Haagse liederhandschrift

[Haagse liederenhandschrift]

1. [Vrouwe reyne keyserinne]

1.

[fol. 1ra]

 

Vrouwe, reyne keyserinne,

 

Troestet mich vil senden man;

 

Genade zuechent mine zinne

 

An uch, vrouwe lovezan.

5

Da van tsoent genadeliche;

 

Sint ir sijt genaden rijche,

 

So toent och genendeliche,

 

Dat staet uch, vrouwe, loveliche.

 

 

 

(Vrouwe, ir moghet mich nicht verbieden,

10

In zi uch met trouwen holt)

2.

Here, ir sout genade bidden
God, er kan genade gheven;
So wil ich met goeden tsiten
Wenschen, das ir moesent leven
Mit genade hi en dort.
So ir wilt genade ruichin,
So sult ir genade zuchin,
Da sus sy genade hort.

3.

Vrouwe, mucht ich he erwerwen
Die genade, die ir haent,
So ich dan sulde sterven,
So doet mich genade erkant
God, der ye genadich was;
Er sal die ziele behalden,
Ir sult he des lives gewalden
Mit genaden sonder has.

4.

Here, darna ir nu stellet
Und des uwer hertze ghert,
Zeer mir das misvellet
Und zijt ummer ongewaert.
Daerom laest die reden sin,
Das rade ich in hertzin trouwen;
Of ir bringet mir zÜ ruwen,
So wer ummer der scade min.

5.

Vrou, in gher nicht sulcher dingen,
Der uch zÜ ruwen muchten comen,
Es wer mir ein mislinghen;
En mucht mir nicht wol vromen,

[fol. 1rb]

 

Of ir wurdent vruden vri.

40

Er solt mich mit sulchin sachin,

 

Vrou, rijches muetes machin,

 

Das doch ane ur scade zi.

 

 

 

(Here mucht ich wol mit eren

 

Ure vruede machin breyt)

6.

Here, ich wil uch nicht zÜ balde
Helfen, als ir wanen waent;
Ich doen nicht als dede Zaude,
Die nach lieve was verzent,
Dat zi tot da was gelach.
So ist mir niet zÜ zinne,
Das ich ummer doer die minne
Troeren wil eynen dach.

7.

Vrou min, ich moes ersterven,
Das ist widerreden nicht;
Sol ich he mich troestes erwerven,
Als mir uwer mont verghicht,
So weys ich doch eynes wol:
Das uwer ziele aen mirt scouwe,
Das du miner ziele eyn vrouwe
Dort aen eynde wesen sol.

8.

Here, ich bidde god den zuesen
[...............]
Das er dort mine ziele grueze[n]
Roeche metter rechter scaer,
So war ich wil onbetrogen.
Siet, war uwer ziele velle!
Ich wil nicht zin uwer gezelle,
Wort si doerch die gloet getogen.

9.

Vrou, ich wil wol geloven,
Das si moes eyn like nemen:
Birnnen, slagen und roven
Mueste leyder ir getsemen,
Das ruwen ich geloven wol;
So muest ir gebuesen ummer,
Of ir sulten leven ummer,
Laest ir mich in sulchin dol.

10.

Here, richtet uwer scolde,
Laes die mine onbericht;
Wie ich come zÜ godes hulde,

[fol. 1va]

 

Des haent eyne zorghe nicht.

80

Laest mich varin, als ich mach!

 

Varit ir in hoffin-scalle,

 

Als die rechtvertigen alle,

 

Aen dem ye gewalte lach!

11.

Vrou, so wer geweldich wer,
Der sol doch genedich sin:
Davan wendet mine swer,
Sint ir sijt geweltich min!
Toent ir das nicht, vrouwe goet,
So wart nicht bi sulcher scone
Eyn so tzorentlicher hone,
No so heerlicher moet.

12.

Here, is ist vil sconre bilde,
Als ich is vernomen hain,
Dem doch ist genade wilde;
Nyeman des geloven kan,
Want die scone ist gar al nicht,
Da nicht ist genaden inne:
Davan rechtet uwer sinne,
Da die beyde havent plicht.

13 (=84/63).

Vrou, ir sijt genaden rijche,
Das weys ich in langen wol,
Scone, lief und minnentliche,
Cuusch und alre vruden vol,
Tuchtich, reyn und niet balt,
Vrolich dabi ermere;
Ich levede ummer ane zwere,
Solde ich mit uch werden alt.

14 (=84/64).

Here, ich bidde god den suessen,
Das ir vrolich werdet alt:
Her kan uwer zwere buesen,
Und zÜ vruden machin balt
Uwen clagelichen noet.
E das ich die wolde wenden,
Ende mich selven aen vruden penden,
Liever wildich wesen doet.

15 (=84/53).

Vrou, ir mucht mir nicht verbyeden,
In si uch mit truwen halt;

[fol. 1vb]

 

Sint die zinne mir gherieden

 

Aen den vrudenbernen tsolt,

120

Die ir, vrouwe, konnet geven,

 

Sijt gedachtich ummermeere,

 

Wie ich na der wiser leere

 

Uch tzÜ dienste moge leven!

16 (=84/54).

Here, man sol scouwen vrouwen
Dienen gar om rijchen tsolt,
Want ir wonnentliche anschouwen
Senfter deyt dan alles golt.
Wie der versage man,
Der nicht diente reyne wiven,
Want si konnen leyt verdriven,
Das keyn man verdriven kan.

17 (=84/55).

Vrou, ir haint us der strate
Mit reten mir gewiset wol,
Wie ein man mit rechter maesen
Allen vrouwen dienen sol:
Scone vrouwen doer ir glans,
Lieven wiven dorch ir minne,
Rijchen vrouwen dor gewinne,
Alzus ist alles gans.

18 (=84/56).

Here, in gheve uch nicht ze lone,
Davan dienet anderswaer!
Ich bin wider lief no scone,
Ich leve in ghemeynre scar,
Alse veel menige vrouwe doet,
Die nicht goedes ist gar rijche,
Scone, lief noch minnentliche,
En doch vil gar ho-gemoet.

19 (=84/57).

Vrou, kondich wol geromen
Vrouwen hophen werdicheit,
Ende der eren crans geblomen,
Dem so lovelichen dreyt
Ur minnentlicher lijf,
Kundich das na uwer werte
Und na mannes hertzin gerte,
So wer bas geloeft nye wijf.

20 (=84/58).

Here, ir solt met love scone
Loven, das zÜ loven zi;

[fol. 2ra]

 

Alzo hoghes loves crone

 

Der bin ich noch leyder vry:

160

Davan lovet anderswa!

 

En have och niet sulche scone,

 

Das men mich mit love crone;

 

Sage ich waer, zi sprichet: ja!

21 (=84/59).

Vrou, ir sijt das scoenste belde,
Das nu left in wives namen.
Meyen-bloet noch bloyen wilde
Dorrent nemmer sich gescamen,
Das si laesent uch den strijt,
Beyde aen scone und glans;
So wer uch sicht an einen dans,
Der vergessen wil der zijt.

22 (=84/60).

Here, in wil nicht mit uch crigen,
Was ir spricht, das ist waer;
Doch wilt ir zÜ eren ligen,
Das rede ich wol ophenbar,
Alse ir obte haint getaen,
Jiegen mir in spotens wise!
Doch sint dat nich mannes prise,
Of ir vrouwen spotten kan.

23 (=84/61).

Vrou, ich spriches bi den gotte,
Der ye was und ymmer ist,
Das ich uwer nicht in spotte;
Ich bidde mir zÜ helfen crist,
Das mich nemmer werde raet,
So was ich reten metten monde,
Das comet us hertzin gronde
Ane valsche misdaet!

24 (=84/62).

Here, damit zi ein ynde!
Ich wil is geloven wol,
Und wils ane miswende
Widerdienen als ich sol,
Das rede ich werelich ane spot.
Swar das in truwen meynet,
Und ir das iegen mich vereynet,
Das moes uch vergelten god.

25 (=84/65).

Vrou, mire vreuden vrouwe,
Uber alles des ich hain,
Lief, nu kerent, her nah scouwe,

[fol. 2rb]

 

Selich wijf, und sich mir aen!

200

Sich, wie ich verderven wil,

 

Sich mich an und helfent balde!

 

Want ich bin in leytes walde

 

Gar vererret ane tsil.

 

(Here, ich wil uch nicht zÜ balde

205

Helfen als ir wenen weent)

26 (=84/66).

Here, mucht ich wol mit eren
Uwer vruden machin breyt,
Kundir mich das geleeren,
Des gewon ich werdicheit.
Sacht mir, wie solde ix gescien,
Das men u in hohen moete,
Onde dabi in stilre hoyte
TzÜ allen ziden mogen zien.

27 (=84/67).

Vrou, ir sult mich lieflich gruezin,
Das kan uch geschaden nicht,
Und mach mer wol zwere buesen,
Of in truwen das gheschit,
Togen, lieflich und also,
Das ir spricht metten monde
Van getrouwen hertzin-gronde:
Trout gezel, nu wes vro!

28 (=84/68).

Here, ich zie an menigen dingen,
Das ir stete truwe halt;
Des sal uch wol gelingen,
Sint ich rechte hain bekant
Uwer stete menichfalt;
Des sult ir iegen mich geniesen,
Ich wil ir min hertz ontslyesen,
Da sult ir in zin met gewalt.

29 (=84/69).

Vrou, wilt ir mir ontslusen
Uwen reynes hertzin toer,
Und mich vrude da-us ghiesen,
Der ich nie erkande voer,
So ist mer gelonet wol;
Of is sich iegen mir ontsluyset,
Und mich vrude da-uss guyset,
So ne gewinnich nemmer dol.

30 (=84/70).

Here, ich hain zÜ menigen stonden
Wol gehoret uwer klagen;
Ich hain och vil wol bevonden,

[fol. 2va]

 

Wye ir von dage zÜ daghe

 

Haent mit zuchte wol behoet,

 

Des ir billich zult geniesen.

 

Mich wil nemmer das verdriesen,

245

Ich mach uch noch hoe-gemoet.

31 (=84/71).

Vrou, mÜcht ich wol ersculden
Die gewerdeliche woert,
Sult ich arbeyt van uch dulden,
Das were mire vruden ort.
Ir hait mir getroestet zo,
Trouwe hait mir bezessen,
Ich wil rouwe vergessen,
Nu bin ich in vruden vro.

32.

Here, die woert ich wil bewaren
Metten werken, of ich mach;
Davon solt mich nijch bezwaren,
Des ich uch so menigen tach
Tsorentliche hain verzeit
Helfe, troest und mine hulde;
Uwer onverdienter sculde
Die ist mer mit truwen leyt.

33.

Vrou, er mÜcht noch erbuesen,
Was ich leydes ye gewan;
Uwer lijf kan uberzuesen
Alles leyt mir senden man;
Hette ich dusentjerich leyt,
Das wer mich vil gar verswonden,
Sint ich hain genade vonden;
Das si uch vorwar gezeit.

34.

Here, ich wil uch nicht me bangen,
Uch wert ho vrude kont:
Ir solt werden onbevangen
Van mir lieflich hee zÜstont;
Dabi sal eyn cus geschien
Minnentlich van minen monde,
Und ein grues van hertzingronde,
Der zijt ir zÜ vruden ein.

35.

Vrou, wilt ir mir zÜ lone
Gheven also rijchen tsolt,
So ist mir gelonet scone
Leydes, des [ich] hain gedolt.

[fol. 2vb]

 

Das wil ich nicht meer clagen;

 

Ich wil uch, vil reyne wive,

 

Onde vrou rontelichen live

285

Ummermee genade zagen.

36.

Here, ich wil Üch nÜ ontfaen,
Dienstlich, als ir hait geghert,
Onde lieflich onbevaen,
Des sint ir van sculden wert.
Liever here, cusset mich,
Ende haent duer hogen moet!
So wil ich wives goede
Doer uch wesen vrudenrijch.

37.

Vrou, mins hertzin hohe wonne,
Ein blome des meyen rijs,
Mir ogen lichte zonne,
Und mins hertzin paradijs,
Min gedrus noch nye min wan
Aen uch, reyne wives-bilde;
Alder werelt ist ummer wilde
Sulchir vruden als ich hain!

38.

Here, haint ir hoge wonne,
Die zult ir nicht zuchten dragen,
Das uch nyeman des vergonne.
Ir sult onderwilen clagen,
Das doch nicht van hertzin gee.
Men moes diche doin dorch ho[e]de
Das die man ist nicht zÜ moede,
Ond och ofrunt zo wye.

39.

Vrou, ich wil mit zuchten scone
Ummer dragen hohen moet.
Na den wiven den berrenden lone,
Der ir gevet, vrouwe goet,
Den wil ich zÜ tuge dragen,
Cuuschelijc und ane scallen;
Of das wol kan gevallen,
Das zout ir mir, vrouwe, zagen.

40.

Here, nu sult ir henen scheiden,
Das wir nicht gewinnen leyt.
Valsche hmc[?] scaent ons beyden,
Und bringt mir in arbeyt!
Huet ir min eer alzo,
Das ich uch mit lieven zaghen

[fol. 3ra]

 

Ummer lieflich mach anlachen,

325

Und ouch zuchten machin vro.

41.

Vrou, ich wil ein orlof nemen
Von uch, das moes leyder zin.
(Das ich uch mit lieben zagen)
Vroude und blijschap moes uch tsemen!
Ich wil vorbas blider zin
Dogentliche zÜ der stont,
Das ir over mich onfaet,
Und mich ein gruezin saet
Uwer roselichter mont.

Explicit