Jan van Beverley (1903)

Jan van Beverley

(1903)–Anoniem Jan van Beverley– rechtenstatus

Auteursrecht onbekend

Vorige Volgende



[pagina 33]
Hoe sint Ians suster vander doot op stont dye hy vercracht ende vermoort hadde DIe heylige heremijt sint Ian is terstont ghegaen daer hy sijn suster begraven hadde ende hy brack dat graf op met weenenden ooghen, ende also haest als dat graf op ghedaen was so stont si wten grave op ende si seide met luyder claerder stemmen aldus. Och wie is die creature Die mi wt mijnder rusten wect
[pagina 34]
Het dunct mi mijn broeder die daer sprect Dat hoore ick wel aen sijn tale Sint Ian Wat leefdy noch cuyssche smaleGa naar voetnoot1) Die alderliefste suster mijn Och heere hoe mach dit sijn Ende ick dy aen dede so quaden doot Colette Och lieve broeder ick en hebbe gheen noot Ick leve met vruechden in mijnen gheeste Ic hebbe ghesien menighe hooghe feeste Menigen enghel van grooter weerden Heeft tot mi ghecomen hier opter eerden Met grooter hemelscher melodijen Dat ick mi daer inne moeste verblijen Ick hebse hier dicwils bi mi ghesienGa naar voetnoot2) Ende uwen goeden enghel heb ick vernomen Met grooter blijscap tot mi comen Ende seyde mi u heylich stranghe leven Daer ghi u selven toe hebt ghegheven Ende mijn goede enghel heeft mi doen verstaen Dat ick maechdeliken loon sal ontfaen Al hadt ghi mijn reynicheyt ghenomen af Om dat ick mijnen wille daer niet toe en gaf Ende het was teghen mijnen danck Daer u dronckenschap toe dwanck Ende om dat u die quade enghel daer toe bracht Dat ghi aen mi dedet moort ende cracht
[pagina 35]
Daerom hebben die Enghelen ende die archangeliGa naar voetnoot1) Alle daghe comen troosten mi Si seyden mi ooc ten selven stonden Dat God vergheven hadde u sonden Doen sandt God dien alle duecht is bequameGa naar voetnoot2) Weder mijn siele in mijnen lichame Om dat ick u soude doen weten Een ghewarigheGa naar voetnoot3) biechte spreken Ende ontfanghen dat heylige sacrament Eer hier mijn leven worde gheent So wil ick mi nu daer toe ghaen bereyden Sint Ian God si ghelooft der weerdicheden Die hi ons beyde heeft ghedaen Nu coemt suster ende laet ons gaen Daer wy den Bisschop moghen vinden Dat hi dit mach weten ende verstaen Ende hem vertellen onser beyder leven Hem biddende dat hi ons wil gheven Dat weerde heylighe sacrament verheven Op dat wi na dit leven vol allinden Moghen comen by Jesum den gheminden Daer ons wil brenghen God die vader Nu segt Amen alle gader AMEN.] Hier es voleyndt dat leven vanden heylygen heremijt sint Ian van Beverley. Ende geprent tot eenen trooste van allen sondaren. In die prinsselijcke stadt van Bruessel By my Thomas vander Noot In die Steen strate wonende Inden Zeeridder.^..	voetnoot1) Schoone maagd voetnoot2) Hier is een regel uitgevallen, die ook in de andere drukken ontbreekt voetnoot1) Aartsengelen voetnoot2) Aangenaam voetnoot3) Ware, oprechte

Vorige Volgende

Over het gehele werk

landen

Groot-Brittannië (en Noord-Ierland)