Vota gratulatoria a popularibus dicata, publicae inaugurationi pietate ac doctrina clari D. Ulrici Huber

J.U.D. ad publicam eloquentiae professionem evocati, magnaque cum pompa in eadem confirmati pridie kal. decembr. 1657

[fol. A3r]

Ad eundum.

NIl Diu constans: placidam procellae
Asperant pacem tumidae marinam,
Turbines miscent freta, jactitatur.

Fluctibus aequor.

More consueto, nebulis repulsis,
Aureae lucis solitus redire
Assolet splendor: lacrymosa deinde

Laeta sequuntur.

Nuper Acronî ex abitu celebris
Damna percepit Frisicum Lycaeum,
Illius casus vehementis, Eheu!

Causa doloris.

Noster è contra Sophiis Huberus
Anxium solvit dubio timore
Pectus: En, nostrum renitebit Hocce

Sole Lycaeum.

Hoc caput nostris Frisiis petitum,
Hoc decus (quem anni juvenem vocabunt,
At senem virtus Sophiae) Franecra

Excipe laeta.

Hunc colet justè studiosa turba.
Gaudii signum, sonus audiatur;
Docte, da plausum manibus: docenda

Plaude juventus.

Raptim dedit,

P. Milesius, Leov. Fr.