De Gulden Passer. Jaargang 60

152. Periculum authori nocens.

Vn escumeur de mer auoit pris d'auenture

Des pauures matelots, qu'il feist tous attacher
Et sans grosse rançon ne les pensoit lascher:
Mais il fut en apres trompé outre mesure.
Le pescheur fut la proye & le maistre arrogant
Fut beaucoup abbaissé au dessoubz du seruant:

Car comme il les menoit en la prison seruile,

Le vent luy fut contraire, & tout subit fut mis
Au haure desiré par ceux qu'il auoit pris.
O' Dieu que la fortune est legiere & mobile,
Puisque subitement vn danger appreste'
A conduit son autheur en tout pauurete'!