Het keurboek der stad Diest

Dat men van comenscape sal betalen metter zonnen, xxxviij.

1.	Alrande comenscap die men van des dijsdaeghs none tote naesten goedensdaghe^(7) savons te Dyest drijft, sal men betalen dies selfs goedensdaeghs^(8) metter zonnen, daer en si ander dagh ghegheven. Dies niet en duet ende daer

(7) B: goensdaghe.

(8) B: goensdaeghs.

[p. 7]

	af wort beclaeght ende verwonnen metter waerheit, alse recht es, saels ghelden v. s. En blijft de clegere der claghen achter^(1), so sal hi ghelden v. s. En dat sal men richten na dien goedensdagh^(2) alle daghe alse die claghere rechts begeert.
2.	Van anderen^(3) comenscapen, die men alle andere daghe drijft, sal men ghelden metter zonnen, op eene pene van xx. s. Ende over de ghene die dies niet en ghelden mach men des andersdaeghs claghen, eens, ende niet meer, alse van scoude die vore scepenen steet; daer en si ander dach ghegheven.

(1) Lees: achtervellich, als in B.

(2) B: goensdagh.

(3) B: Maer van anderen.