Jaerboeken van het souvereine gilde der kolveniers, busschieters en kanonniers gezegd hoofdgilde van Sint Antone, te Gent . Deel 3

1525.
Toelegh van xx sch. grooten.

Den xvii^en dach van januario, int jaer vyfthien hondert vyfventwintich, was, by Schepenen vander Keure voornoemd, den Deken ende Proviserers metgaders den Dixniers vanden bovenschreven Gulde, boven den bovenschreven zes ponden grooten, noch toegheleyt ende gheconsenteert vanden Stedengoede noch jaerelicx thebbene ende ontfaene de somme

[p. 15]

van twintich schellynghen grooten, omme, ende ten fyne die voortaenne byden selven partye tsamen verteert te werdene inde toecommende S^t Anthuenis ende papegaeydaeghen telcken d'een heelft. Ende den Tresorier der voornoemde Stede, jeghenwoordich ende toecommende, gheordonneert hemlieden daeraf betaelynghe te doene, de bovenschreven acte in wesene ende vigeure blyvende. Ghedaen int vulle Collegie, den dach, maent ende jaer voorschreven. Onderteeckent, Bocquart⁽¹⁾.

(1) Register b, f^o vij.