1657.
Uytstel van betaeling der schulden van het Gilde.
Par le Roi. Chers et feaulx, nous vous envoyons cy-enclose la requeste avec la remonstrance et pieces joinctes a nous presentées de la part de ceulx de la Confrerie de St Anthoine en nostre ville de Gand, et vous ordonnons que l'ayans veue et visitée, faciez appeller par devant vous les crediteurs qu'ilz vous nommeront residens soubz vostre jurisdiction, et pour les raisons par eulx alleguées et celles que pourrez y adjouster d'office, taschiez de les induire a leur accorder quelque terme raisonnable pour payer leurs debtes en question, et en cas de difficulte, nous en advertirez au plustot avec vostre advis, pour iceluy veu en nostre Conseil privé, y estre de nostre part ultérieurement disposé, comme sera trouvé convenir: les affranchissant cependant avec leurs pleiges de tous arrests et apprehensions pour le terme d'un mois prochain, pourveu que lesditz suppliants n'aient cy devant obtenu de nous semblable grace, et que ni eulx ni leurs cautions ne pourront aliener ou charger leurs biens meubles ou immeubles en Flandres de leurs crediteurs, a peine de nullité. A tant, chers et feaulx, nostre seigneur Dieu vous ait en sa sainte garde. De Bruxelles, le 27 de janvier 1657. (Signé), E. de BertiGa naar voetnoot(1).
Auteursrechtvrij