Handschrift Berlijn mgo 185

[lied 45]

dit is die wyse ic voer wt meyen auer al in corten tyden

[p. 159]

 

1   Help ryker here god wat is dit leuen

 

als icket dencke myn herte mach beuen

 

wy moeten steruen

 

steruen is onser alre eruen

 

wi moeten steruen

 

 

 

2   Als ic auerdencke dit leuen soe pense ic op den doet

 

den ick ommer steruen moet

 

ende ic en weet wanneer

 

soe bidde my gade dat hi ons verlene

 

syn hogeste ryke

 

 

 

3   Och mensche woldestu dy bekeren

 

den rechten wech wolde ic di leren

 

tot mynen ryke

 

O mensche soe doet dynen euen kersten

 

dyns selues gelic

 

 

 

4   Dattu my rades dat doncket

[p. 160]

 

my onmaer

 

hoe geerne solde ick wreken die my mysdeden

 

wist ic waer mede

 

daer mede en solde ic niet langer doen beyden

 

ter seluer stont

 

 

 

5   Wy mochten wal dencken waren wi des vroet

 

wat christus om onsen willen verdroech

 

al totter seluer stont

 

doe hi hem van judas cussen liet

 

voer synen mont

 

 

 

6   Dat dede god om des menschen wil

 

hi sal noch spreken al swyget hi styl

 

ten jonxsten dach

 

ende soe en mach helpen syluer noch golt

 

noch vrent noch maech

 

 

 

7   Nv helpt ons maria ⁺ weer

+ Na 'maria' is ‘o’ doorgehaald.

[p. 161]

 

de vrouwe

 

in al deser werlt en is geen trouwe

 

oer loen is cranck

 

sy sullen vergaen al die sy mynnen

 

het sy cort of lanck

 

Amen