Herbarijs
(1965)–Anoniem Herbarijs–[81]GAriofilate. dats glorifilate. ende es heet ende droge. in den .2. graet. Die wortelen gaen in medicinen. ende hebben meer crachten groene dan droge. Noch\tan | |
[pagina 317]
| |
hout mense goet .i. jaer. Ende daer omme heet mense gariofilaet. om dat si bina riect alse garoffels nagelen. ¶ Die wortele gesoden in wine ende gedronken es goet iegen ventoysiteit ende iegen pine in die mage. want het verduwet zere die spise. Ende si heilt wonden. ende es goet in wonden dranke. Entie roke ontstopt die herssenen enten nese | |
[pagina 318]
| |
[82]GEnesta dats brem. Ende es heet ende droge in den .2. graet. Ende sulke seggen dat cout ende droge es ¶ Die den vrouwen wille doen comen hare saken. hi neme de bloemen van den brem ende siedse in regen watere. ende legse also heet alse mense gedogen mach beneden der navele. Ende dit salmen dicken verwarmen ende leggent weder daer op ¶ Ten selven. so nem brem ende wegebrede ende siedet tegadere in regen watre ende dwijf sal hare dar met stoven beneden ende daer over wriven hare daer mede also verre alsi can binnen in hare wlva ¶ Die scorsse vander wortelen van den brem es goet iegen die geelsucht. ende iegen twater | |
[pagina 319]
| |
[83]GEnciane es heet ende droge in den .3. graet. Ende cruut ende wortele heet genciane. Entie wortele gaet in medicinen. ende .4. jaer hout mense goet Entie bitterste siin die beste. Ende den genen die niet en mogen verademen dien helpet si zere. Daer jegen salmen genciane malen ende mingense met wine. ende met watere daer garste in gesoden es. ende doent hen | |
[pagina 320]
| |
drinken. Ende si heilt beten van gevenijnden dieren eist dat mense stroyt optie wonden. | |
[pagina 321]
| |
[84]GAllitricum. of centum galli es heet ende droge. Ende dit cruut gesoden in wine entie vrouwe daer met gedwegen. ende gestooft beneden. suvert die moeder die van kinde blijft | |
[pagina 322]
| |
[85]GRano solis es heet ende droge in den .3. graet. Ende dit zaet es also wit alse yvoor. ende glat ende claer. ende .X. jaer mach ment goet houden. Ende tsaet gemalen ende genut in spisen dat brect den steen | |
[pagina 323]
| |
[86]GLadiolus. dats gladie of lisch. ende es heet in den 2. graet. Ende es goet iegen die zieke borst die verstopt es Tsap van gladien gedronken met warmen watere of met geytenen weye maect den lichame licht. Ende es goet iegen crampe ende iegen rideringe. Ende tpulver geminct met rose watere es goet iegen joocte in die ogen ja daer in gedruppet | |
[pagina 324]
| |
|