Het hofken der geestelycker liedekens(1577)–Anoniem Hofken der geestelycker liedekens, Het– Auteursrechtvrij Vorige Volgende Een ander. O lustighe amoreuse gheesten Wacht v van sonden soo doedy wel Al toont v die werelt haer groote feesten Haer auontuere die es soo fel Int ierste toont sij iolijt en speel Ten eynde stroit sij haer fenijn Schout des vyants loose stricken Vliet vander werelt al eest v pijn. O ionghe sinnekens slaet op v ooghen Aensiet nv wel hoe dat het gaet Aensiet hoe veele daer sijnder bedroghen Door dese valsche werelt quaet Soo wie dat volcht haren raet Die sal certeynelijck bedroghen sijn Schout &c. [pagina ccxx] [p. ccxx] Waer is nv Salomon die alder wijste Waer is die schoone Absaloon Ende Alexander was hooghe van prijse Die doot die heeftse in haer baron O ionghe hertekens wilt dit bevroyen Tis beter spieghel dan spieghel te sijn Schout &c. Al hadde ick alder philosophen consten Al hadde ick alder werelt goet Al hadde ick alder werelt ionsten Al hadde ick heel aertrijck in mijn behoet Wat eest als ick al laten moet Anders dan druck en swaer verdriet Schout des vyants loose strijcken Vliet vander werelt en achtse niet. Och hoe mach hem dan steruens lusten Die altijt leuen nader werelt iolijt Haer sinnekens die ligghen in schijn van ruste Als sijt best meynen dan sijn sijt quyt Dan compt die doot diet al verbiet Dan moet ghelach gherekent sijn Schout &c. Die ons dit liedeken heeft ierst ghesonghen Een cloosterken heeft sij in haer bewaut Dat sij die werelt soo es ontspronghen Dies danckt sij gode seer menichfout Die voor ons sterf aenden cruycen hout Die wil der sielen ghenadich sijn Schout &c. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij