De Gulden Passer. Jaargang 60

121. Studium & labor vincit.
Ioan. Baptistae Pignae Ferrar.

Ceux qui sont à l'entour de ce vase à deux anses

Tirent à qui mieux mieux: les vns au costé droict
Sont & forts & accords ne craignans le nuisances:
Mais les plus paresseux tirent à l'autre endroict,
Les enfans les vieillards, & ceux qui n'ont enuie
De souffrir les trauaux compaignons de la vie.

Pour dire verité toutes choses sont prises

En vne & autre sorte, & ceux qui sont menez
Par le desir d'honneur mertent leurs entreprises
Au comble de soubhait. mais les plus estonnez
Qui sans soing de leur bien demeurent en souffrance
Ne tireront iamais le vase par son anse.

Ceux donc ont emporté l'honneur & la victoire

Lesquels par le labeur ne se sont estonnez,
Et les autres tousiours demeurent sans memoire.
A bon droict te sont donc les honneurs ordonnez
Par Alphonse, qui t'a esleu son secretaire
Pourueu que des neuf seurs tu ne laisse l'affaire.