Herbarijs
(1965)–Anoniem Herbarijs–[128]ORdeum dats garste. ende es cout ende droge. ende men maecter af mengerande dinc. Alse tysane ende andere pulmenten den genen die den rede heb\ben | |
[pagina 383]
| |
Ende sonderlinge heete sweren binnen den live. Entie altoes warm hebben ende niet cout ¶ Garste gesoden in borne. dat es tysane. Ende es goet gedronken jegen alle reden die van bloede ende van roder coleren comen ¶ Ende die corsten van garstinen brode gebernt ende geplaestert ende geminct met zeeme. doet haer wassen. ende es goet op thoeft | |
[pagina 384]
| |
[129]ORiganum of golena. es heet ende droge in den .3. graet. Ende dit cruut salmen gadren alse sine bladere beginnen wassen. ende hangent in die scaduwe ende latent drogen metten bloemen. Alsoe hout ment goet .1. jaer. Ende hets van .2. manieren. dat in hoven wast. ende dat in bosscen wast es heetere. Ende dat wilde gecuwet sacht den tantswere | |
[pagina 385]
| |
[130]ORobium siin heet in den iersten graet. ende droge in den andren. Daer omme suveren si den lichame ¶ Vitssen gepellet ende gemalen. ende dat mele gesoden in wine. ende dan dat clare gedronken. dat suvert ende claert den lichame | |
[pagina 386]
| |
|