De Gulden Passer. Jaargang 60

125. Frontis nulla fides.
Achilli Statio Lusitano.

A vn chacun corps que Dieu

Crea iadis dans le monde
Soit en la terre ou en l'onde
On peut remarquer vn lieu
Lequel voyant on s'assure
Quelle est en luy la nature.

On cognoist par les abois

Du chien l'ardeur & l'enuie:
Et du taureau la furie
Au grand's cornes que tu vois:
Le Scorpion & Vipere
Ont la queuë trop amere.

Nostre front es descouuert,

Et si lon ne peut congnoistre
L'affection qui peut estre
Du bien ou du mal offert.
Brief la chose est incongneüe
Et n'en peut iuger la reüe.

Ceste main dextre qui tient

Vn grand tableau sans peinture
Or' de ton amy t'assuere
Qui pour amy te maintrent
Tel que le tableau doibt estre,
Et pour tel le doibs cognoistre.