Het hofken der geestelycker liedekens

Een ander.

Heer Iesus heeft een hoofken daer lelien staen
Daer in soo sal ic plucken gaen tis wel gedaen
Men hoort daer niet dan Ingelen sanc
Harp ghespel trompetten en claretten
En die veelkens alsoo veel
Die lelikens die daer inne staen is reynicheijt
Violkens die daer omme staen is ootmoedicheyt

[p. ccxix]

 

Men hoort daer niet dan Inghelen sanck.

 

 

 

Conde ic heer Iesum minnen als ic geerne dee

 

Soo soude ick in mijn herteken hebben grooten vre

 

Men hoort daer niet dan Inghelen sanck.

 

 

 

Heer Iesus is die beste bloem al inden hof

 

Al dat inden hemel es gheeft hem lof

 

Men hoort daer niet dan Inghelen sanck.

 

 

 

Als ick dit Liedeken singe mij verlancgt soo seer

 

Daer ick soo geeren wesen sou ic en weet wanneer

 

Men hoort daer niet dan Inghelen sanck

 

Herp ghespeel trompetten en claretten

 

Ende die herpen alsoo veel.