Het hofken der geestelycker liedekens
(1577)–Anoniem Hofken der geestelycker liedekens, Het–
Auteursrechtvrij
[pagina clvi]
| |
Loff, eer, moet ghij gewinnen
Dat ghij dese ionghe maechden teer
Hebt ontsteken also seer
Van binnen
Met uwer soeter minnen.
Wt Betanien soo ick verstae
Soo was gheboren Vrsula
Die weerdighe maghet gepresen
Sij wort versocht voor ende nae
Van eens Conincx sone vroech en spae
Als wij lesen
Loff moet haer altijt wesen.
Als dit verstont die maghet soet
Soo dachte sij in haren moet
Hoe sij hem mocht bekeeren
Godt sant in haren sinne goet
Dat sij den edelen iongelinc soet
Soude leeren
Hoe dat hij Godt sou eeren.
Dat maechdeken sprac o vader mijn
Wij sullen ontbieden den Coninc fijn.
Dat hij drij iaer moet beyden
Dwelck hem sal duncken groote pijn
En dat hij mij tien duysent maechden fijn
Moet bereyden
Die ic tot gode mach leyden.
Als dat heeft verstaen die Coninc saen
Heeft hij die maechden vergaderen gaen
Als hij die heeft gheuonden
Dwelck hij oock gherne heeft ghedaen
| |
[pagina clviij]
| |
En heeftse tot Bethanien aen
Ghesonden
Tot dien seluen stonden.
Dese schaer vermaert voer metter vaert
Lancx den rijn te Roomen waert
Alsoomen vint bescreuen
Godts Ingel heeft geopenbaert
Des Conincx sone van hooger aert
Verheuen
Dat sij alle sonden laten haer leuen.
Nv hoort doch hoe sij quamen doe
Totter stede van Ceulen toe
Die vonden sij beleghen
Al van die Hunnen wreet van moe
En die liepen als verwoede honden
Hen teghen
En hebbense daer al verslegen
Een wreet tyran alst is bekant
Liep daer hij Vrsula die maget vant
En wildense met hem vueren
Maer sij versmaden hem als vyant
En hij doorschootse al te hant
Tot dier uren
Moeste sy die doot besueren.
Een Coninck vrij die was daer bij
Die heeft Cuneram ghelooues mij
Ghenomen wt den strijden
Hij voerdese te Reenen daer woonde hij
Daer nae wert sij gedoyt wt nijt
Soo wij lesen
| |
[pagina clix]
| |
Loff sij haer eewich ghepresen.
Cordula vloot het scheen wel noot
Des anderen daechs hoort wonder groot
Soo quam sij voorts alleene
Een vreet tyran haer oock doorschoot
Dus bleef sij metten anderen doot
Ghemeene
Loff sij v maghet reyne.
Weest allen verblijt in groot iolijt
O suyuer maechden ghebenedijt
Slaet op ons v gesichte
Want ghij mijn patroonerssen sijt
Bidt voor ons tot alder tijt
Die dit liedeken dichte
Dat Godt sijn ziele verlichte.
O weerdighe schaer, o maechden eerbaer
Bidt voor ons Godts moeder claer
O suyuer maechden schoone
Bidt voor ons, en neemt ons waer
Op dat wij moghen comen
Daer ghij sijt en spant die croone
Ghedinct ons inden troone. Amen.
|
|