Jan van Beverley (1903)

Jan van Beverley

(1903)–Anoniem Jan van Beverley– rechtenstatus

Auteursrecht onbekend

Vorige Volgende


Hoe des graven dochtere haren broeder besochte die inden bosch woende. ENde doen dye goede Ian een wijle inden bosch ghewoent hadde so dachte sijn suster dat si haren broeder wilde besoecken ende besien oft hi noch langhe in dien stranghen levene leven wilde ende oft hi altoos int bosch soude
[pagina 8]
wonen. Dwelck si also ghedaen heeft ende es soe langhe ghegaen dat si ter plaetsen quam dair si haren broeder vant ende seyde tot hem aldus. Des verwondert mi broeder menichfout Dat ghi u hier toe hebt begheven Ghi mocht wel leeden een heilich leven Al en sciedi u niet wt alle liedenGa naar voetnoot1) Waert datmen u conde verbieden Dit leven dat ghi hebt vercoren Wi sijn van hoogher aert gheboren Ende ooc van edelen gheslachte. Die heremijt Suster weet dat ict cleen achte Want dat en es niet dan een ydelheyt Wat hulpter veel toe gheseyt EnGa naar voetnoot2) hebbe vrient noch maghe so groot Die voer my soude willen sterven die doot Die ic emmer sterven moet Maer God die es dat eewich goet Die heeft voer my die doot gheleden. Hier in dit iammerdal beneden Es hi ghestorven wt rechter minnen. Suster woudi dit versinnen Ghi sout u keeren van creaturen Ende dienen Gode in alle uren Al om sijn eewighe blischap claer. Colette Seker Ian broeder ghi segt waer Ghi hebt my seer wel berecht
[pagina 9]
Ende ghi segt mi die waerheyt slecht Maer gheen man so coene Hier int lant haddiGa naar voetnoot1) sijns te doene Oft ooc van alle den lieden Die u sou dorren iet mesbiedenGa naar voetnoot2) Si moeten u selve al verdraghen Want ghi sijt rijck ende machtich van magen Men sal van u hier moeten houwenGa naar voetnoot3). Die heremijt Suster ic mercke bi u in trouwen Dat ghi wilt volghen naGa naar voetnoot4) den vleessche Haddi ghesmaectGa naar voetnoot5) der sielen heesscheGa naar voetnoot6) En kende ghi uwer sielen aert Ghy en sout niet spreken alselcken waertGa naar voetnoot7) Oft consti hemelsche dinghen smaken Ghi en sout niet segghen alselcken saken Sekerlijck men spreect u toe Want ic sal u segghen hoe Die werelt die viantGa naar voetnoot8) ende dat vleesch Als dese drie hebben haren heesch⁶) Dan blijft die edel siele verloren Die God so vriendelijck heeft wtvercoren Suster hier op wilt u versinnen Ende draecht een suver herte van binnen Gheciert met eenen reynen gronde In duechden sonder sonde Ende wilt u selven hier toe gheven Dat ghi wel hout u maechdelijck leven
[pagina 10]
Ende een yoeffrouwelijkenGa naar voetnoot1) staet Dats uwer sielen eenen beteren raet Dan daer ghi mi wilt toe bringhen. Colette Broeder in allen goeden dinghen So moet u God altoes ghestercken Ende oec in allen goeden wercken Ende God wille my sijn gracie gheven Ic sals te beter sijn alle mijn leven Dat ghi mi hier hebt doen verstaen. Oerloef broeder ic wil gaen Weder al tot ons vaders hove Maer weetti broeder wat ic u gheloveGa naar voetnoot2) Ic sal hier comen dicwijls met u spreken Ende sien oft u iet mach ghebreken Ende sal u doen al u gherief. Die heremijt In Gods namen suster tesGa naar voetnoot3) my lief Comt inden name van onsen heere Maer suster groet my onsen vader seere Ende gaet God moet u gheleyden. Ende na dese woerden es die maecht van haren broeder ghescheyden ende es indie stadt gegaen bi den grave haren vader daer si seer dicwijls om haren broeder dachte. Die goede heremijt Ian es alleene bleven in sijn hutte daer hi onsen heere seer innichlijck ende devotelijck ghedient heeft.	voetnoot1) Al scheidde ge u niet af van alle menschen voetnoot2) Ik en voetnoot1) Hadt gij voetnoot2) Iets kwaads doen, eene onheusche bejegening aandoen voetnoot3) Men moet zich aan u onderwerpen voetnoot4) Navolgen voetnoot5) Ondervonden voetnoot6) Verlangen, begeerte voetnoot7) Woorden voetnoot8) Duivel voetnoot1) Jonkvrouwelijken voetnoot2) Beloof voetnoot3) 't Is

Vorige Volgende

Over het gehele werk

landen

Groot-Brittannië (en Noord-Ierland)