Haagse liederhandschrift
(1940)–Anoniem Haagse Liederhandschrift–
Auteursrecht onbekend
[Folio 27ra]
| |
Scouwen metten ougen,
10[regelnummer]
Wyder wenghen tougen
Met eber rijcher henden
Cloffen of die wenden
Met roden roese-mÜnden
So ighelichen stÜnden
15[regelnummer]
Met scirmelichen stuchen
Minnentlicher bruchen
Met stolser nacht genghe.
En wort uch nit ze lenge,
Ich saget uch eine mere,
20[regelnummer]
Die vil zelsen were.
Nu hain ich is ernomen,
Und bin da gecomen,
Da min hertz lang na ghert.
Sint das god mich hait gewert,
25[regelnummer]
Das ich zi ghesien hain,
Der ich ye was ondertaen,
So steyt wol mine dinch.
Hertz, sage und sinch
Von der scoenster vrouwen tougen,
30[regelnummer]
Die ich ye gesach mit ougen!
Mucht ich is genesen,
Ond wulde uch nit verdriesen,
Ich sacht wonderliche bete,
Wie ich metter vrouwen rete,
35[regelnummer]
Und was ze doe wider sprach.
Doen ich se ierst anezach,
Vil wol zi mir bevil,
So daz min hertz woil
Van hitzen in den bloete.
40[regelnummer]
Sus dwanch mich die goete,
Das ich ir so holt was.
Sehant ich einen brief las,
Der sande mir Venus,
Und hies mir sprechen zus:
45[regelnummer]
"Vrouwe, dir in darf nit wonderen,
Das ich dir ussonderen
| |
[Folio 27rb]
| |
Vor allen anderen wiben.
Du eyne machs verdriben
Mine sorge und clage,
50[regelnummer]
Die ich in min hertze drage,
Und machin das goit ende.
Ich nigen diner hende
Onde wil dir onderdenich zin;
Laes mir genesen, vrouwe min,
55[regelnummer]
Diner edeler geborte,
Und gef mir goete antworde
Alre worten ghelijch!
Doe sprach si: "nu sprich!"
Der antworde wert ich gar vro,
60[regelnummer]
Sus begonde ich is do:
"Weystu, ho edel coninginne"
"Was?" "das ich dir minne."
"Mich? neyn, du ne zolt".
"Warumb bin ich dir holt?"
65[regelnummer]
"Was weis das ich?"
"Owe, vrou, nu besich!
Wie bin ich van minnen getaen?"
"Ich wen, du moes den scaden han,
Want ich is nit in weys."
70[regelnummer]
"Doch ist min hertz heys,
Das scaft, vrou, ur lijp".
"Ich wen, du meins ein ander wijp"
"Ich mein dich, vrou, min trout!"
"Mich? neyn, du moyt,
75[regelnummer]
Du solt wesen das du bist."
"Neyn ich, summer krist,
Onde bist, und ich in bin,
Doch hain ich alle minen zin
Ghelaessen zÜ diner genaten".
80[regelnummer]
"Ich in kan dir nicht 't geraten;
Ich weys wol, is ist dir spot."
"Neynet, vrou, zummer got,
Ond geen dir das min trouwe."
"Sich, das ist dir ein rouwe"
85[regelnummer]
"S'waren, vrou, mir ist ernst!"
| |
[Folio 27va]
| |
"Wie weys du gescarenst,
Du redes so vil ane noyt."
"O wee, da vont ich den doyt,
Du ne wils senften mine zwere".
90[regelnummer]
"Swich, du bist ein claffere,
Wan laestu mich gehermen?"
"Och, du ne wils mich bescermen,
So moes ich verterven".
"Mach du nicht genesen, moes du sterven!"
95[regelnummer]
"Owe vrou, warom redes du das?"
"Dorch god, da wil ich nit bas".
"Helf mir, vrou, dorch dine gÜte!"
"Was ist din gemuete?"
"Ich wolde in uren arme legen!"
100[regelnummer]
"Ich waen, du wils an mir gezegen!"
"Also helf mir min zÜ echten [...]"
"Woltu ouch das? mach wol zin,
Nicht aber, neyn ich".
"Owee vrou, nu sprich
105[regelnummer]
Euer do selver zuese wort!"
"Ond wie hait dich dan becort
Sus onkonder minnen?"
"Och du, coninginne(n)!"
"In mach, du moes mich so vil!"
110[regelnummer]
"Du does, of god wil".
"Ich wedersage dich an tzoren."
"Owe, so bin ich verloren!"
"Du ne bist, du bist zo hol,
Du blives etzwa vol."
115[regelnummer]
"Vrou, mir ist dir helfen noyt!"
"Honger dich, ich geeyn dir broyt
Dune weys nit, was du wils"
"Da gedench ich zÜ diner milt,
Dattu mich, vrou, willes nemen".
120[regelnummer]
"Ond lies ich is dan din vrunt ernemen,
En wer hem lichte lief niet."
"En mein sodanich gheynen niet".
"Und wie meynes du is dan?"
"Vrou, ich wer gerne uwrer man,
125[regelnummer]
Da um wil ich dir vleen!"
| |
[Folio 27vb]
| |
"Wa nem ich dan das leen?"
"Vrou, ich mein nicht das".
"In can's nicht gemerchen bas".
"So moes ich uch sagen dorch den mont".
130[regelnummer]
"Es ist mir anders al onkont".
"Ouch mind ich uch gerne".
"Jo lieve, es ist da-af verne".
"Vrou, wa sint dine zinne?"
"Ich wene, zi sint hy inne".
135[regelnummer]
"Wie antwerdes du mich also?"
"Mich gelustez so".
"Was helft mir, daz ich sage?"
"Und was ist diner clage?"
"Mir ist zÜ diner minne ga"
140[regelnummer]
"Var scoen! da ist ein bode na,
Du ne weys nicht, was dir ist".
"Owe, vrou, du bist,
Von der ich bin gebonden"
"Wannee?" "zÜ allen stonden!"
145[regelnummer]
"So ontbint dich, du has doch hende".
"En sin nicht so getane bende,
Der einich man moge ontbinden,
Want si in sin kenphen no linden."
"Sint ze dan yseren?" "neyn nont"
150[regelnummer]
"Nye man so gesont",
"Si sint doch scatelich".
"Also helf dir god; nu sprich,
Was wyrret dich an der tzongen?"
"Neyn, mir hait minne bedwongen".
155[regelnummer]
"Wer hait dich bedwongen minne?"
"Ja vrou, in al minen zinne
Is bedrueft mir min moet!"
"So sich dan, was dir zi goet".
"Ich en kan, noch ich en mach."
160[regelnummer]
"Was hait dan menigen dach
Din hertz dich geleert?"
"Owee, het's al verkeert!
Ich wil uch vallen zu uren voysen!
"Jo neyn, das ich dir boysen".
165[regelnummer]
"So bin ich dir erzuecht".
| |
[Folio 28ra]
| |
"Ich bin, die's niet en ruecht".
"So nemt mer der doyt".
"So comt doch der blomen royt".
"Der doyt moes sceiden desen strijt".
170[regelnummer]
"So begaen ich din jargetzijt".
"Und so bistu schuldich an mir".
"Ich in bin, was doin ich dir?"
"Vrou, du en gefs mich geynen raet,
Wa nem ich din ersaet?"
175[regelnummer]
"Uf adir waom dede ich das?"
"Vrou, umdas mich wurde bas".
"So vaer in eyne cluse!"
"Da weer das leven buse,
Und da verloer ich ziel und lijp".
180[regelnummer]
"So saltu mytren die wijp".
"So detich wol an din".
"Machtu dan an mich nit sin?"
"Nein ich, vrou, min trout!"
"Sommir god, en helf dir nout!"
|
|