Het hofken der geestelycker liedekens(1577)–Anoniem Hofken der geestelycker liedekens, Het– Auteursrechtvrij Vorige Volgende [Aenhoort toch mijn gheclach] Op die wyse alsoot begint. Aenhoort toch mijn gheclach Ghij Coninc der hemelen binnen Ic truer nacht ende dach Om die sonden daer ick in lach Die ick wel beclagen mach Ick bid v om een verdrach Ghij Heer der Seraphinnen. Beroert is al myn bloet Want ic mijn sonden niet en kenne In Iesus wonden soet [pagina cxxi] [p. cxxi] Beueel ic mij metter spoet V gratie mij ontdoet Neempt mij in v behoet O Heere der Cherubinnen. Nv hoort toch al hier naer, Ghij sondaren int gemeene Hoe dat met tranen claer Wiesch Iesus voeten voorwaer Ende droochdense met haren haer Een sondersse openbaer Maria Magdaleene. Waerom sij heeft ontfaen Quijtinge van haer pene Ende ooc der sonden saen Die sij oijt hadde misdaen Och noijt soo blijden vermaen Hierom soo roep ic aen Maria Magdaleene. Uan sonden ben ick belast Van sonden ben ick onreene Mijn crancheyt daghelijcx wast, Den viant mij verrast, Hij doet mij grooten ouerlast, Wilt mij vercrijgen rast, O wairdighe Magdaleene. Ghij sijt mijn aduocaet In mijn herte sijdi die gene Die mij mach gheuen raet Al teghen die sonden quaet En des helschen vijants saet [pagina cxxij] [p. cxxij] Princersse mijn toeuerlaet Sijt ghij virighe Magdaleene. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij