Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdit is die wyse dat gyngen twee gespoelen guet an geenre wylder heyden1 Addeu myn vroude addev solaes
myn blyscap laet ick by v staen
ic wyl mi in desen ternoey besluten
ter doeren des lidens byn ic in gegaen
2 In desen ternoey wil ic nv stryden
ende volgen den banier dat voer my gaet
mynen heren wil ic getrouwe wesen
ende gaent ynt casteel dat tegen my staet
3 Dat casteel is my alsoe seer
| |
[pagina 52]
| |
en tegen
daer ic mit willen byn ingegaen
Want liden en wil my niet begeuen
soe lange als ic dat leuen haen
4 Och god ende onse vrouwe mach icket wal clagen
synt dat ic jerst in dit leuen quam
soe en drufte ic die wateren des rouwen niet haelen
wtter cysterne van bethlahem
5 Och god ende och god wat is dit leuen
daermen dus voel in lyden moet
en haddes god seluen niet gegeuen
ten waer te liden om geen guet
6 Allen troest der creatueren is my ontweken
dat clage ic god ende onser vrouwen
ende alle solaes heeft my begeuen
mer liden en dede my nye ontrouwe
| |
[pagina 53]
| |
7 Gheuangen byn ic in swaeren verdriet
help ryker here god dat clage ic di
ic weerde ghelaten aen allen syden
mer trouwelic staet my liden by
8 Alle solaes der werlt heb ick begeuen
ende hape daer groet loen af te ontfaen
ende waenden voertaen in vreden te leuen
mer als my doncket is liden myn loen
9 Och god die hem wal konde geliden
waer dat lief of waer dat leet
die solde hem nae wal seer Ga naar voetnoot+ verblyden
als dat aen een steruen gaet
10 In druck waer oec wal troest gelegen
die hem te rechte sueken kan
dat most een constich meyster wesen
ende leggen alle syne vlyt daer aen
| |
[pagina 54]
| |
11 Myt rechte moegen wy van desen liden wal spreken
want wy twee gesellen syn
als ick myns heren gades vergete
soe roepet my liden weder in
12 Een ternoey is my van swaeren verdriet
help ryker here god dat clage ic di
heb ic troest of en heb ic en geen
ic moet my liden ende swygen al stylle
13 Een ternoey te stryden en is my geen spoel
dat claghe ic god myn auentuer
geue hi my troest hi dede soe wel
want my dat leuen wort soe suer
14 Als ic van desen ternoey hoer spreken
van vresen doet my myn herte soe wee
schilt ende
| |
[pagina 55]
| |
speer moet al te breken
die helm des vreden gaet al ontwee
15 O Maria der sundaren troest
waer heeft ye rydder ternoey gestreden
god seluen heeft hem daer wt verloest
mer druck ende liden is al myn troest
16 Vremde byn ic in veren lande
daer ic dus voel in liden moet
ende ongetroest moet ic daer gaen
als een ellendich pelgrym doet
17 Ick bloeyden als enen groenen swych
doe my die grawe roc waert aengedaen
och god ic moet verdorren eer tyt
want druck ende liden heeft my beuaen
18 Ick mach der tortelduuen wal
| |
[pagina 56]
| |
licken
die oren gaden verlaren heeft
soe vlieget sy op enen dorren swych
ende si is truerich tot alre tyt
19 Ick bidde maria der moeder gades
dat sy my helpe myt hoere hant
dat ic in desen stryde volduere
want myne siele daer voer steet toe pande
20 Maria en wilt my niet vergeten
aen v weerde vrouwe staet alle myn troest
gy syt een steerne des meers geheyten
ghi hebter dit jaer soe mennyge verloest
21 Weest vroeme ende wilt v niet versagen
mer hebt altoes enen gueden moet
soe mach ic my nae wal seer verblyden
alst hier aen een steruen gaet
| |
[pagina 57]
| |
22 Als dese joncfrouwe dus heeft gestreden
ende wat sal dan daer wesen dat loen
die blyscap des hemels mit allen hiligen
ende god sal seluen wesen hoer croen
Amen
|
|