi mochte gewaren
End se god wilde sparen
So wilden si hem in hulpen staen
Ende seiden dat daer lach geuaen
5855[regelnummer]
Een ridder die te arture behorde
Doe gingen si wech metten worde
Ende leden hestore daer binnen
Sien mochte hi den ridder bekinnen
Die daer in vangenessen lach
5860[regelnummer]
Ende teerste dattene hestore sach
Was die een van den anderen blide
Ende elc scoot an sanders side
| |
[Folio JJ39ra]
| |
Ende deilden menech scone wort
Jnne cant niet al geseggen vort
5865[regelnummer]
Men rechte taflen ende ghinc eten
Die ridder was scire vergeten
Ende alsemen weder op dede
Ende si hadden gheten bi lieuer lede
Doe wilde hestor dane riden
5870[regelnummer]
Ende langer niet onbiden
Ende doedinele met hem leiden
Ende alse hi dane wilde sceiden
Waren si droeue van den worden
Alle die ghene diet horden
5875[regelnummer]
Hine ware bleuen binnen der zale
Mar des ne halp ghene tale
Alst also vort was comen
Dat si orlof hadden genomen
¶ Hestor ende doedineel die wilde
5880[regelnummer]
Voeren wech die ridders milde
Hestor vertelde die redene al
Doedinele groot ende smal
Hoe die saken comen waren
Ende hoe die heren waren geuaren
5885[regelnummer]
Te soekene lantslote
Om hem waren die genote
Droeue men ne wiste waer hi was
¶ Ende doedineel antworde das
Dat hi mede wilde sweren
5890[regelnummer]
Hine wilde des eets niet onberen
Dat die andre hadden ghesuoren
Alsemen horde hier te voren
Ende alse hi den eet hadde gedaen
Ende alsene hestor hadde ontfaen
5895[regelnummer]
Voeren si wech onder hem beiden
Alse die niet ne wilden sceiden
Vor die termijn was comen
Dien si onderlinge hadden genomen
Die gesellen doe si scieden
5900[regelnummer]
Alse gi hort bedieden
Vergaderden si op enen dach
Dat harlijc sinen geselle sach
Ten swarten cruce. in den foreeste
Ende dreuen onderlinge feeste
5905[regelnummer]
Meer dan ic v vertellen mach
Alse deen den andren sach
Mar dat si binnen desen stonden
Lantslote niet ne vonden
Ende dattene har negheen ne sach
5910[regelnummer]
Des hadden si harde suaer verdrach
Ende droegen des ouer een
Daer ne bleef achter har ne gheen
Dat sine souden soeken varen
Ende alsi scieden die daer waren
| |
[Folio 39rb]
| |
5915[regelnummer]
Ende orlof namen daer ter steden
Weenden si van iamerheden
Op auenture wat hem soude ghescien
Ende of dien den andren noch soude sien
Ende voren wech altemale
5920[regelnummer]
¶ Nv latic staen hier die tale
Van al desen heren
Sonder op waleweine wil ic keren
Nv suldi horen op dese vre
Van her waleweins auenture
5925[regelnummer]
Nv gaet hier echt ene redene in
Daer gi of horen moghet begin
Ende lesen ende tellen
Doe walewein voer van sinen ghesellen
Die hem spreiden hare entare
5930[regelnummer]
Om te vereischene niemare
Van lantslote mochten siere an comen
Ende walewein hadde den wech genomen
Dien hi harde lange voer
Ende hi vernam van niemene boer
5935[regelnummer]
Van dien die hi sochte
Ende dicke sere bedochte
Daer hi felle auenture vant
Ende walewein quam te hant
Ten lande van strangorre waert
5940[regelnummer]
Hine haddes daghes niet ghespaert
Die lanc was ende heet
So dat sijn ors was al besweet
Ende moede vtermaten
Ende sach bi ere straten
5945[regelnummer]
Ene fonteine dier hi nam goom
Daer omme stont menich scone boom
Daert onder goet rusten was
Ende her walewein beite int gras
Optie fonteine daer hi hem coelde
5950[regelnummer]
Ende daer hi den wint gheuoelde
Dat hi vergat sinen rouwe
¶ Binnen dien quam daer ene ioncfrouwe
Die waleweine harde scone dochte
Op enen muul. die telde sochte
5955[regelnummer]
¶ Si groete waleweine saen
Die sinen helm of hadde gedaen
Harde vriendelike. ende hi hare
Teerste dat hiere wart geware
Si kendene wel doe siene sach
5960[regelnummer]
Ende seide here hets anden dach
Ghegaen ene lange stonde
Ende naket scire den auonde
Bi dien radic v dat gi
Tauontmeer comt herbergen met mj
5965[regelnummer]
Dats v tsienste dat ic weet
Die herberge sal v wesen ghereet
| |
[Folio 39va]
| |
¶ Hi ontseide har ende si bat
Ende si seide daer ne ware ghene stat
Daer hi herberge soude vinden
5970[regelnummer]
Al wilde hise te soekene bewinden
So lange dat siene an di[en] brochte
Dat hi se begherde ende sochte
Dat sine bemaende ende besuoer
Dat walewein met har voer
5975[regelnummer]
Ende wilds hare bede niet verhoren
Hi hadde snachts gelegen te voren
Tenen clostre daer hi sine wapine liet
Om andre daer men hem bet toe riet
Ende om dat hi niet ne wilde
5980[regelnummer]
Mijn her walewein die milde
Dat menne ouer al bekende
Quame hi verre of gehende
Dus voer hi in corter wilen
Om die mate van ere milen
5985[regelnummer]
Jn der ioncfrouwen geleide
Diene herbergede ende daer ic of seide
Om dat hem dochte tbeste
Si leidene binnen ere veste
Daer hi wel was ontfaen
5990[regelnummer]
Ende sijn ors toe gemake gedaen
Binnen dien so quam .i. bode
Ende seide ioncfrouwe bi gode
Hier comt mijn here van hier binnen
Bi al dat ic can bekinnen
5995[regelnummer]
Brinct hi binnen siere scaren
.xx. ridders die comen geuaren
Alle in siere geleiden
Nv doet genoech gereiden
Sprac die ghene ic bens vast
6000[regelnummer]
¶ Doe vragede walewein har gast
Wat dien here mescomen mochte
Dat hi al die ridders brochte
¶ Die ioncfrou antworde na desen
Here hier sal morgen wesen
6005[regelnummer]
Een vermeten tornoi bi.
Ende dur dese sake ende bedi
Dat v werd ende mijn here
Gherne soude ontfangen ere
Jn den tornoi ende prijs
6010[regelnummer]
Soeket hi in elker wijs
Om hulpe ende om cracht
Alse die gerne name macht
Die coninc marboer
Sal grote helpe hebben oer
6015[regelnummer]
Ende mach gheuen grote haue
Mijn here es onthouden met enen graue
Die iegen den coninc sal wesen
Nv wouts god wies sal genesen
Si hebben hem beide sere vermeten
| |
[Folio 39vb]
| |
6020[regelnummer]
Morghen sal men den fijn weten
Wie daer hebben sal die ere
¶ Binnen desen quam die here
Met sinen ridders in dat hof
Ende beite ter eren of
6025[regelnummer]
Si waren alle bet ontfaen
Dan ic v mochte doen verstaen
¶ Doe maecte die vrouwe vroet
Haren here so dat hi wel verstoet
Dat daer her walewein comen ware
6030[regelnummer]
Hi was blide van der niemare
Ende ontfinghene wel met eren
Dus waren te samene daer die heren
Ende hilden onderlinge sprake
Si hadden ghenoech van meneger sake
6035[regelnummer]
Doe die dienst was gedaen
Entie maeltijt vergaen
Bat die here sinen gast
Met goeder herten harde vast
¶ Entie ridders allegader
6040[regelnummer]
Badens der auenturen vader
Waleweine die bi hem sat
¶ Entie vrouwe mede bat
Dat hi wapine droeghe
Dur sine genaden oft hem voege
6045[regelnummer]
Opten anderen dach daer naer
Metten gonen die waren daer
Ende helpen behouden hare ere
Des baden si waleweine sere
Diet node soude hebben ontseit
6050[regelnummer]
Ende sprac hi waers ghereit
Alte doene dat hi wiste
Beide met crachte ende met liste
Dat goet ridder soude bestaen
Ouer die hem ere hadden gedaen
6055[regelnummer]
Des waren si alle toe gemake
Ende dancten hem sere dier sake
¶ Doet tijt was ende hem goet dochte
Ghingen die heren slapen sochte
Des men den sconen dach vernam
6060[regelnummer]
Ende dat licht in dien zale quam
Ende teerste dat mene mochte bekinnen
Stont op die here van daer binnen
Entie ridders altemale
Die daer lagen achter dien zale
6065[regelnummer]
Ende ghingen hem scoeien ende cleden
Ende daden hem wapinen ende gereden
Alse die niet wilde sparen
Van alle den ridders die daer waren
Daer ne was nieman so scire ghereet
6070[regelnummer]
No gewapent no ghecleet
Alse walewein des heren gast
Ende dede sijn ors zadelen vast
Ende vort bringhen in dat hof
|
|