Haagse liederhandschrift

80. [Ich vruwe mich daz ich ye ghesach]

Ich vruwe mich, daz ich ye ghesach
Eyn wijp, die myr deyt leben
In groser vreude nach unde tach,
Mich hayn ich ir gegeben.
God hat nach alle wensche gezat
Yr wijplich ghebere,
Sy duncket mich wesen ane dat,
Dey bÜzen mach mijn zwere;
Des willich yr zÜ dienste stan
Huer unde alle stonde,
Der ich moyt wesen ondertan
Van rechtes hertzen gronde.

Ich vreuwe etc.

Vreude mach zi mich geben vyl,
Mer dan alle die leben,
Zi yst mijns hertzen vreuden spyl,
Yr gÜte yst gar erheben
In minen hertzen also ho,
Das nyeman kan geloben.
Wer ich in yrme hertzen zo,
In vrueden zulde ich hoben.

Ich vreuwe etc.

Ich wil yr besceydenheyt
Ganzlich al betruwen,
Das yst tzarte wijplijcheyt
Miin vreude sal ernÜwen
VÜrbas alle taghe mer.
Hulf god zÜ dem gewinne,
Das ich erwerbe, das ich ger,
Van miner meesterynnen!