De Gulden Passer. Jaargang 60

157. Οὺϰ ἔςι μιάσματος γῆρας.
Ad Petrum Ramum.

Encependant qu'Aenee au riuage de le'au

Alloit sacrifiant à Iupin vn taureau
Les rameau recueillis vn presage donnerent
Par l'admirable effect du sang qu'ils degoutterent.
Ainsi fut descouuert le malheureux peché
Du roy des Thraciens, & le tombeau caché
Du pauure Polydore: ainsi le meschant oeuure
Par le temps & le lieu en la fin se desceuure.
Car encor' qu'on le taise on void pourtant les bois
Et les pierres aussi qui nous seruent de voix.
Le prestre Macaree auoit par vn outrage
Violé pauurement le debuoir d'hostelage:
Mais la vengeance apres tomba sur ses enfans:
Car vn mauuais vouloir est puni par les temps.
La peine le poursuit, & comme vne furie
Elle va bourrelant le reste de la vie.
Et mesme apres la mort le iuste iugement
Du grand iuge Minos ne manque nullement. Toutesfois il vaut mieux quand on a fait offense
Long temps auant mourir en auoir repentance.