Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrij
[pagina 245]
| |
dit is die wyse meyeraen du bist een edelle cruyt och cruyt bauen allen1 LAet ons nv lauen den gades soen
hi is ghecomen wt synen troen
hi heeft die sunders den vader versoent
2 Wt synen scryftueren hebben wy vernaemen
die sake waerom hi solde comen
hi quam te sueken dat dwaelende scaep
3 Die engel gesant wt gades throen
hi quam tot marien der maget seer scoen
den godteliken raet verclaerden hi oer
4 Maria een kynt suldy gebaeren
| |
[pagina 246]
| |
van wes aensichte sullen vervaren
die bande der older ghevangenscap
5 Maria die waert mit anxte beuaeren
van die groetheit der nyer maeren
sy waert getroest sy gaf consent
6 Doe quam die conynck in hoer gespryngen
Want hi en conde niet langer bedwyngen
die hette der godtelicker myldicheit
7 Die dochter van syon stont doe gelaeden
mit edelre vrucht die solde versaden
die hemel die helle ende al eertryke
8 Sy was seer scamel cuysche
| |
[pagina 247]
| |
ende reyn
oetmoedich mynlick geerne alleyn
waer om sy baerden den gades soen
9 Als sy hoers kyndes dan was genesen
soe heeft sy hem groet eer bewesen
sy buygden hoer knyen sy beden hem aen
10 Sy stont verclommen van groter weerden
vanden exsempel dat si daer leerden
dat god des hemels lach inden stal
11 Sy nam oen mit weerden in oren armen
sy want oen in sletteren mit groten ontfermen
dat kynt bescreyden
| |
[pagina 248]
| |
daer onse mysdaet
12 Die enghelsche scaer quam doe van bauen
mit sange begeerden sy dat kyndekyn te lauen
sy ryngdent al om mit hemelscher feest
13 Als claerheit der sonnen soe blencten die nacht
den gueden menschen waert vrede gebracht
der blyscap gelic en was nye gehoert
14 Daer was oec Josep marien behueder
hi stont verstrycket van groten verwonderen
hy merkeden die werken des godtelicken rades
| |
[pagina 249]
| |
15 Die hierden deuoet quamen doe geloepen
daer sy die engel toe hadde geroepen
sy vonden dat kynt sy eerdent als god
16 O moeder Maria wat herte solde die vroude verdragen
die gi geuoelden al omberynget
mit wonderlicheit Ga naar voetnoot+
17 Comet nv ende scouwet den conynck salomoen
die stal is borch die crybbe syn throen
dat herscap is Josep myt synre huysvrouwen
18 O stal o crybbe o doeken christi
begeerten der hoecheit bestraffe gy
| |
[pagina 250]
| |
die weelden des vleysches ende alle gemack
19 O claer exsempel der hilicheit
hoe groet armoede hebdi geleden
een forme des leuens bewysdy ons
20 Wie hem vervremdet van desen spiegel
hi breket in hem dat godtelicke segel
hi wort ontformt hi wort onteruet
21 Nv moet ons allen dit kynt verblyden
ende geuen ons vrede in onsen tyden
hem sy eer in ewicheit
Amen
|
|