De Gulden Passer. Jaargang 60

123. Dulcia cum amaris.

On dit communement qu'auecque le malheur

On a veu quelque fois adiouster du bonheur:
Cela peut estre veu dedans l'arche celeste
Où deux maux sont domptez par vn qui les retient.
En la musique aussi vn son qui se maintient
Ou plus haut ou plus bas adoucist tout le reste:
Ceux la qui ont congneu la vertu des Planettes
Entendent bien comment ces choses sont parfaictes.

Planetae.

Saturne par trente ans va conduisant son cours:

Iupiter en a vingt, Mars deus: & la lumiere
Que porte le Soleil n'a qu'vne annee emiere,
Mercure a seulement trois cens quarante iours:
Venus la Cytheree en a neuf d'auantage:
Et la Lune en vn mois parfait tout son voyage.