Votum ad canâ reverentiâ sanâque juris-prudentiâ clarissimum & consultissimum virum Jacobum Guilielmum Hartium

[p. A1v]

Horat: 2. Od. 3.
Insigne moestis Præsidium Reis.

[p. A2r]

Dux gregis ipse Pater.

OMnigenâ virtute suum Qui transigit ævum,

Dux erit in terris, Rex Isaïta canit.

Huic canæ capitísque nives,

Naturáque centum

Ingenii lauros, certáque serta parant.

Hæc ea nempe Tuis arridet sera diebus

Gratia, Doctorum Gloria, Prora, Pater.

Primus ovas: Tua Nos sequimur vexilla Minores:

Dux & Honorificum Dignior Agmen agis.

Agmen agis, Quo Diva Themis; Quo Vindice Regna

Fascibus agnoscunt Robur inesse suis.

Hisce Paludati saliunt Insignibus Orbes,

Pontificesque gradu splendidiore micant.

[fol. A2v]

 

Hisce Rei medio faliunt in Carceris antro,

 

Duráque depellit nubila Juris Amor.

 

Quid si Fama recens ad Gnati hæc deferat aures,

 

Quem Brabantiadûm candida laudat Humus?

 

Fluminis irrigui saliet ceu Cervus ad undas,

 

Lætitiæque novæ prospera messis erit.

 

Vive age, centenos, & Munere fungere in annos,

 

Nomine sic Legum, ac Omine Nestor eris:

 

Dux eris atque Comes, Quem tota Armenta sequuntur.

 

Vive Solo niveo tramite; Vive Polo.

 

 

 

W. GUTBERLETH.

 

Tob. Fil. Ictus.