De Gulden Passer. Jaargang 60

164. Foeminei sexus querela.

Pourquoy nous pense-lon estre tout inutiles?

Pourquoy faut il donner auec nostre beauté
L'argent en mariage, & perdre liberté,
Puis nous rendre au mary plus que iamais seruiles?
Pourquoy ne viuons-nous ainsi que bon nous semble?
Vn mari nous commande ainsi comme vn seigneur
Soubz l'ombre que hardy il va suyuant l'honneur
Au danger de la guerre, ou tout le mal s'assemble.

Nostre condition est de beaucoup plus pire:

Car il vaut beaucoup mieux victorieusement
Se defendre au cousteau que miserablement
Estre vaincu chez soy, & n'en oser mot dire.

La femme pourroit faire vne telle complaincte,

Si Dieu n'auoit mande par expres qu'il vouloit,
Que l'homme fust le chef, qui aux membres preuoit,
Et que la femme fust subiecte soubz sa crainte.