Hier beginnen sommige stichtige punten van onsen oelden zusteren

(6) Van zuster Wibbe Arnts. († 1412)

Dese guede zuster Wibbe plach den hof te verwaeren²⁾, ende dit was oer officie. Ende dat dede si oetmodelick, ende kierde^c) oer daermede tot onsen lieven Heren. Het was een oelde zuster ende hadde hier lange³⁾ tijt gewoent, ende nochtan genc si soe sympelick ende eenvoldelike hene, alsoft noch ene jonge zuster hadde geweest. Het was een slecht⁴⁾ ende eenvoldich mensche van natueren, ende daer kierde si oer mede tot [4c] onsen lieven Heren. Want si en plach niet te berichten⁵⁾, noch men en hoerde oer niet callen vanden dingen, die oer oversten schicten⁶⁾ of ordinierden. Mer si dede oer werck dat oer bevoelen was, goddienstelick, ende daer sette si oer mede tevreden, ende liet die dinge op ende neder gaen⁷⁾, als God ende oer oversten wolden. Ende enen yegeliken liet si bedriven, alsoe veel als hi conde.

2) zorg dragen voor.

c) Hem kieren tot onsen lieven Heren, t.d.d. voor zich wenden tot God. Verg. toekier tot Gode, 8 d; loepen tot onsen lieven Heren, 4b; toekeer ons herten tot Hem, sich inwaert kieren tot Gode, Coll. Kerkhist. arch. 4, p. 149, 154; dat inwendige toekier tot onsen lieven Heren, D 212.

3) voor lange is tijt ge geschrapt.

4) eenvoudig.

5) verg. 2c.

6) voor schicten is scic geschrapt.

7) zij liet de zaken haar gang gaan, bemoeide er zich niet mee; evenals zij ieder liet bedriven (zijn gang gaan), zooveel zij kon; verg. 18a.