Jaarboek van de Maatschappij der Nederlandse Letterkunde, 1873

[p. 133]

II. Twee brieven van Charles de Boisot
(waarschijnlijk aan den Graaf van Leicester.)
medegedeeld door Prof. R. Fruin.

Britsch Museum. Bibliot. Cotton. Galba C.V. (Acta inter Angliam et Belgium ab anno 1574 usque 1577). fol 47 & 48. - Copie in het Rijksarchief, waarop Van Wijn heeft aangeteekend: ‘Present van den Heer Stratenus.’

Monseigneur

Nous avons ici nouvelles mais pas de tout asseurées, par pas avoir nouvelles de S.E., que la ville de Leyden est revictaillée et que nos gens sont par passée par force.

Le jour devant ils prendrent 23 scutes et deux galeres et une trenchee et ung fort. Je ai bien voulu escripre a V.S. ce bruit affin qu'Elle sceusse ce qui passa à la verité, car le bruit sera fort grand. Je eusse attendu d'escripre a V.S., si les vents fussent certains, mais comme on ne peut escripre à toutes heures, il fault user des occasions. Il y a ici venus gens de Zirxée, qui asseurent qu'ils ont vu- lrês de Monseigneur le prince, de quoi la teneur estoit conforme aux nouvelles. Tant y a qu'il est chose asseurée qu'ils ont fait les feux de joye à Dordrecht. Quand à moi je n'ai reçu aucune nouvelles par escript.

Avecques cecy

Monseigneur, je me recommanderai tres humblement à

[p. 134]

la bonne grace de V.S., priant le createur de l'avoir en sa sainte guarde.

Le 4 Octobre 1574, Middelbourgh en haste. De V.S.

L. Tres humble et tres affectionné Serviteur Charles de Boisot.

Monseigneur!

Je avoye par mes dernieres escript, que je envoyerois a V.S. toutes les circonstances du revictaillement de Leyden, quand je auroye seures nouvelles. Depuis je aye eu lrês de mon frère escriptes en la dicte ville; toutefois je ne scauroye escripre d'avantage si non que la ville a esté revictailleé le 3, non le 2 comme je avois escript, nonobstant que le secretaire de monseigneur le prince me l'avoit mandé. Il a esté abusé avecques les raports faicts à son E. et les raports, qu'ils urent, apres la prise de quelques forst, passerent armée [sic] oultre; ce que les faisoit penser que ce mesme jour ils entrerent a Leyden. Je ne diray d'aultres, car tout ce que je scay des circonstances le present porteur me l'a racompté, qui a esté tesmoin de & de la partye. A tant

Monseigneur, m'ayant tres humblement recommandé a vostre bonne grace, prieray le createur de l'avoir en sa sienne. Escript en haste le 7 Octobre 1574 à Middelbourgh en tres grande haste.

De V.S.

L Tres humble & tres affectionné serviteur Charles de Boisot.

N.B. De fouten van spelling en stijl zijn talrijk; ik geef de copie opzettelijk zonder verandering.