De Gulden Passer. Jaargang 60
(1982)– [tijdschrift] Gulden Passer, De–
Auteursrechtelijk beschermd
[pagina 110]
| |
159.
Obscvras penetro nubes, venatibus insto
Falco, sed aërium non premit vlla sitis.
Non ego declino, cumulatq́ue volatus honores,
Aucupio mens est dedita tota suo.
Contulit hoc natura diu, vt seruire per auras,
Et praeda dominos exhilarare queam.
Nulla fames perdit mentem, iuga summa pererro,
Nec mora, crede, orbis si peragrandus erit.
Hoc vtinam praestent, quos publica cura fatigat:
In medium vt, sibi quàm, consuluisse velint.
Taedia perpetuò superas, victoria nunquam,
Quam peperit studium, est interitura tibi.
Restituis veteres, ac donas luce sepultos,
Hoc praestare vtinam te monitore queam.
Non labor, aut sumptus desunt, sed viribus impar;
Vmbram, si potero, consequar vsque tuam.
 |
|
