Het hofken der geestelycker liedekens

[p. cxix]

[Solaes wil ick hanteren]

Een gheestelijck liedeken op die wijse: Met vreuchden willen wij singhen.

Solaes wil ick hanteren
Ende daer toe vrolijck sijn
Ende blijdelijck houeren
Met Iesus mijne minnekijn
Waerom soo willen wij trueren
Ten mach niet anders sijn
Ten sal niet langher dueren
Dat ick bedruckt sal sijn.

In alle die werelt wijde
En vinde ick niet soo goet
Dat mij mach maken blijde
Dan Iesus mijn minneken soet
Hier om wil ick mij gheuen
Hem te dienen tot alder tijt,
Soo worde ick van herten verheuen
Ende eewelijck verblijt.

Hij es een Heer der heeren
Die schoonste diemen vint
Ick wil mij tot hem keeren
Want hij ons soo zeere bemint
Gheen hert en mach versinnen
Die blijscap die hij heeft bereyt
Den genen die hem minnen
Soo ons die schrifture dat seyt.

Hij is een bloem gheheeten
Seer suyuerlijck ende claer
Hij is soo hooge gheseten
Al bouen der engelen schaer

[p. cxx]

 

Gheboren tot onser baten

 

Van eender maghet bequaem

 

Al bouen honich raten Is soeter Iesus naem.

 

 

 

Wanneer sal ick aenschouwen

 

Sijn ouer claer aenschijn

 

Och mocht ick hem behouwen

 

Al in dat herte mijn,

 

Wat my mocht ouercomen

 

En soude ic achten niet

 

Waert soo, het soude my vromen

 

Soo en had ic geen verdriet.

 

 

 

O Godt wilt mijns ontfermen

 

Door uwen naeme fijn,

 

Ende wilt ons doch beschermen

 

Al vander hellen pijn.

 

Ende wilt ons doch geleyden

 

Ende bringen int eewich rijck

 

Als wij van hier al scheyden

 

Dat bidden wij alle gelijck, Amen.