Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdit is die wyse Ick claem den boem al op die my te hoege was1 Hy truer die trueren wil
myn troeren heeft gedaen
ic heb geswegen stylle
maria wilt verstaen
2 Waer om soe soldic trueren
of sorgen alte seer
ic weet ic byn vercaeren
van Jhesus mynen heer
3 Dat ic hem byn vercaeren
heeft hi my gedaen aenschyn
| |
[pagina 48]
| |
Want ic moste syn verlaeren
dede my syn doet ende pyn
Hi truere
4 Hi is hier neder gecoemen
daer ic in byn verblyt
myn mysdaet solde my verdoemen
syn doet heeft my gequyt
Hi truere
5 Dus wil ic my verblyden
seer vroemelic in hem
ende dragen tot allen tyden
syn doet in mynen syn
Hi truere
6 Des byn ic wal ontwaere
dede my syn pyn ende doet
al bade ic dusent jaer
twaer al verlaren guet
Hi truere
7 Hier om wil ic hem mynnen
die my dus heeft verloest
ende myn heer van bynnen
holden voer alle myn troest
Hi truere die trueren wil
myn trueren heeft gedaen
ic heb ge
| |
[pagina 49]
| |
swegen stylle
Maria wilt verstaen
Amen
|
|