Haagse liederhandschrift

49. Eyn liedeken

Eyn liedeken

Hophe ende troest halt mer das lijf
Oph eynre, dyr ich wael betrouwe;
Die scone halt myr ghevangen stijf,
Se deyt mir diche liden rouwe.

Zayt mir, mijn vrou voer allen wiven,
Wildir mich aldus verslaen,
Zulder mich tsemael ontliven,
Was haen ich ieghen uuch misdaen?
Uyr vri-eyghen wil ich sijn,
Uysercoren roter mont,
Gher verderft die hertz miin,
Waerom halder mich ghewont?
Hophe etc.

Ich en denche in gheynre uren,
Wie ich miin leven leyden sal;
Altoes deyt zijt mer bezuren,
Yr lieflich oeghen, das ist al!
Mucht ic zi eenen dach aenscouwen,
Soe waer verganghen mijn verdriet.
Scone, al hadder mich dorhouwen,

[fol. 29ra]

20

Zulde uch miins ontfermen niet.

 

Hophe ende etc.

 

 

 

In die feeste en quam ich no,

 

Daer af verbliid eyn caf.

 

Al die vrude, die is ho,

 

Die guete nemt mir allent af.

25

Och vrou, ich haen uch uysvercoren!

 

Helft mir uys elender noyt!

 

Wilder, das ich blive verloren,

 

Om uch sterve ich gerne eyn doyt.

 

Hophe etc.