Het hofken der geestelycker liedekens(1577)–Anoniem Hofken der geestelycker liedekens, Het– Auteursrechtvrij Vorige Volgende [Ick wil mij gaen vermeyden] Een gheestelyck nieu Liedeken, op die wyse: Ick wil mij gaen vermeyden aen eenen water cant. Ick wil mij gaen vermeyden Met Iesus die alderliefsten mijn Van hem soo en wil ick niet scheyden Om lijden noch om pijn Noch om eenich iolijt Dat is in deser tijt, Ick weet o ghenadighe heere Dat ghij bermhertich sijt. Mijn siel die is ghesmolten In v o Iesus mijn lief Als ick heb gaen gronden Hoe ghij mij hebt ghemint Ghij hebbet mij bemint Ghelijck v eyghen kint [pagina ccxiiij] [p. ccxiiij] Wt duysentich wtuercoren Eer ick v heb ghekint. O Iesus v soete minnen Die heeft mij doen verstaen Hoe dat ick v soude beminnen En mij seluen te buyten gaen En dat wil ick nv bestaen Ende vromelijck aennegaen Ick moet hier eest besueren Soude ick den loon ontfaen. Heer Iesus wil ick gaen dienen Ende beteren mijnen tijt Mijn hert en mach nergens aencleuen Wat dat is in deser tijt Ick bidde v om respijt Och Iesus ghebenedijt Ick bidde v om ghenaeden Van mijnen verloren tijt. Compt alle ghij strijdighe herten Die met Godt verbonden sijt En latet v sijn geen smerten Al compter soo menighen strijt In desen droeuen tijt Ghij worter veel sonden door quijt Godt sal v soo minnelijck loonen Daer bouen al in sijn eewich rijck. Daer sal hij v af drooghen Al v traenkens ende allen v pijn Met die Inghelkens soo suldy ghij hem louen Ende altijt in vreuchden sijn [pagina ccxv] [p. ccxv] Ende ghebruycken Godts aenschijn Tis daer soo ghenuechlijck om sijn Dat moghen sij best weten Die met Godt verheuen sijn. Maer die dit Liedeken dichten Sij leet int herte verdriet Al woude sijt yemant claghen Men ghelooft den aermen niet Och het waer een swaer verdriet Dat Iesus sijn bruyt verliet Maer als hijse eens compt te helpen Soo en is haer lijden niet. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij